Дэлгэрэнгүй
Татаж авах Docx
Дэлгэрэнгүй уншаарай
Би 24 цагийн турш дотоод (Диваажингийн) Аялгууг сонсож чаддаг. Дотоод (Диваажингийн) Аялгуунууд хоорондоо ямар ялгаатай байдаг вэ?) Үүнд бага зэрэг хугацаа ордог. Би та нарт авшиг авах үед чинь хэлж өгнө. Би хүмүүсийн цагийг үрэхгүй ээ. Янз бүрийн түвшний янз бүрийн дотоод (Диваажингийн) Аялгуу байдаг ба эдгээрийг янз бүрээр сонсдог, тиймээс би та нарт нарийн тайлбарлаж өгнө. Ингэж тайлбарлахад хугацаа орно. (Би энэ ертөнц болон орчлон ертөнцөд байгаа хүмүүс бие биеэ хайрлаж, аз жаргалтай амьдрахад нь туслахыг хүсэж байна. Би бас Төгс Гэгээрсэн Их Багш Чин Хай намайг чиглүүлээсэй гэж хүсэж байна.) Энэ бол нэр төрийн хэрэг. Таныг ийм эрхэм хүсэлтэй байгаад би баяртай байна. Энэ хүслээ биелүүлэхийн тулд зөв арга барилаар бясалгах ёстой. Будда үүнд зургаан жил зарцуулсан. Та илүү сайн ч байж болно – зургаан хоногийн дотор ч болчих юм билүү. Авшгийн дараа хэр удах нь тодорхой болно. (Өөрсдийгөө чөлөөлөхийг хичээх явц нь ихэвчлэн их хугацаа шаарддаг. Заримдаа бид гэр бүлээсээ, хүүгээсээ, эсвэл эцэг эхээсээ холдон явдаг. Энэ нь нүгэл үү? Бидний олж авсан зүйл үүргээ орхиж байгаа нүглээс биднийг чөлөөлж чадах уу?) Би ойлгохгүй байна. Яагаад гэр бүлээсээ холдох ёстой гэж? Би авшиг авсны дараа гэр бүлээсээ холд гэж хэлсэн үү? Гадаа тэгж бичсэн байна уу? (Тэд жирийн хүмүүс гэр бүлээсээ холдож лам болохыг хүсдэг талаар асууж байгаа юм шиг санагдаж байна.) Хэрвээ танай гэр бүл үүнийг чинь дэмжиж байвал тэгж болно оо. Тайландын хаан хүртэл богино хугацаанд лам болж байсан. Одоогийн Хаан нь. Тэр Тайландын хамгийн завгүй хүн байх гэж бодож байна. Та нар Түүнээс илүү завгүй биш байлгүй дээ? Бид зөв зүйлсийг зөв замаар хийж байгаа нь нүгэл биш. Эс бөгөөс, Будда улс орноо, хаан ширээгээ, бүр гэр бүлээ орхиж лам болохгүй байсан. Гэхдээ Тайландад энэ нь тохиромжтой. Чи нэг өдөр, нэг долоо хоног, нэг сар, нэг жил лам болж болно. Би арван жил хувраг байсан, асуудалгүй. Манай нөхөр жаахан уйлсан ч, зургаан жилийн дараа дахин гэрлэсэн. Тэгэхээр зүгээр байгаа биз дээ? Эцэг эх маань ч намайг байхгүй байхад ч амьдарсаар л байна. Гэхдээ бид гэгээрэхийн тулд заавал лам болох албагүй. Ингэж л хэлье. Хэрвээ боломжтой бол, заримдаа бид ажлаасаа чөлөө авч, гурван өдөр эсвэл нэг долоо хоног завсарлаж болно. Ингэх нь зүгээр. Лам болох нь гэр бүл болон нийгмийн үүрэг хариуцлагаас чөлөөтэй хүмүүсийн хувьд тохиромжтой. Тэр хүн бүх амьдралаа оюун санааны бясалгал хийхэд зориулаад, бусдад гэгээрэхэд нь туслах боломжтой. Ингэхийн төлөө л лам болох ёстой. Учир нь үүрэг хариуцлагаас чөлөөлөгдсөн хүн байж байж л энэ мессежийг хүмүүст түгээнэ. Эс бөгөөс, лам болсноор гэгээрэхгүй. Манай оюун санааны бүлэгт лам нар ч, жирийн хүмүүс ч байдаг. Тэдний сонголт ямар ч байсан хамаагүй, тэдний оюун санааны түвшин ижил. (Энэ хүн Гималайн уулсын нууцыг мэдэхийг хүсэж байна.) Өө, наадах чинь урт түүх дээ. Тэнд очих нь аюултай. Хэрэв авшиг авбал, магадгүй астрал биеэрээ тийш явж болно, тэгээд