“Өөрийгөө Майдар Бурхан хэмээн худал зарласан сувдаг чөтгөр” 9 цуврал лекцийн 6-р хэсгийг

Буддагийн хэлсэнчлэн энэ Цөвүүн цагт лам нар лам биш. Магадгүй зарим нь жинхэнэ лам биш байх. Эдгээр хуурамч лам нар өнгөлөг жиашас өмсөх дуртай гэж Буддагийн хэлсэнтэй адилаар зарим нь өнгөлөг жиаша (касаяа буюу ламын нөмрөг) өмсдөг. Хуурамч лам нар мөн (амьтан-хүмүүсийн) мах идэж, архи ууж, мөрийтэй тоглож, төрөл бүрийн юм хийж байна. Эдгээр лам гэгдэгчид мөн хүүхдүүдийг хүчирхийлж, эрэгтэй эмэгтэй хүмүүсийг ч хүчирхийлдэг. Интернэт даяар байгаа. Тийм зүйлийг бол олж хараагүй ч болоосой. Үнэхээр ой гутам. Энэ бүхнийг мэдээгүй ч болоосой. Эрхэм ажлаа хийхээр гарч ирсэн цагаасаа эхлээд энэ олон арван жилд энэ бүхнийг мэдээгүй явж. Бүр саяхан л сонслоо, хаа нэгтээ Католик шашны лам нар илүү ийм нүгэл үйлдэж, хүүхдүүдийг хүчирхийлэх юм уу, ижил хүйстэнтэй гэрлэж, эмэгтэйчүүд, эрчүүдийг хүчирхийлсэн тухай

хараад би Буддын шашинтнууд ингэдэггүй гэж хэлсэн. Би бараг л сонсож байгаагүй. Бурхан минь миний буруу байж. Үнэхээр би эндүүрч. Буддын лам нар 250 сахилтай учраас тийм байх боломжгүй гэж бодож байлаа. Мөрдөх ёстой төрөл бүрийн ёс зүйн зарчмуудыг маш нарийн дурдсан байдаг учраас Буддын лам нар бэлгийн хүчирхийлэл үйлдэх, бусад сүсэгтнүүдийг, бусад лам гэлэнмаа нарыг хүчирхийлэхгүй гэж бодож байлаа. Бурхан минь би том эндүүрч. Интернэтээс их зүйл уншаад байдаггүй. Уншихыг ч хүсдэггүй. Саяхан л дэлхийн энх тайвны талаар мэдэхийг хүссэн учраас үүнийг нээхэд Пандорагийн хайрцаг бүхэлдээ гарч ирээд, доош унаж, энд тэндгүй асгарсан. Энэ бүхнийг мэдээгүй ч болоосой. Үнэхээр намайг үймүүлсэн шүү. Миний хий хуурмагийг арилгасан. Мара үр хүүхдүүдээ лам гэлэнмаа болгохоор илгээн, төрөл бүрийн ламын нөмрөг хувцас зэргийг ашиглан Буддагийн сургаалыг устгана гэж Будда хэлсэн байхыг би уншсан.

“Шагжамуни Будда нирваан дүр үзүүлэхийнхээ өмнөхөн чөтгөрийн хааныг дуудаж түүнийг загнан, ‘Чи дүрмээ дагах ёстой. Одооноос эхлэн дүрмээ дага. Тэдгээрийг бүү зөрч.’ гэжээ. Тэгэхэд нь чөтгөрийн хаан, ‘Та намайг дүрмээ дага гэж байгаагүй юм уу? За яах вэ тэгье. Ном үгүйрэх цөвүүн цагт би таны хувцас нөмрөгийг нөмөрч, таны хоолыг идэж, өргөл барьц авдаг аяганд тань баах болно.’ гэдэг. Тэр Ном сургаалыг дотроос нь устгана гэсэн утгаар хэлсэн. Будда үүнийг сонсоод ихэд санаа зовдог. Тэрээр уйлан, ‘Чамайг би үнэндээ яаж ч чадахгүй нь. Чиний арга болбоос хамгаас хортой, хамгаас хөнөөлтэй.’ гэж хэлдэг.” - Хүндэт Их Багш Шүан Хуа-н (цагаан хоолтон) Баатараа явагч их хөлгөн судрын тайлбар

