Дэлгэрэнгүй
Татаж авах Docx
Дэлгэрэнгүй уншаарай
“Дэлхийн хүмүүс амьдралын зөв зам мөрд орж, өөрчлөгдөх ёстой. Энэ нь хүчирхийлэл, аллагын замаар амьдрахаа зогсоох ёстой гэсэн үг. Тэгвэл амар амгалан ирж, энх тайван цогцлон, үүрд оршино.” Тэр яг ингэж хэлсэн. Ийм зүйлийг би анх удаа Дайны Хаанаас сонсож байна. Хүссэн бүхнээ байгаа л бол өгч болно гэж би бодсон юм. Гэтэл тийм биш байж. […]
Диваажингуудын хайртай мөнхийн сүнснүүд минь сайн байцгаана уу? Би та нартаа хэдэн мэдээ дуулгаюу гэсэн юм. Та нар бүгд үр бүтээлтэй байж, ялангуяа оюун санааны ертөнцөд хүссэн үр дүндээ хүрэхийн тулд чадлаараа хичээж байгаа гэж найдаж байна.Дашрамд хэлэхэд би дахин мартахаасаа өмнө өнгөрсөн долоо хоногуудад төрсөн өдрийн мэнд хүргэсэн бүх хүнд баярлалаа. Хэрхэн яаж тэмдэглэх вэ гэж бодож байсан ч би та бүхэнд өөрөө хариулж чадсангүй. Тэгээд хэтэрхий завгүй болоод тоолгүй орхисон. Луу жилтнүүд бид бас мартамхай, хэт ачаалалтай байдаг. Та нар намайг маш сайн мэднэ. Би ийм л луу байгаа юм. Намайг уучлаарай, гуйя. Та бүхэн надад энэ жил луу жил гэдгийг, миний төрсөн жилийг сануулснаар надад хамгийн сайн сайхныг онцгойлон хүслээ. Баярлалаа, баярлалаа. За ингээд луу жилд төрсөн хүн бүрд цагийг сайхан өнгөрүүлэхийг, мөн хамгийн сайн сайхан бүхнийг хүсэн ерөөе! Би их олон жилийн өмнөөс төрсөн өдрөө тэмдэглэхээ больсон. Энэ дэлхий зовж шаналж, уй гашуутай хэвээр байгаа тул надад тэмдэглэх зүрх алга. Гэхдээ эрч хүчтэй луу жилтнүүд ээ, та бүхэн Диваажингийн Адис ерөөл, Хайраар баяраа тэмдэглэж, сайхан байцгаагаарай!!!Өчигдөр би Энх тайвны Хаанаас ирсэн тусламжийг ажиглаад Түүнд талархсан юм. Тэгээд та нартай ярилцахыг хүслээ. Бурханы Тааллыг биелүүлэхэд тусалж, дэлхийг илүү тайван, илүү эв найртай уур амьсгалтай болгоход тусалсанд нь Түүнд маш их талархлаа. Тэгээд би Түүнээс үүнээс илүү зүйл Хийж болох сон болов уу гэж гуйсан юм. Тэр энэ Ертөнцийн Хуульд нийцэхийг л хийж чадна гэсэн. Гэхдээ үнэндээ Тэр хэдийнээ чадахаасаа ч илүүтэйг хийчхээд байгааг би харсан л даа. Тэр ихэвчлэн чимээгүйхнээр, бараг нууцаар хийчихдэг.Тэгээд би Дайны Бурханыг дуудаад ярилцсан юм. “Юунд энэ бүхнийг хийнэ вэ?” гэж асуулаа. Хариулт нь ямар байх нь мэдээж ойлгомжтой байв. Тэрээр дайны гал дэгдээх зэрэг зүйлийг дуртайдаа хийдэггүй гэдгийг надад хэлсэн. Гэвч үйлийн үрийн хүч дэндүү хүнд, хэтэрхий их байгаа учраас Түүнд яах ч арга байдаггүй гэнэ. Тэгэхээр нь би Түүнд “Хаа газрын дайны хохирогчдыг Та өрөвдөхгүй байна гэж үү? Учир нь Таны мэдэж байгаачлан үүнийг хэн ч хүсээгүй. Дэндүү их зовлон, шаналал, хагацал, түгшүүр, санаа зовнил, дэндүү аймшигтай нөхцөл байдал, бие болон мэдрэл, оюун, сэтгэл санааны гээд элдэв төрлийн шаналлыг хэн ч хүсээгүй.” гэлээ.