миний тулгарсан аюулуудтай биеэрээ нүүр тулах шаардлагагүй болно. Би зарим нэг түүхийг өөр өөр бичлэг дээр ярьсан байгаа. Магадгүй энэ тухай лавлаж болох юм. Эс бөгөөс, би энд яривал та огт харимааргүй санагдах байх. Бид бүгд энд үхтлээ суух болно, тэгсэн ч миний яриа дуусахгүй байх. Гэр бүл дээрээ очихгүй энд суугаад байвал нөгөө нүглээ хураачих ч юм билүү. Дараагийн асуулт? (Дэлхийн чиглэл болон Дхармагийн чиглэл хоорондоо эсрэг зүгт байна уу?) Дэлхийн чиглэл болон (Дэлхийн чиглэл) Дхармагийн чиглэл үү? (Тийм.) Яг ч тийм биш ээ. Тэгж харагддаг. Гэгээрлийн дараа бүх зүйл нэг чиглэлд байгааг ойлгоно. Үүнийг тайлбарлахад хэцүү, гэхдээ тийм л байдаг. (Өнөөдөр бясалгал заах билүү? Хэрвээ тийм бол Танд баярлалаа.) Лекцийн дараа заана. (Хүндэт Багш аа, би Тайвань дахь багшаар Ануттара Дхармагийн зам мөрийг заалгаж авсан юм. Би Таны шавь болж болох уу? гэж асуух гэсэн юм.) (Хүндэт Багш аа, би Тайвань дахь багшаар Ануттара Дхармагийн зам мөрийг заалгаж авсан юм. Би Таны шавь болж болох уу? гэж асууж байна.) Хэрэв та (дотоодын Диваажингийн) Гэрэл ба Аялгууг үзсэн бол заавал миний шавь болох шаардлагагүй. Гэхдээ (дотоодын Диваажингийн) Гэрлийг харж, (дотоодын Диваажингийн) Аялгууг сонсоогүй бол, гадаа авшигт бүртгүүлж болно. (Дотоодын) Диваажингийн Гэрэл буюу Буддын Гэрлийг харахгүйгээр, мөн (дотоодын) Буддын Аялгуун Сургаалыг сонсохгүйгээр бид хэзээ ч чөлөөлөгдөж чадахгүй. Хэчнээн их хичээлээ ч чөлөөлөгдөж чадахгүй. Хамгийн сайндаа бид (доод түвшний) нэг Диваажинд очоод буцаж ирнэ, тэгээд дахин дахин ирж очсоор л байх болно. Авшиг авсан хүмүүс чөлөөлөгдөнө гэдэг нь баталгаатай, мөн тэдний өмнөх болон дараах олон үеийн хамаатан садан, найз нөхөд ч бас чөлөөлөгдөнө. Өөрийгөө таньж, гэгээрэлд хүрсэн хүн бусдыг ч чөлөөлөх их хүчтэй болдог. (Арьяабалын Аргаар бясалгаж байхдаа амьсгалын дасгал хийхийг яагаад хориглодог вэ?) Учир нь энэ нь түр зуурын үзэгдэл юм. Амьсгал бол түр зуурын үзэгдэл. Хэрэв бид чөлөөлөгдөхийг хүсвэл бид өөрийн жинхэнэ мөн чанар буюу жинхэнэ мөнхийн Бурханаа таних ёстой, тэрхүү мөн чанар түр зуурын үзэгдлээр дамжиж танигдахгүй. Мөн амьсгалын арга барилыг сайн Багшгүй, цэвэр бие сэтгэлгүйгээр хийх нь заримдаа аюултай байж болдог. За юу? (За.) (Багш явсны дараа, авшиг авмаар байвал, бид ямар нэг өөр байдлаар тантай холбогдож авшиг авч болох уу?) Тийм ээ, би танд гэгээрлийг факсаар илгээж чадна. Авшиг өгөхийн тулд Багш заавал биечлэн байх шаардлагагүй. Амьдралтай холбоотой ажлуудын заавар нь зөвхөн үгсээр дамжин ирдэг харин гэгээрэл нь сүнслэг дамжуулалтаар дамжиж ирдэг. Энэ нь Багшийг заавал биечлэн байхыг шаарддаггүй, учир нь энэ хүч орчлон ертөнцийн хаана ч хүрч чадна. Хэрэв хүсвэл Та Тайландад байгаа төвтэй холбогдож болно. Номон дотор бясалгалын төвийн утасны дугаар эсвэл хаяг байгаа байх. Тэд надад мэдэгдэнэ, тэгээд Би Тайландад байхгүй үед ч Та авшиг авч болно. Ингэж авшиг авахад адилхан үр дүнд хүрнэ. Photo Caption: Сайхан цэцэглэхийн тулд хүнд бэрхийг туулна