Тэгээд Будда уйлав. Бурхан минь. Будда туйлын эмзэг, үнэхээрийн хайр энэрэлтэй. Тэрээр эмэгтэйчүүдийн ясыг хараад бас уйлсан. Эмэгтэй хүн өөд болоход яс нь харладаг, эрчүүдийнх шиг цагаан байдаггүй. Учир нь эмэгтэйчүүд сар бүр цус алдаж, хүүхэд гаргаж, нөхөр хүүхэд, гэр орноо харж ханддаг болохоор тэр. Тиймээс тэдний бие тийм ч эрүүл байдаггүй. Өөд болоход нь яс нь харладаг. Будда овоолоотой их хэмжээний ясны урд уйлдаг. Будда ямар их хайр энэрэлтэй, нигүүлсэнгүй болох нь харагдаж байна. Тийм байхад Түүнийг дагадаг нэгэн яаж Түүний сургаал номлолыг хэвээр нь хадгалахуйц, мөн зөв шударга, ёс зүйтэй, нигүүлсэнгүй байхыг заахуйц хүндэтгэлтэй байдаггүй билээ? Орчин үед нигүүлслийн талаар ярьдаг лам бараг л харсангүй, дагалдагч нартаа Буддагийн хүссэний дагуу хүмүүст хайрыг хадгалж, тэтгэж, боловсруулахад нь, мөн хайраар амьдрахад нь сургахыг хичээж байхыг үзсэнгүй.

Као Даи-измийн Гэгээнтнүүдээс Хүээ Бюуд оноосон дөрвөн шийтгэлийн талаар би хэдэн асуулт асуусан юм. Би “Яагаад Та бүхэн надад хэлж байгаа юм бэ?” гэхэд Тэд Као Даин энгийн сүсэгтнүүдэд төдийгүй дэлхий даяарх итгэгчдэд нь мэдээлэх арга хэрэгсэл надад байгаа болохоор гэв. Дотоод ертөнц хүмүүст мэдэгдэхийг хүссэн гэсэн.

Тэгэхэд нь би “Гэхдээ тэр намайг өмнө нь магтдаг байсан. Андуурсан байх. Тэр андуурсан юм болов уу?” гэхэд Тэд “Үгүй, тэр санаатайгаар тэгсэн.” гэв. “Өөрийнхөө дорд хүсэл, өчүүхэн санаанд нийцүүлэх гэж тэр бүхнийг мушгисан” ч бүгдийг нь эмх замбараагүй болгосон. Түүнд хангалттай билиг ухаан байхгүй л болов уу. Зөвхөн нэр цол зүүхийг хүссэн ч үүгээрээ тэр дэлхийн төлөө юу хийж чадах билээ? Энэ олон арван жил тэр зөвхөн идэж, унтаад, их зүйл хийгээгүй, Као Даи-измийг түшин, амь зууж, магадгүй өөртөө өргөл өгүүлэх гэж гадуур хүмүүст яриа хийдэг байсан байх. Одоо тэр нэр цол хүсэж байна.

Тиймээс би “Тэр яагаад намайг өмнө нь магтдаг байсан юм бэ?” гэж асуусан. Анх яриаг нь хараад би “Өө тэр үнэхээр сайн, ухаантай хүн юм. Хэн юм бол?” гэж бодож байлаа. Гэвч түүний талаар шалгах хугацаа байгаагүй. Тэгээд дараа нь би шавь нартаа олж мэдээрэй гэхэд тэд надад “Өө, Хүээ Бюу Као Даи-измийн нэг дамжуулагч юм байна” гэсэн. Тэгээд л мэдсэн. Би “Өө, тэр бол Као Даи шашны хүн. Яагаад намайг магтав? Тэд өөрсдийнхөө Гэгээнтнүүдийг магтах учиртай даа.” гэлээ. Учир нь Као Даи-изм бол үнэхээр гэгээлэг шашин. Духны голд байдаг нүдний бэлгэдэлтэй. Энийг бид бүгд мэднэ. Энэ нь гуравдагч нүд, Билгийн Мэлмий, Сүнсний Нүд юм.

Као Дай-н үүсгэн байгуулагч далайн эрэгт байхдаа нэг ахуй ойлголтоороо Нүдийг харсан байдаг. Гэхдээ Тэр далайн эрэгт харсан юм биш, тухайн үед тэрээр төвлөрсөн байснаас тэр. Хэдийгээр Тэр өмнөө байгаа далайг харж байсан ч илүү дээд дотоод ертөнцдөө төвлөрч, Гэгээнтэн Мэргэд Түүнд ахуй ойлголт харуулан, зарим нэг сургаалыг заасан. Тэд ахуй ойлголтоор нь хүмүүсийг буюу сүсэгтэн олон бясалгаж байхдаа, магтаал, мөргөл үйлдэж байхдаа билгийн мэлмийдээ төвлөрөх ёстой гэдгийг Түүнд хэлсэн. Учир нь билгийн мэлмийдээ хүн төвлөрөх ёстой. Үүнийг бид мөн Арьяабалын Аргын авшгийн үеэр заадаг.

