Одоо сэрж сэхээр гэж гуйя. Өөрчлөгд л дөө. Надтай хамт, Диваажинтай хамт хуурмагийн хаан маяа үйл үрийг чинь өөрчлөн арилгах боломж олгооч гэж гуйя. Тэгэх аваас та нар энэ гараг дээр амьд сэрүүн байхдаа л хэдийнээ эрх чөлөөт сүнс болж, цаг байвал хүссэн бүх зүйлээ авч чадна. […] Та нар үйлийн үрийг устгуулж, амьдралын хэв маягаа өөрчилж зүрх сэтгэлээ төрөлхийн уг мөн чанартайгаа адил болгож өөрчлөх юм бол хэрэгцээтэй бүхнээ олж авах болно. Мөн тийм ч их зүйл хүсдэггүй гэдгээ мэдэж авна.
Би та нарын зүрх сэтгэлийг жаргалтай болгох бүх зүйлийг, амьдралыг чинь баяр жаргалтай, хангалуун болгох сайн сайхан бүх зүйлийг, хүссэн бүхнийг чинь өгч болдог ч болоосой. Гэхдээ таны хүсэл тэмүүлэл өнөөгийнх шиг ихэнхдээ буруу зүгт улайруулах гээд байхгүй гэдгийг олж мэднэ. Та амьдралынхаа яг тохирсон охиныг олж, мөрөөдлийнхөө бүсгүйтэй учирч, үнэнхүү дурласан үл хөдлөх хөрөнгөө авч үе үеэрээ өмчилж тэндээ амьдарна гээд бод доо. Бүх зүйл яг хүссэнээр чинь байх болно гээд төсөөл дөө. Энэ бол диваажингийн амьдрал. Би та нарт бүгдэд чинь үүнийг хүсэж байна. Бурхан үүнийг л та нарт хүсдэг юм.
Би жинхэнэ Бурханыг, Оройн Дээд Бурханыг ярьж байна. Доод түвшний бурхныг яриагүй. Сүнснүүдийг будилуулж, биет амьдралын шунал хүсэл, материаллаг ертөнцөд уруу татаж, бүхий л муу зүйлд уруу татсанаар та нарыг үргэлжлүүлэн үйлийн үрээ төлөхөд, шийтгүүлэхэд хүргэж өөрийн хяналтдаа энэ биет гарагт үүрд ирж буцсаар байлгахыг хүсдэг тэрхүү бүтээгч бурхны тухай яриагүй байна. Тэр үүнийг л хүсдэг.
Одоо сэрж сэхээр гэж гуйя. Өөрчлөгд л дөө. Надтай хамт, Диваажинтай хамт хуурмагийн хаан маяа үйл үрийг чинь өөрчлөн арилгах боломж олгооч гэж гуйя. Тэгэх аваас та нар энэ гараг дээр амьд сэрүүн байхдаа л хэдийнээ эрх чөлөөт сүнс болж, цаг байвал хүссэн бүх зүйлээ авч чадна. Та нар баян, бүр маш баян, үлэмж баян олон хүн аз жаргалгүй байхыг харж байгаа. Бас өнөөгийн Оросыг хар. Хэчнээн олон олигарх залуу насандаа, настай болсон байлаа ч алуулж, хордож, хөнөөлгөчхөөд байна вэ. Тэд явахад бэлэн болоогүй байсан. Тэд бүр хаашаа явж байгаагаа ч мэдээгүй. Гэхдээ та нар үйлийн үрийг устгуулж, амьдралын хэв маягаа өөрчилж зүрх сэтгэлээ төрөлхийн уг мөн чанартайгаа адил болгож өөрчлөх юм бол хэрэгцээтэй бүхнээ олж авах болно. Мөн тийм ч их зүйл хүсдэггүй гэдгээ мэдэж авна. Хаа ч байсан, Бурхан юу ч өгсөн амьдралдаа дэндүү жаргалтай, сэтгэл хангалуун байх болно. Гэхдээ Бурхан хангалттай хэмжээнээс чинь илүү ихийг өгнө. Яагаад гэвэл та үйлийн үргүй болсон байна. Та нар одоо байгаагаасаа илүүг авах эрхтэй болно. Маш шаргуу ажиллаад ч, заримдаа хоёр, гурав, дөрвөн ажил хийлээ ч амьдралаа хангаж чаддаггүй. Учир нь амьдралд дүүрэн бэрхшээл, урхи занга, урьд насны чинь үйлийн үр байгаа болохоор чөлөөлдөггүй. Мэдээж хэрэг, ийм төрлийн хууран мэхлэлт, дээрэм, заль мэх, урхи занга нь өнө эртнээс л хүмүүсийг муу зүйлд уруу татаж, тэгснээр сүнсийг нь хяналтдаа байлгаж, энэ физик ертөнцөд хязгаарлаж байлгахын тулд үргэлж байсаар ирсэн зүйл. Бид үүнийг өөрчлөх хэрэгтэй.