Тэгэхэд Тэр надад яг ийн хэлсэн, “Үйлийн үрийн хүч бүх өрөвч, нинжин сэтгэлийг устгаж байна. Иймд ямар ч өрөвдөх сэтгэл байдаггүй.” гэсэн. Ингэж хэлсэн. “Митлайд” гэдэг нь өрөвдөх сэтгэл. Хэдий Тэр хүслээ ч чадахгүй. “Үйлийн үрийн хүч байгаа газар өрөвдөх сэтгэл байх ямар ч боломж, нөхцөл байхгүй.” Тэр илүү уран хэлснийг би яг өгүүлж чадахгүй байх шиг байна.Тэгэхээр нь би Түүнд байр байдлыг нь ойлгож байгаагаа, юу хийх ёстойг нь ойлгож байгаа гэдгээ хэлээд, тэгсэн ч хүмүүсийг дэндүү ихээр зовж байгааг, ялангуяа гэм зэмгүй настнууд, хүүхдүүд хомрогд нь зовж байгааг харж тэвчихгүй, зүрх сэтгэл минь өдөр бүр шархирах юм гэлээ. Иймд Түүнээс намайг оронд нь ганцаар минь шийтгээд, бусад хүнийг тайван орхивол ямар вэ гэв. Би ямар л бол ямар хүндээр, хэчнээн л бол хэчнээн удаанаар зовлон туулахад бэлэн. Тэгээд би өөрийн ПиАрыг хийх гэж хичээлээ. Өөрийгөө сурталчилсан гэсэн үг. Тэгээд “Би дайны хохирогчдыг бүгдийг нь нийлүүлснээс ч илүү үнэд хүрнэ. Тэгэхээр намайг сүйрүүлж, намайг шийтгэвэл Танд илүү даацтай байж, бусдад бүгдэд нь хангалттай сайн зүйл болно.” гэж хэллээ. Тэр надад “Энэ боломжгүй.” гэв. Харин би “Боломжгүй зүйл гэж үгүй. Яагаад болохгүй гэж?” гэсэн.Тэгэхэд Тэр ингэж хэлэв: “Аллага, хүчирхийллийн энерги амар амгалангийн энергитэй холилддоггүй. Иймд амар амгалан тусдаа, аллагын энерги тусдаа оршино. Тэд холилдон оршихгүй, аллагын энерги амар амгалангийн энергийг нөхөж чадахгүй. Тэгэхээр энергийн хоёр туйл, хоёр өөр, тусдаа энерги гэдэг нь ойлгомжтой. Иймд амар амгалангийн энерги хүчирхийллийн энергитэй нэгдэх гэж холилдох боломжгүй. Учир нь амар амгалангийн энерги сүйтгэгч байх боломжгүй.” Ингэж хэлэхдээ Тэр миний энерги амар амгалангийн төлөө, харин энэ дэлхий болохоор хэрцгий, аллага, сүйрлийн үйлийн үртэй. Эд холилдох боломжгүй. Тиймээс Тэр устгаж чадахгүй. Тэгэхээр Тэр хүчирхийллийн энергийг л устгах ёстой. Ойлгомжтой хэлсэн гэж найдъя. Түүнтэй ярилцаж байхад бүгд тун ойлгомжтой байсан. Яг Түүний үгээр хэлбэл... Дайны үйлийн үр болон амар амгалангийн үр өөр өөр энергийн эх сурвалжаас ирж байгаа учраас холих боломжгүй гэсэн. Ийм учраас дайны энерги энх тайвны энергийг орлох, үүнтэй холилдох боломжгүй юм. Тиймээс би хүмүүст энх тайвныг цогцлоож өгөх золиос гаргах боломжгүй байна.“Дэлхийн хүмүүс амьдралын зөв зам мөрд орж, өөрчлөгдөх ёстой. Энэ нь хүчирхийлэл, аллагын замаар амьдрахаа зогсоох ёстой гэсэн үг. Тэгвэл амар амгалан ирж, энх тайван цогцлон, үүрд оршино.” Тэр яг ингэж хэлсэн. Ийм зүйлийг би анх удаа Дайны Хаанаас сонсож байна. Хүссэн бүхнээ байгаа л бол өгч болно гэж би бодсон юм. Гэтэл тийм биш байж. Энх тайвны энерги байлаа гээд дайны энергийг зөөллөх гэж өгөх ч боломжгүй байх нь. Жижиг зүйл дээр болох байх. Жишээлбэл уурласан, хэрэлдсэн хүний дэргэд суухад тэр таны энергиэр тайвширч болох хэдий ч дэлхийн дайны энергийг бүхэлд нь зөөллөх боломжгүй. Бурхан минь, бид бүхнээ өгөх боломжтой гэж бодсон юм сан. Энэ бүхнийг сонсоод их гуниглалаа.