Тиймээс би “Тэгвэл яагаад Хүээ Бюу намайг магтсан юм бэ? Яах гэж?” хэмээн асуусан. Тэр үед түүний интернэтэд бичсэн зүйлсийг нэг их уншаагүй байсан юм. Нэг удаа намайг магтаж, өрөвдсөн байсныг нь л уншиж байлаа. Би гайхаж, сэтгэл минь хөдөлсөн. “Тэр яагаад тэгэх ёстой болсон юм бэ?” гэж асуулаа. Тэгтэл Эрхэмсэг Дээд Као Даи Хаан надад “Таны шавь нарыг авахыг хүссэн учраас...” гэв. Тэр бүр яг ингэж хэлсэн: “Яагаад гэвэл Хүээ Бюу Таны шавь нарыг өөртөө итгүүлэхийг хүссэн. Тэгээд дараа нь тэр Таны хөлс нулимсаа дуслуулан байж босгосон Ажлыг булаан авах илүү арга чаргатай байх болно. Тэр бүр өөрийгөө өмнөх төрлүүддээ Таны их багш байсан гэдэг. Энэ нь бүгд худлаа.” гэж хэлсэн. Бүх Гэгээнтнүүд надад ийн хэлсэн: “Яг ийм шалтгааны улмаас юм. Таны бүхий л Хайраа шингээн, Хөдөлмөрлөн босгосон Ажлыг тэр авахаар санаархаж байгаа. Тэр илүү хүчтэй, илүү нэр алдартай болох гэж, илүү олон хүнээс өргөл барьц хүртэх гэж авахаар санаархаж байгаа юм.”

Энэ явдал надад хүүхэд насны минь нэгэн болсон явдлыг санууллаа. Би наймхан настай байсан, үнэхээр балчир, бага ангид байсан үе. Мэдээж шүлэг бичдэг байв. Ингээд нэг өдөр нэг хуудас орчим шүлэг бичихдээ сургуулийнхаа бүх л хичээлийг шүлэгтээ багтаасан юм. Шүлэг маань ч үнэхээрийн сайхан, яг таг, сургуулийн тухай маш оновчтой, бидний сурдаг хичээлүүд, болдог зүйлс, ямар ангид багш юу гэж хэлсэн гэх мэт тухай зүйлсийг тун оновчтой өгүүлсэн байлаа. Гэтэл би тэр шүлгээ алдчихсан. Хөршийндөө нэг шалтгаанаар ороод алга болгочихсон, магадгүй сургуулийн номоо биедээ авч явж байхад тэр цаас нь тусдаа байсан байх. Нэг цаас салгаад дээр нь бичсэн байсан юм. Тэгтэл алга болгочихсон. Үнэндээ тэнд алга болгосноо ч мэдээгүй. Гэвч дараа нь би тэнд л орхисноо мэдсэн. Ингээд гэртээ ирээд хайгаад олдоггүй, хаанаас хайхаа ч мэдээгүй учраас тэгээд л орхисон. Яалтай билээ?

Нэг өдөр тэр хөршийнхөө гэрт дахиад очив. Тэр хөрш айл маань үнэндээ туйлын эелдэг. Тэд гурван хүүхэдтэй бөгөөд хамгийн том нь ахлах ангийн хүү байсан, дундах нь охин, бага нь бас охин байв. Гэтэл би тэр хүүгийнх нь ширээн дээр миний шүлэг байгааг харсан. Тиймээс, “Өө чи олоо юу. Энэ бол миний бичсэн шүлэг. Би буцаагаад авч болох уу?” гэхэд тэр над руу ихэд ширүүн, намайг айлгах аястай хараад, “Үгүй! Энэ бол миний шүлэг, чинийх биш.” гэв. Би, “Үгүй, үгүй, миний шүлэг. Миний бичгийг та харж байгаа. Би мэдэж байна.” гэхэд тэр “Үгүй, чинийх биш. Тэгж хэлэхээ боль” гэлээ. Тэгэхэд нь би, “Гэхдээ минийх шүү дээ. Миний бичгийн хэвийг та харж байгаа. Таны бичиг биш шүү дээ.” гэтэл тэр, “Үгүй, миний

шүлэг. Одоо алга болохгүй бол хохь нь шүү.” гэсэн. Их л ширүүн харагдсан болохоор би айгаад явсан. Өөр яалтай билээ? Миний бичгийн хэв байсан! Миний шүлгийг тэр өөрийнх нь гэсэн. Дараа нь тэр сургууль руу авч яваад шагнал хүртэж билээ. Их сайн шүлэг байсан болохоор тэр. Хамгийн бага ангиас эхлээд бага сургуулийн хамгийн дээд анги хүртэлх бүх хичээлийг, мөн ангидаа юу сурдгийг тайлбарладаг. Гэтэл өдийг хүртэл би энэ шүлэг зөвхөн юуны тухай байсныг л санадаг. Нэг ч үг өгүүлбэрээ санадаггүй. Үүрд алдагдсан. Бас тэр хүү тэр шүлгээр шагнал авсан, ямар шагналыг нь ч мэдэхгүй. Уран зохиолын сайхан шагналуудын нэг байх. Одоо бас үүнтэй их төстэй. Хэдийгээр би өсөж том болсон ч дээрэлхүүлсэн хэвээр.

Photo Caption: Ногоон Хорхой Цэцэг Хоёрын Хэн нь Илүү Үзэсгэлэнтэйг Хэн Ялгаж Хэлэх вэ!

Зураг татаж авах