Бид тохиролцох хэрэгтэй. Бид хамтдаа өөрсдийгөө, үр хүүхдээ чөлөөлөхийн тулд энэ хувьсгалыг хийх хэрэгтэй. Энэ ч шударга явдал биш. Энэ бол энэрэнгүй байдал биш. Мөн бид шударга, сайхан сэтгэлт, зохистой хүмүүс болох ёстой. Бид бие биеийнхээ цусыг урсгаж, тэр дундаа, зэрэгцэн оршиж буй амьтан-хүмүүсийн цусыг урсган, өдөр бүр тэр их ялзарсан махыг амандаа хийж, тэр бүү хэл амьтай бүхнийг идээд байж болохгүй. Энэ бол дэндүү харгис, дэндүү балмад, дэндүү бүдүүлэг, дэндүү жигшүүртэй зүйл гэдгийг та нар сайн мэдэж байгаа. Тэгэхээр үүнийг өөрчлөхийг гуйя.
Бид хамтдаа өөрчилнө. Тэгээд энэ дэлхий бидний хамтдаа амьдрах диваажин болно. Хэдий бид нас ахиад үхэл, амьдралыг нэг их ойшоохгүй болсон байлаа ч хойч үеийнхнийгээ бодож, нигүүлслийг бодож, шударга ёсыг бодож, Бурханыг бодож өөрчлөгдөхөөс өөр арга байхгүй. Бурхан минь. Та нар бүгдээрээ миний саяын ярьсан энэ зарчмыг ойлгохуйц ухаалаг, бүгдээрээ хангалттай ухаалаг чанартай шүү дээ. Тэгэхээр зөв зүйтэй байхыг гуйя. Сайн хүн бай. Эелдэг хүн бай. Эрхэм хүн бай. Дэлхий дээрх Бурханы үр сад бай. Баярлалаа.
Тийм болохоор амьдралдаа ганц удаа сонсооч гэж гуйя. Амьдралынхаа хэв маягийг өөрчил. Та нарт юу хамгийн сайн бэ гэдгийг Бурханаар шийдүүл. Энэ дэлхийг диваажин болгон өөрчлөх тун амархан. Ердөө Веган Бол, Энхтайвныг Цогцлоо, Сайн Үйл Хий. Диваажин, Дэлхий, бүр там ч таныг тэгэх нь үү, үгүй юү гэдгийг харж байна. Тэгээд таны буян дэлгэрнэ. Аз жаргал чинь ирнэ. Тансаг сайхан амьдрал дагаад ирнэ. Биднээр туслуулаач. Гуйж байна. Чин сэтгэлийн угаас, хайраараа та нарыг илүү сайн сайхан болохын төлөө амьдралаа өөрчлөөч хэмээн уриалж байна. Эндэх амьдрал чинь, ойр орчныхон чинь, ялангуяа хайртай хүмүүс чинь, гэр бүл чинь, эхнэр, нөхөр чинь, үр хүүхэд, найз нөхөд, хөршүүдийн чинь амьдрал улам сайхан болно. Та нар амар амгалан, аз жаргалд, гэгээрэл чөлөөлтөнд өнөө ч, хожим ч амьдрах болно.
Биднийг өршөөж, туслаач хэмээн би Оройн Дээд Бурханд залбиръя. Өөрчлөгдөх зүтгэл гаргахад маань туслаач. Үүнийг хялбар болгож туслаач – хуурмагийн хаан маяа бидэнд туслахын тулд өөрчлөгдөхгүй байх шалтаг олгохгүй байхад туслаач. Мөн бүтээгчид бидэнд туслах боломж олгож туслаач.
