“Эмэгтэй хүн байхын бишрэм тал” 20 цуврал лекцийн 6-р хэсгийг

Ялангуяа би гэгээрлийн төлөө явахаар шийдсэний дараа бид хоёр өөр унтлагын өрөөнд тусдаа орсон. Би тэр өрөөний шалан дээр аяны хөнжилтэй унтдаг болсон ба тэгснээр өглөөгүүр судар уншихдаа түүнийг сэрээхгүй. Энэ нь ердөө л шалтаг. Бид салсан дээр гэдэг шийдвэрт би хүрч, түүнийг ганцаараа байж дасаг гэж бодсон юм. Гэвч түүний хувьд мөн миний хувьд үнэхээрийн том зүрх шархлалт байсан. Гэвч түүний хувьд бүр ч илүү байсан байх, яагаад гэвэл би зорилгоо дагаж шинэ зүйлсийн төлөө явсан бол тэр нөгөө л байрандаа, хуучин ажлаа хийгээд, ганцаардан үлдсэн. Тиймээс миний хувьд тийм ч зөв сайн үйлдэл байгаагүй. Гэсэн ч би өөр яалтай билээ? Гэрээ орхиогүй бол би та нартай учрахгүй, ингээд яриад сууж байхгүй байсан. Гэхдээ хүн бүр ингэх ёстой гэсэн үг биш юм шүү. Магадгүй миний хувь тавилан ийм байсан байх; миний зорилго намайг илүү төвлөрөлтэй байхыг шаардаж байв.

Сүүлийн үед би ганцаараа байвал бас илүү сайн төвлөрдөг болсон. Хэрэв хэн нэгэн, туслахууд ч юм уу энэ тэрүүгээр гүйлдээд байвал надад адилхан санагддаггүй. Ганцаараа амьдрах сайхан. Та нарт бол тэг гэж уриалахгүй. Тийм байдаг гэж л хэлсэн юм. Бас илүү эрх чөлөөтэй. Юу өмсөж, хэзээ усанд орох шаардлагатай гэх мэтэд санаа зовох шаардлагагүй. Өнөөдөр усанд орохгүй бол маргааш орчхож болно. Би усанд ороогүй их удаж байна. Үнэхээр цаг зав байдаггүй, одоо аглагт байгаа болохоор усанд орох хэмжээний их ус байлгах маш хэцүү. Жаахан тансаг хэрэглээ гэж болно. Боломжгүй.

Та нар үнэхээр аглагт ганцаараа байхыг хүсвэл ахин бодоорой. Би жаргалтай байгаа. Надад тухгүй энэ тэр санагддаггүй ч, та нарт бол тухгүй байж мэднэ. Учир нь та нар тав тухад дасчихсан. Хажуугийн хаалганд тань нойлын өрөө бий, тэгээд зэргэлдээх өрөөндөө гал тогоотой. Аглагт бол тэр бүхэн байдаггүй. Бэлэн юу ч байхгүй. Гэвч би бол дэндүү их ажилладаг болохоор тоодоггүй. Надад өөр зүйлст зориулаад байх цаг зав байхгүй. Сүүлийн үед яагаад би улам их ажилтай болоод байгаагаа мэдэхгүй юм, та нарыг дэлхийнхээ нөхцөл байдлыг мэдэж байг гэж багийнхны явуулсан мэдээнээс мөн өөр хайж байгаад телевизээр цацаж болох мэдээг сонгодог.

Дашрамд дурдахад ерөнхийлөгч Трамп АНУ-ын ерөнхийлөгчөөр хоёр дахь удаагаа сонгогдсоныг та бүхэн мэднэ. Диваажин Түүнийг үргэлжлүүлэн хамгаална гэж найдаж байна. Мэдээж би чадах бүхнээ хийдэг. Гэвч хэд хэдэн удаа Түүний амь насанд халдах оролдлого гарч байсан. Саяхан сонгуулийн дараа ч гэсэн амь насыг нь хөнөөх оролдлого хийсэн нэг тохиолдол гарсан гэж мэдээгээр цацагдлаа.

Ээ Бурхан минь, олон саналаар сонгогдсоных нь дараа би уужран уртаас урт санаа алдсан шүү. Гэсэн хэдий ч тайтгарал түр зуурынх юм. Би Түүний төлөө санаа зовсоор л байгаа. Хэрэв та бүхэн санаа тавьдаг бол Түүнд хамгаалалтын, хайрын энерги илгээгээрэй. Тэр залуу үнэхээр үүнийг хүртэх эрхтэй. Тэр хэдийн 78 настай ч маш их хичээсэн хэвээр байгаа! Тэгж их шаргуу ажилладаг. Би 78 настай байхдаа ийм шаргуу ажиллаж чадах эсэхээ мэдэхгүй юм. Гэхдээ мэдээж Тэр бол том залуу, бас эр хүн. Эмэгтэйчүүд бид илүү даруу, бие бялдар, бие махбодын хувьд сул дорой байдаг.

