Дэлгэрэнгүй
Татаж авах Docx
Дэлгэрэнгүй уншаарай
Энд ирсэн ямар ч Их Багш, сайн зүйл хийсэн хэн ч бай доромжлуулах болно. Энэ олон жил би ил тодоор болон далдуур ямар их доромжлуулсныг та нар мэдэхгүй. Гэвч Их Багш нар мэдэж байсан, үүнийг тэсэх ёстой. Их Багш байх тухай ч яриагүй байна шүү дээ.Жишээ нь Буддын шашинд саяхан хүртэл, хэрэв хэн нэгэнд нэг лам таалагдвал, нэн ялангуяа тэр лам нь гаднаа зарим нэг зарчимч байдал харуулбал хүмүүс түүнд татагдаж, бусад энгийн лам нарт, энгийн ажил хийж, энгийн л лам байгаа, өөрийнхөө ариун чанарыг, зарчимч байдлаа хүчтэй харуулдаггүй лам нарт дургүй болж эхэлдэг. Улмаар хоёр дагалдагч бүлгийн хооронд асуудал үүсэж, бүр түрэмгийлэл үйлдэхэд хүрч, нөгөө хийдийнхээ бүсэд, газарт очин лам нарыг, мөн гэлэнмаа нарыг нь хүртэл зоддог. Өөрсдийнхөө дагадаг ламын талаар дуу хоолойгоо илэрхийлсний төлөө шүү дээ.Хүн бүр л өөр нэгнийг дагадаг! Тэр лам хүртэл магадгүй гаднаа ариун харагдав ч, дотроо ямар гэдгийг хэн мэдлээ, ямар санаа агуулдгийг, ямар мэдлэгтэйг, билиг ухаантай, ямар гэгээрэлд хүрснийг таах аргагүй. Магадгүй юунд ч хүрээгүй байж мэднэ. Гаднаа л тийм байх. Магадгүй энэ “ариун” гэгдэгч лам нарыг шүүмжлэгч бусад лам гэлэнмаа нар илүү ариун байж мэднэ! Тэдний ажлаа хийдэг байдал нь л тийм. Тиймээс дагалдагч нар нь нөгөө талынхаа сүсэгтнүүдийг зодож нүдэж, Буддын шашныг хувааж, хүчийг нь султгах учиргүй. Тэд бүр тэр хийдэд нь очоод, нөгөө “ариун” гэгдэх ламын араас гүйлддэг, тэгж болно л доо, болно, гэхдээ өмнөх багш нараа зүгээр л тэгээд орхичхож болохгүй.Тэр чадах зүйлээ хийсэн. Амьдралаа золиосолсон. Тэр гэр бүлгүй, эхнэр хүүхэдгүй, та нартай адил амьдралд баясдаггүй. Энгийн хооллож, энгийн хувцаслаж, хэдхэн хос хувцастай, энгийн газар амьдардаг, хийддээ жижиг өрөөнд ч юм уу амьдардаг. Лам байхын тулд тэр амьдралаа, бүхий л зугаа цэнгэлийг “хаясан”. Магадгүй онцгой сайн лам биш байлаа ч, ядаж л түүнтэй хамт байхдаа та Буддагийн сургаалыг санахад суралцсан. Тэр чадах зүйлээ заадаг. Хэрэв түүнийг хангалттай сайн биш гэж бодож байвал мэдээж өөр лам юм уу багшийг олж болно. Гэвч хуучин багш тань өөрийн тань таалалд нийцэхүйц хэмжээнд сахилга баттай харагддаггүй болохоор эргэж очоод түүн рүү чулуу, улаан лооль шидлэх хэрэггүй! Энэ бол Буддагийн ном сургаалын эсрэг түрэмгийлэл. Будда хэзээ ч ямар ч дагалдагч нь өөр дагалдагчийг нь очиж зодохыг хүсэхгүй.Учир нь та бас энгийн төрөлтөн; ямар лам нь ариун, ямар нь ариун биш вэ гэдгийг та мэдэхгүй. Заримдаа зарим лам нар дотооддоо сайныг санадаг ч, ярианы халуундаа болоод хэдэн уг буруу хэлэх тохиолдол бий. Тэнд магадгүй төлөвлөсөн лекц, баячуудад байдаг шиг телепромптер байдаггүй байх. Надад бол одоогоор байхгүй. Нэг удаа, хэд хэдэн удаа байсан л даа. Гэвч заримдаа миний ярьж буй зүйлс текстээсээ үсрээд гарчихдаг. Зарим нэг... юу л биш бол би текст бэлтгэх дургүй. Үгүй, тэгдэггүй. Ямартай ч хэдхэн удаа л тэд надад зориулж бэлдсэн байсан. Би тэгдэггүй, зүгээр л ярьдаг. Жишээ нь одоо би харанхуйд ая зөнгөөрөө орж ирсэн зүйлээ ярьж байна. Учир нь энэ нь сэтгэлээс минь, сүнснээс