Дэлгэрэнгүй
Татаж авах Docx
Дэлгэрэнгүй уншаарай
Хиндуизмд байгаль бол ариун нандин ба бүх оршихуйнууд эн тэнцүү. Хиндуизмын гол зарчим бол Ахимса (хүчирхийлэл үл хэрэглэх). Олон Хиндучууд цагаан хоолыг өдөр тутмын садхана буюу сүнслэг дадал гэж үздэг. Хиндуизмын уужим их судрууд ахимса (хүчирхийлэл үл хэрэглэх) ба сүнслэг байдлын хоорондын гүнзгий холбоонд суурилсан цагаан хоолыг зөвлөсөн олон бүлгүүдийг агуулдаг. Хинду хуулийн номнууд олон айлдваруудыг бүхий л амьдрал ариун нандин хэмээх зарчим дээр тулгуурладаг. Манусмрити хэмээх Хинду шашны онцгой алдартай хуулийн номонд амьтдын аллага болон мах идэхийг хатуу буруушаадаг. Бхагавад-гита-д, Кришна амьд оршихуй бүр сүнстэй болохыг мөн нэгэн ижил “Их Эзэн” оршихуй бүрт байдгийг сануулдаг. Амьдралын бүх хэлбэрүүдийн энэхүү ижил төстэй байдал болон хүмүүс ба амьтдын төсөөтэй байдал Энэтхэгийн шашны үзэл санаа ба сургалтанд давамгайлдаг. Иудаизм шашинд цагаан хоол бол Энхжингийн Цэцэрлэгийн анхдагч загвар болох хүчтэй уламжлалтай. Иудаизмын шашинд хүмүүний амьдралыг ариун нандин гэж үздэг ба бид эрүүл мэндээ хичээнгүйлэн халамжлах мөн Бурханы сургаалуудад нийцэх зөв хандлага болох ургамалд суурилсан хоол идэх ёстой. Бурхан хэлсэн: “Анзаарч хар, Би та нарт хоол болгон бүхий л газрын энгэрт байх үрт ургамал бүрийг жимст үр бүхий мод бүрийг өгсөн.” Эхлэл 1:29 “Амьтныг өвчин эсвэл аюулаас аврах нь библийн хууль билээ.” Талмуд, Саббат, 128б Жайны шашин мөн ахимса (хүч үл хэрэглэх) дадлыг онцолдог ба бидэнд бүх төрөлтнүүдэд өөрсөддөө хандах тэр байдлаар хандахыг сургадаг, тиймээс тэдэнд хор хүргэх нь өөрсөддөө хор хүргэхтэй ижил: “Бүх төрөлтнүүд тэд өөрсөддөө хайртай, тэд таашаалд дуртай, тэд өвчнийг үздэггүй, тэд хор хөнөөлөөс зайлсхийдэг, тэд амьдралд дуртай ба тэд удаан амьдрахыг хүсдэг. Бүгдэд амьдрал бол эрхэм; тиймээс тэдний амьдрал хамгаалагдах ёстой. Хэн нэгнийг та хороовол та өөрийгөө хорооно. Хэн нэгнийг та хүчээр дийлбэл та өөрийгөө хүчээр дийлнэ. Хэн нэгнийг та тарчлаавал та өөрийгөө тарчлаана. Хэн нэгэнд хор хүргэвэл та өөртөө хүр хүргэнэ.” - Их Эзэн Махавира