Би өөрийгөө олон хүний төлөө хэтэрхий их санаа зовдог гэж боддог хэдий ч зөвхөн чухал хүмүүст зовдог. Чухал албан тушаалтай болохоор нь бус, харин тэдний эрхэм зорилго чухал учраас тэр. Тэдний эрхэм зорилго бол дэлхийн аль нэг хэсгийг хамгаалах, дэлхийг энх тайван, улс үндэстнүүдийг хооронд нь эв найрамдалтай байлгах, улс орныхоо, тэр дундаа Америкийн болон дэлхийн эдийн засгийг хамгаалах явдал юм. Тиймээс би Америкийн ард түмэнд, ялангуяа засгийн газарт, улс орныхоо төлөө хариуцлага хүлээдэг зарим хүмүүст санаа зовж байна. Бас америкчууд их өгөөмөр хүмүүс учраас. Тэдний хандив миний санаж байгаа бусад улс орнуудынхаас илүү байдаг. Тэд сайн үйлсийн төлөө дэлхийд хамгийн их хандив өгдөг гэж би боддог.

Америкт ч гэсэн амьтан-хүмүүсийг аварч, амьтан-хүмүүст эелдэг ханддаг олон хүнийг харсан. Тэд бүр веган ч биш. Олон хүн зүгээр л хайраар амьтан-хүмүүсийг авардаг. Ийм явдлыг харах бүрд нулимс гарах юм. Би үргэлж “Таныг адислаг, таныг адислаг” гэж хэлдэг. Яагаад гэвэл амьтан-хүмүүсийн зовлон намайг маш их зовоодог. Маш их, ёстой их шаналгаж зовоодог. Мэдээжийн хэрэг дэлхий дээр, тамд ч хэдийнээ маш их зовлон зүдүүр бий. Хэрэв дэлхий маань сайжрахгүй бол би өдөр бүр, үргэлж шаналж байна гэсэн үг. Би санах болгондоо мартахыг хичээдэг. Учир нь би бас ажиллах хэрэгтэй. Би чадах зүйл дээрээ ажилладаг. Чадахгүй зүйлээ хойш тавьж, тэдний төлөө зөвхөн залбирах хэрэгтэй. Тэгэхгүй бол сэтгэл минь дандаа зовлонгоор дүүрэн байвал би сүйрнэ гэж боддог.

Би чадах зүйлээ аль болох удаан хугацаагаар хийнэ. Үүнд зориулах хангалттай санхүү надад бий. Гэвч зарим хадгаламжаа алдчихсан. Гэхдээ хамаагүй дээ. Ингэснээр би ажилчдад, Суприм Мастер Телевизийн багийнханд жишээ нь шинэ байшин худалдаж авах шаардлагагүй болсон гэсэн үг, яагаад гэвэл тэд одоо өөр өөр газруудад тарсан байгаа. Юмыг яаж мэдэх вэ гээд, цааш үргэлжлүүлэхийн тулд аюулгүй байх үүднээс бид нэг дор байж болохгүй. Гэвч надад өөрийн гэсэн хувийн хадгаламж байхгүй болбол би зүгээр л худалдаж авахгүй. Миний хувьд би авах шаардлагагүй. Нэг жижигхэн зочид буудалд юм уу майханд, эсвэл ойд амьдарчих учраас асуудалгүй. Би бол том охин, өөрийгөө харж хандаж чадна. Харин олон хүнтэй багаараа бол тэд майхан амьдарч ажиллах боломжгүй.

Хүн болохын хувьд бидэнд олон зүйлс хэрэгтэй, ялангуяа тэдэн шиг ажиллах шаардлагатай үед. Тэд тав тухтай, аюулгүй газар байлаа ч, би аль чадлаараа тав тухтай газар байрлуулж, сайхан хоол унд энэ тэртэй байлгалаа ч, би тэднийг үнэхээр их өрөвддөг. Заримдаа тэдний тухай бодоод би уйлдаг, үнэндээ би Суприм Мастер Телевизийг зогсооё гэж бодсон, тэгвэл тэд зүгээр л тэтгэвэртээ гарч, бясалгаж, үлдсэн жаахан амьдралдаа жаргаж болно. Би энэ тухай бодож, зүгээр л мөрөөддөг төдий - гэвч одоохондоо, тэгэхгүй. Суприм Мастер Телевизийг хараахан хааж болохгүй. Надад тэгж санагддаг. Тэднийг өрөвдөх юм, учир нь та нар мэдэхгүй. Ер нь бид шөнөжин ажиллаж, өглөө нь эрт зургаан цагт босож бясалгах ёстой байдаг. Тэгээд шөнө дор хаяж 10 цаг хүртэл бясалгачхаад үргэлжлүүлэн ажилладаг.