минь, хэдий та нар намайг танихгүй ч миний та бүгдийг гэх гүн хайраас ундардаг. Олон хүн намайг танихгүй, би ч олныг танихгүй, бие махбодоор танихгүй. Гэвч би бүх сүнсийг тань танина. Та нар аз жаргалд дуртайг мэднэ. Хэдийгээр бодол тархи тань та нарыг зогсоож, хуурдаг ч, Гэртээ харихыг хүсдэгийг тань мэднэ. Гараг дэлхийг удирддаг маяа хүртэл та нарыг анхдагч Гэрээс тань, анхдагч ариун зорилго, хүсэл тэмүүллээс тань тусгаарлахыг хамаг чадлаараа хичээдэг. Буцаад явахыг хичээгээрэй. Анхдагч үзэл санаа, болон энд яах гэж ирснээ санахын тулд өдөрт тодорхой цаг гаргаж байгаарай, мөн Бурханаас өөрийг тань багш руу хөтлөхийг гуй. Хэрэв та өөрөө олж чадахгүй бол Бурханаас аминчлан гуй, танд багш олж өгөхийг цөхрөлтгүй чин сэтгэлээр гуй.За эргээд лам нарын тулааны талбарт очицгооё. Олон шашнууд бусад шашинтай дайтдаг. Мөн шашин дотроо заримдаа хоорондоо тулалдана. Буддагийн цаг үед бас Түүний үеэл, мөн нэг шавь нь, бүр хүргэн ах нь хүртэл Түүний эсрэг явж, Түүнийг хороохыг хүссэн. Тэр өөрийгөө Буддагаас “илүү сахилга баттай” илүү огооролтой хэмээн бусдад сурталчилдаг. Ямар тэнэг зүйл вэ!Зарим хүмүүс өдөрт гурав, дөрвөн удаа хооллоо ч гэгээрсэн хэвээр байна. Зарим хүн юу ч иддэггүй байж гэгээрээгүй л байна. Жишээ нь Будда өдөрт гурав дөрөвхөн гүнждийн үр идэж, багахан ус уудаг байхдаа Гэгээрээгүй байсан. Энэ нь буруу гэдгийг ухаараад, өөрчлөгдөж, энгийн дундаж зам мөрөөр амьдардаг болж, өдөрт нэг удаа хооллож эхэлсэн. Гэхдээ бас өөр аргаар бясалгаж, улмаар гэгээрдэг.Гэвч Будда огоорлын үедээ мөн дараа нь их зүйлийг сурч ойлгосон. Тэрээр их цаг завтай байсан, ганцаараа байсан ба, их зүйлд суралцсан. Өнгөрсөн төрлөө хэрхэн унших аргууд бий, бусдын бодлыг хэрхэн унших аргууд бий, усан дээр хэрхэн алхахад суралцах аргууд бий, агаарт хэрхэн нисэх аргууд ч бий. Агаарт нисэх аргаас Будда суралцсан байв. Тиймээс заримдаа дэндүү хол, дэндүү амаргүй байвал Тэрээр уригдсан газартаа очиж хооллохдоо зарим шавь нарын хамт нисэж очдог байжээ. Сударт тэмдэглэсэн байдаг. Надад итгэхгүй бол өөрсдөө уншаад үзээрэй. Тэрээр мөн бусдын бодлыг уншиж, Өөрийнхөө болон өрөөл бусдын өнгөрсөн төрлийг харах чадвартай байв. Бусад олон зүйлийг Тэр хийж чаддаг байсан. Тэрээр гэгээрэхээсээ ч өмнө энэ бүхэнд суралцсан ба гэгээрснийхээ дараа бас бусад заримыг сурсан. Зарим нь гэгээрэхэд нь аяндаа дагаад ирдэг, жишээ нь алс холыг сонсож, алс тэртээг харах чадвар.Одоо ч зарим хүмүүс ийм шидийн хүчтэй байдаг. Тэд бас агаарт замхран алга болж, агаарт нисэж чаддаг, одоо ч чаддаг! Зарим нь ил тодоор үйлдэнэ. Ихэвчлэн харуулдаггүй. Заримдаа тэднийг үйлдэж байхад нь санамсаргүй өөр хүмүүс хараад, зураг дарсан байдаг. Орчин үед зураг дарж, юуг ч хадгалах боломжтой болж, өндөр технологитой учраас юуг ч харуулах боломжтой болж. Гэхдээ дор хаяж хэдэн зуун хүн өөрсдийнхөө тав тухыг бодож төрөл бүрийн ийм шидийн хүчийг эдүгээ ч дадуулсаар байгаа. Мөн тэд юу ч идэх шаардлагагүй болдог. Гэвч тийм олон хүнтэй уулзах боломжгүй. Тэд нуугдчихдаг. Будда нар бас төрөл бүрийн шидийг хэрхэн суралцах талаар олон судрууд үлдээсэн.