Амьдралаа Хайр болон Гайхамшигаар Дүүргэх үй, 3 цувралын 2-р хэсэг

Тиймээс Бурхан нэгэн хэлийг зохиосон, Библид үүнийг “Үг”гэж нэрлэсэн байдаг, бид тэр нэг ижил хэлээр хамтдаа ярихад бидэнд асуудал гарахгүй, учир нь тэр хэл Бурханы Үг, Бурхан юм. Бид тэр хэлийг мэдмэгц Бурхантай нэг болж, уг сурвалжаа санаж, бид бүгдээрээ нэг мөн чанараас гаралтай, нэг Эцгээс гаралтай, бид жинхэнэ ах, эгч, дүүс гэдгээ санана.

Манай бясалгалын бүлэгт төрөл бүрийн үндэстэн, төрөл бүрийн шашинд итгэгч нар байдаг, гэвч бид бие биенээ анх удаа харах үедээ л бие биенээ мянга мянган жил мэддэг байсан юм шиг хамтдаа эв найртай, зохицон ажилладаг. Яагаад тэр вэ? Учир нь бид нэгэн адил дотоодын хэлээр ярьдаг юм бид бие биенээ дээд ухамсрын түвшинд ойлгодог юм.

Бид амьдарч байх зуураа (дотоодын) Диваажингийн хөгжмийг одоо сонсож чаддаг, улмаар бид Бурхан бидэнд юу заахыг хүсч буйг, Диваажны юу зааварчилж байгааг, Бурханы таалал юу болохыг ойлгодог, тэгээд бид энэ дэлхийд буруу явж чаддаггүй. Тийнхүү бид амьдрал амьдралдаа Диваажны хүсэл шаардлагатай илүү зохицон амьдрах болно.

Үнэндээ олон өвчтэй хүмүүс Бурханы хүчээ дахин сэрээсний дараа бүрэн эрүүл болсноо өөрсдөө мэддэг. Гэхдээ энэ авшиг авах шалтгаан байх учиргүй. Бид ганцхан Бурханыг мэдэхийг хүсч буй учир Бурхан луу очих учиртай. Ямар нэг ач тус, богино хугацааны ашиг, нэр төрийн төлөө биш, богино настай ямар ч юм, бие махбодийн төлөө биш.