Дэлгэрэнгүй
Татаж авах Docx
Дэлгэрэнгүй уншаарай
Дарма буюу Үнэн ёсыг дамжуулах арга. Бид нар үүнийг авшиг гэж нэрлэдэг Гэхдээ энэ аргыг Их Багш Чин Хай нээгээгүй юм шүү. Энэ бол маш эртний арга. Жишээ татъя л даа. Хэрэв бидэнд янз бүрийн шашны судрыг судлах юм бол энэхүү авшиг авах гэдэг зүйл олон шашнуудад байгааг олж мэдэх болно. Жишээ нь Зэн Буддизмын зургаа дахь Тэргүүн Их Багш Хүй Нэн шавь нартаа ижил аргаар авшиг хүртээж Дарма буюу Үнэн ёсыг дамжуулан уламжилдаг байв. Үүнтэй адилаар Шихизмын Гүрү Нанак Энэтхэг улсад түүний нэр алдар түгсэн байдаг, Үнэн ёсыг авшгаар уламжилдаг байсан. Хэрэв бид янз бүрийн шашны судруудаас эрж хайвал ялангуяа агуу Бошиглогч нартай том шашнуудыг судалж үзвэл Үнэн ёсны дамжуулалтыг авшгаар уламжилдаг гэдгийг мэдэж авна. Яагаад авшгаар Дээдийн номыг дамжуулах ёстой вэ? Яагаад үүнийг авшиг гэсэн бэ? Дарма нь үгээр буюу хүний хэлээр тайлбарлаж болох зүйл биш. Тиймээс Дээдийн номыг дамжуулах үед өөрөөр хэлбэл авшиг хүртээх үед энэ нь сүнснээс сүнсэнд дамжуулагддаг. […] Их Багшийн энгийн шавь нарын хувьд тэднээс авшиг авахын өмнө өдөрт багадаа хоёр цаг гучин минут бясалгаж чадна гэх амлалт өгдөг. Энэ нь зарим хүнд хэцүү сонсогдож болох юм. “Хоёр цаг хагас аа? Тийм цаг яаж гаргах уу? Бид өдөржингөө завгүй байна. Гар утсаа оролдож, бичлэг үзэж, ТВ-ын нэвтрүүлгүүд үзнэ. Ямар нэвтрүүлэг байгаа билээ? Аль ном нь зугаатай вэ?” Тэгэхээр бясалгал хийх цаг бидэнд яаж гарах вэ? Гэхдээ энэ биднээс хамаарна. Хэрэв бид бясалгалыг буюу сүнслэг дадлыг амьдралынхаа хамгийн чухал зүйл гэж бодвол бид цаг гаргана. […] Гэхдээ Их Багш биднийг нэг дор хоёр цаг гучин минут суу гэж шаардахгүй. Бид энэ цагийг хувааж болно. […] Мөн Их Багшийн шавь болохоор ирсэн хүмүүсээс бид Таван Сахилыг дагаж мөрдөх амлалт авдаг. […] Авшиг гэдэг нь өөрөөр хэлбэл оюуны нүдийг нээнэ гэсэн үг. Бидний нэрлэдгээр Билгийн мэлмий. Хэрэв бид судраас судалж үзвэл Билгийн мэлмий гэдэг нь духны голд дээш чиглэсэн байрлалд байна гэдгийг мэдэж авна. Бэлгийн мэлмий нээгдэх нь бидэнд юмсыг ойлгоход тусалдаг. Биднийг гэгээрэхэд тусалдаг.