Буддаг амьд байхад олон хүн лам болж түүнийг дагаж, бас Түүнтэй хамт нисэх, чулуу нэвт гарах гэх мэт төрөл бүрийн шидийн хүчтэй болсон. Нэгэн удаа нэг лам шавь нь Буддагийн тухайн үед мянган ламынхаа хамт амьдарч байсан ашрамын өмнө сууж байв. Тэрээр касаяагаа буюу ламын гадуур хувцсаа эвхэж байлаа. Тэгтэл нэгэн Хаан ирээд Будда дээр зочлон очихыг хүссэн ч Буддаг хаана байгааг мэдэхгүй байв. Тиймээс хувцсаа эвхэж байсан ламаас, “Та яваад Буддаг хаана байгааг мэдээд, намайг Түүн дээр зочлон ирж буйг хэлээд өгөөч?” гэж хүсдэг. Тэгтэл нөгөө лам чулуу нэвтлэн дотогш орж Буддаг хайхаар явав. Дараа нь Будда Хаантай уулзаж гэнэ. Хаан ихэд гайхан биширч, Буддагаас, “Энэ хэн байсан бэ?” гэж гадаа касаяагаа эвхэж байсан ламын тухай асуув. Касаяа гэдэг нь ламын өмсдөг хувцасны нэр. Албан ёсны лам болох ёслолын дараа тэд тусгай касаяа өмсдөг.Тэгэхэд нь Будда, “Аан, тэр бол нэг баас цэвэрлэгч, намайг дагаж лам болсон.” гэхэд нь Хаан ихэд ичиж, үнэхээрийн их гэмшдэг. Учир нь эдгээр хүмүүсийг лам болоход, Буддагийн зөвшөөрлөөр лам болсных нь дараа олон хүн доромжилж, тэднээр тохуурхаж, эсэргүүцэн, “Өө тэд зөвхөн хоол хүнс, эд баялаг, нэр алдрын төлөө л ирцгээсэн” гэцгээдэг. Гэвч тийм биш. Богино хугацаанд тэд Буддагаас төрөл бүрийн зүйл суралцсан ба тойроод замаараа явахын оронд том чулууг нэвтлэн цаана гарах шидэд мөн суралцсан. Хаан ихэд гайхан биширдэг. Тийм учиртай. Тухайн үед Буддаг дагадаг байсан олон хүн баян чинээлэг, нэр алдартай байгаагүй.Махакасяапагийн эхнэр хүртэл Түүнийг дагаж гэлэнмаа болсон, Тэд хэзээ ч бие махбодын харилцаанд орж байгаагүй. Эхэндээ Түүнийг шинэ байсан болохоор Махакасяапа харж ханддаг байв. Тэр Түүнд хоол авчирч өгч, хамт хооллодог байлаа. Тэгтэл бусад нь хов жив ярьж, доромжилж, төрөл бүрийн юм болдог. Тиймээс хожим нь Тэд тусдаа байж, хамт хооллохоо больж, өөр өөрсдийгөө харж ханддаг болсон байх жишээтэй. Ламын дэргэд эмэгтэй хүн байна гэдэг, мөн өмнөх нөхөр тань хоол авчирч өгч, эелдэг хандвал... Тэд хоорондоо сайхан харилцаатай байсан учраас тэр! Эхнэр нөхөр байсан ч эрхэм ариун зорилгын төлөө салсан. Тэглээ гээд тэд тусдаа явж, нэг нэгнийгээ танихгүй мэт авирлах ёстой гэсэн үг биш. Учир нь тэд нэгэндээ хэзээ ч ямар ч буруу юм хийгээгүй байсан, дараа нь ч хийгээгүй.Гэвч хүмүүс бол хүмүүс, үргэлж л асуудалтай тулгардаг. Тэд үргэлж гадна талыг, гадна үйлдлийг харж, гэгээрлийг нь, тухайн гэгээлэг хүмүүний статусыг дотоодоос нь хардаггүй. Хүслээ ч чадахгүй л дээ, учир нь ихэнх хүмүүс бүхнээ алдчихсан. Тэд аль эрт Диваажингаас бууж ирээд цаг үргэлж алдсаар байдаг. Хааяа нэг өөрсдийгөө эргүүлэн олж авдаг ч тэд гэгээрч, эргээд Диваажингийн төрөлтнүүд болно гэсэн үг биш. Тэд зөв шүүн тунгаадаггүй. Нүд нь хэдий нээлттэй ч сохор. Чих нь хэдий ярихыг тань сонсовч дүлий. Гэвч дотоод ертөнцийн, жинхэнэ ертөнцийн жинхэнэ зүйлсийг сонсдоггүй. Дотоодын жинхэнэ зүйлсийг хардаггүй. Дотоодод нь жинхэнэ ертөнц бий, бүхэл бүтэн Ертөнц байдаг ч, тэд юу ч хардаггүй, юу ч сонсдоггүй.Photo Caption: Эгэл Даруухан Гаралтай ч Энгүй Өргөөнд Байх Боломжтой.