Олон гар бие оролцох тусам хялбар болно. Би та нартай сайн, муу бүх цагт үргэлж хамт. Та нарыг чөлөөлөгдөөсэй гэж би хүсдэг. Надад эрх чөлөө мэдрүүлэх учраас та нарыг жаргаасай гэж би хүсдэг. Dи ч бас жаргалтай болно. Иймд гуйя, гуйя, гуйя... Ердөө л веган болж, энхтайвныг цогцлоон хэнд ч бай, ямар ч байдлаар бай, сайн үйл хийгээрэй. Эсвэл сайн үйл хийсэн хэнийг ч болов сайшаа. Зүгээр л сайн үйлс энхтайван, веган хүмүүсийг хараад буянд нь даган баясаж, өөрөө веган болоорой.
Их зүйл хийж чадахааргүй бол ердөө л Веган Бол, хөрштэйгөө, хөрш улстайгаа Энхтайвныг Цогцлоо. Үүнийг л хийгээч гэж гуйя. Сайн үйл хийх үгүй чинь өөрийн тань хэрэг. Гэхдээ тэгвэл улам сайн. Учир нь биет ертөнцөд сүнсэнд туслах юм бол тэд хойд насанд тань тусална, энэ яваа насанд чинь тэд таны төлөө залбирна. Өөд болох үедээ та ганцаараа, өөрийн тань төлөө залбирах ямар ч хамаатан садангүй, найзгүй, хайртай хүнгүй байх юм бол хүн, амьтан төрөлтөн, мод, ургамал зэрэг биет ертөнцөд таны тусалсан тэр сүнснүүд танд туслах болно. Тэд таны төлөө залбирна. Та амьдралдаа өөр сайн зүйл хийгээгүй байлаа ч гэсэн бүхий л залбирлыг харгалзаж үзэх болно. Надад итгээрэй.
Би үнэхээр та нарыг гэдэг, та нарт санаа зовдог, хайрладаг гэдгийг зүрх сэтгэлээрээ мэдрээрэй. Мөн тиймээс л би энэ бүхнийг ярьж байна. Хүмүүсийн оюун ухаан итгэхийг хүсээгүй зүйлдээ итгэхэд хэцүү байдгийг би мэдэж байна. Гэхдээ ганц удаа итгээрэй. Ганц удаа итгээд амьдралаа илүү дээр болж өөрчлөгдөж байгааг хараарай. Дэлхий тун чиг удахгүй диваажин болж өөрчлөгдөх болно. Эс бөгөөс бид бүгд хорогдоно. Бид бүгд мөхөх буюу эсвэл ихэнх маань үгүй болно.
Үлдсэн нь дараа нь дэлхий дээр тохиолдох бүх зүйлийг даван туулж чадвал тэгээс шинээр эхлэх болно. Саяхан, урьд өмнө байгаагүй олон өвчин гарлаа шүү дээ. Хүйтэн байдаг олон улс оронд илүү халуун, Араб эсвэл халуун орнуудаас ч илүү халуун болж байна. Олон өвчин урьд урьдынхаас илүү их гарах болж, тэр ч байтугай бүх төрлийн шавж өөр өөр улс орон руу тархан, хаа сайгүй урь өмнө хэзээ ч байгаагүйгээр сүйрэлд хүргэж байна; урьд өмнө болж байгаагүй олон үер болж; хаа сайгүй гамшиг бүр нэгэн зэрэг болж байна.
Хаа сайгүй хүмүүс залуугаараа үхэж байна. Урьд өмнө зарим өвчнийг залуу хүмүүс тусдаггүй байсан. Жишээ нь одоо залуу хүмүүс хорт хавдар тусах жишээтэй. Олон хачирхалтай өвчин гарчхаад арилахгүй үлдэж байна. Олон хачин вирус гарч ирж байна. Эрт үеийн олон нян, бактери эргэн гарч ирж байна. Олон жигтэй амьтан болон хачин өвчин Дэлхий дээр хаа сайгүй эдүгээ гарч ирж байна.