Сүүлд би Дайны Хаанд ингэж хэлсэн: “Би чадах бүхнээ үргэлжлүүлнэ. Би бууж өгөхгүй. Та Өөрийнхөө төлөө миний талд байсан нь дээр дээ! Сайн сайхан үргэлж ялна.”Тэгэхээр үйлийн үр гэдэг бол сайн ч бай, муу ч бай бидний зугтах аргагүй зүйл юм. Мөн Бурханы Тааллаас зайлах аргагүй! Тэр өдөр би та нарт өдөрт нэг удаа хоол идэх талаар ярьж байсан даа. Би хэлье гэж огт бодоогүй юм шүү. Нэг удаа Тайвань (Формоса)-ийн хоёр удаагийн дэд ерөнхийлөгч агсан хатагтай Лу Шинэ Газар Ашрамд хүрэлцэн ирээд түүний дагалдагч бүсгүйчүүдийн нэг надаас өдөрт нэг удаа хооллодог уу гэж асууж байсан юм. Би юу ч хэлээгүй. Би тэр талаар яримааргүй байсан тул өөр зүйл ярьсан. Тэгээд тэр өдөр та нарт би яагаад энэ талаар хэл халтираад ярьчихсанаа ойлгоогүй. Өдөрт нэг удаа хооллох дэглэмийн талаар урьд нь ярьсан эсэхээ санахгүй байгаа ч энэ бол өлсгөлөн хүмүүс, өлссөн амьтан-хүмүүс болон жаахан ч гэсэн ая тух, амь зогоох төдий хоол хүнс ч үгүй байгаа мод, ургамал зэрэг бусад төрөлтнийг өрөвдөх сэтгэлээс үүдэлтэй юм.Гэтэл амнаас хэл халтираад гарчихсан. Ажлын багийнханд илгээсний дараа би энэ талаар саналаа. Хийх олон зүйлд түүртээд завгүй байсан тул бичээд авчихсан юм. “Үүнийг хас. ‘Өдөрт нэг удаа хооллох’ гэдгийг хас.” гэсэн. Тэгээд над руу хянуулахаар илгээхэд нь устгана даа гэж бодсон юм л даа. Гэвч устгаагүй. Мартчихаж. Тэгээд л гараас маань гараад цацагдчихсан хэрэг.Бурхан минь, би уг нь цацахыг хүсээгүй. Анхнаасаа би та нарт үүнийг хэлье ч гэж бодоогүй. Учир нь би үүнээс үүдэх олон дахин их үйлийн үртэй үр дагаврыг нь хүсээгүй юм. Бас зарим хүн дуурайгаасай гэж хүсээгүй. Та нар намайг дуурайхыг хүсэж магад. Намайг дуурайх явдал гарч байсан. Гэтэл цацагдчихсан. Юуны өмнө би хүмүүст өөрийн хувийн зүйлийг дэлгэхийг хүсээгүй. Хоёрдугаарт хүмүүс өөрт нь тохирохгүй байж мэдэх зүйлийг дуурайгаасай гэж хүсээгүй. Эсвэл тэдний хийх зүйл биш, миний хэлэх ёстой зүйл биш байх.Гэтэл мартчихсан. Хоёр, гурван удаа би ам алдсан. Дараа нь – ээ Бурхан минь – (Суприм Мастер Телевизийн) багийн гишүүдийн нэгэнтэй ярьж байхдаа би “Ээ Бурхан минь. Би өөрийнхөө өдөрт нэг удаа хооллодог тухай хэсгийг хасмаар байсан юм сан. Даанч мартчихжээ. Одоо ч дэндүү оройтчихлоо доо.” гэсэн. Хэдэн өдөр тэгээд надад тун таагүй байлаа.Гэхдээ дараа нь Диваажин надад үүнийг илчлэх учиртай байсан гэсэн. Хэдийгээр санаа амарсан ч гэлээ олон нийтэд үүнийг цацсан маань надад таалагдахгүй хэвээрээ байсан. Гэхдээ яагаад ийм зүйл болсныг би ойлгосон. Та нарыг хэтэрхий туйлшралгүй биеэ бодож, эрүүл мэндээ анхаарч байгаарай гэх зэргийг хэлэх учиртай өөр шалтгаан байж. Учир нь Бурхан хүмүүсийг зарим тийм ч шаардлагатай биш галзуу гэмээр дэгээр өөрсдийгөө хэтэрхий их зовоогоосой гэж хүсдэггүй.Photo Caption: Өө, Хөрш Та Нартаа ч бас Хайртай шүү