Зарим ажлын багийнхан том багаас хол байх ёстой. Тэд өөрсдөө хоолоо хийж, юмсаа худалдан авдаг. Өөр хүн худалдан авч өгдөг бол азтай, мэдээж сайн. Гэвч хэн ч хоолыг нь хийж өгдөггүй. Өөрсдөө хоолоо хийж, тэдэнд зориулж авч өгсөн байраа харж хандаж, төрөл бүрийн юмс хийх ёстой болдог. Би тэдэн рүү шөнө дунд хоёр, гурван цагт залгана. Нэвтрүүлгээс хамаардаг. Зарим нэвтрүүлгийг засах юм уу, зарим хэсгийг нь ахиад хийх, эсвэл юмс нэмэх, засах гэх мэт шаардлага гардаг. Тэр тохиолдолд хэд ч болж байсан хамаагүй, хэдэн цагт ч хамаагүй. Би бэлэн байх ёстой, тэд байнга бэлэн байх ёстой. Миний хувьд мэдээж, би өөрөө л буруутай. Би өөртөө, “Өөрөөс тань болсон” гэж хэлдэг. Гэвч тэд бол ийм зүйл

хүртэх учиргүй. Тэд надад итгэдэг болохоор намайг дагадаг. Гэтэл би дэндүү их ажиллуулж байна. Энэ нь буруу мэт санагдах юм. Гэвч би яалтай билээ? Надад тийм ч олон ажлын багийнхан байхгүй. Дотор байрлаад хамт ажилладаг ахиад хэдэн хүмүүс байсан ч болоосой. Гэвч Бурханы авралаар алсаас ажилладаг хүмүүс бас байна, тэд бас ажилдаа тун сайн, мөн Бурханы зорилго чин сэтгэлтэй байж, дэлхийг ядаж л живүүлчихгүй байхад туслахын төлөө үнэхээр сэтгэлээсээ зүтгэдэг. Яагаад гэвэл орчин үед маш олон гамшгууд гарч байна. Би бүгдийг нь зогсоож чадахгүй. Заримыг нь болиулж чадах ч, бүгдийг нь чадахгүй. Учир нь үйлийн үрийг багас гаж болох ч бүтэн арилгах боломжгүй. Мэдээж ямар үйлийн үртэйгээс хамаарна, гэвч дэлхийн үйлийн үр дэндүү хүнд, дэндүү хүнд, дэндүү хүнд. Нэг хүний үйлийн үр л гэхэд бүхэл бүтэн тэнгэрийг бүрхэнэ гэж Будда хэлж байсан, тэгэхээр дэлхий нийтийн үйлийн үрийг ярилтгүй. Орчин үед бид үнэхээр хол байна. Хүмүүс сүнслэг, ёс суртахууны стандартаас үнэхээр хол. Би үнэхээр их харамсаж байна, дэлхийг хараад итгэл найдвар туйлын нимгэн байгаад үнэхээр харамсах юм.

Мэдээж, бид аль чадлаараа ажиллана. Диваажингийн Ажилчид болон би, Бурханы Нэрээр, Өршөөлт Бурханы Хайр Хамгаалал, Ивээлээр бид үнэхээр шаргуу ажиллаж буй. Гэвч багийнхан маань өдөр шөнөгүй ямар их ажилладаг тухайн мөн огт баярлаж зугаацдаггүй талаар бодоход... Тэдэнд кино үзэх ч цаг гардаггүй. Өмнө нь ганц л удаа би тэдэнтэй Мерлин гэдэг киног үзсэн, бидний ажилтай хамааралтай байсан болохоор тэр. Тийм биш байсан бол бидэнд ямар ч тийм цаг зав байхгүй болсон. Ажлын багийнхан болон алсаас ажилладаг хүмүүсээ би үнэхээр их өрөвдөх юм. Тэд бас гэр бүлтэй. Эхнэртэй, нөхөртэй, хүүхдүүдтэй, ажил бизнестэй, эсвэл гадуур ажилладаг ч тусалсаар байдаг. Чөлөөт цагтай байхын оронд, гарч хамт кино үзэх юм уу хаа нэгтээ салхинд гарахын оронд тэд надтай хамт, багийнхантай хамт, бидэнтэй хамт, бид бүгдтэй, байрладаг авшигтнуудтай болон надтай хамт ажилладаг.

Энэ төрөлд минь надад ийм их хувь ерөөл байгаад, ийм сайн, авьяастай, сайхан сэтгэлтэй, дэлхийн бүхний сайн сайхны төлөө хувийн, бие махбодын тав тухаа золиослоход бэлэн ийм хүмүүс надад байгаад Бурханд би үүрд Талархдаг. Үнэхээр их талархалтай байгаа. Бурхан та нарыг бас адислаг. Би та нарт үүрд хайртай. Та нарыг үүрд хайрлана. Намайг сэтгэлээсээ хэлж буйг та нар мэднэ. Гэвч би та нарт өөр яаж туслахаа мэдэхгүй юм. Над руу ахиад юм бичээрэй, хэзээ ч хамаагүй, ямар нэг зүйл үнэхээр хэрэг болбол бичээрэй. Би юу хийж чадахаа харъя.

Photo Caption: Цаг хугацаа, орон зайд элбэг хангалуун амьдар

Зураг татаж авах