Дэлгэрэнгүй
Татаж авах Docx
Дэлгэрэнгүй уншаарай
Сайн байцгаана уу, хамгаас эрхэм, бүх Диваажингийн хамгийн хайртай, бас миний хайртай та нар минь? Би та нарт маш их хайртай шүү. Бясалгаад сууж байтал надад гэнэт та нартай ярих ёстой юм шиг санагдлаа. Учир нь та нарыг гэсэн дэндүү их хайр мэдрэгдэж, төрлөөс төрөлд намайг гэсэн халамж, хайраа үзүүлж байсныг тань, миний төлөө аль сайн гэж бодон, хийсэн бүхнийг тань эргэн саналаа л даа. Мөн Бурхан та нарыг гэсэн хайрыг минь сорин, одоо намайг майханд амьдрахад хүргээд байна. Мэдээж хот газар биш. Та нар төсөөлж байгаа.Бурхан намайг маш бэрх нөхцөл байдалд олонтоо оруулж, та нарыг хайрласан хэвээр байх эсэхийг минь сорьдог. Мэдээж би хайртай. Бурханд би хайртай, Бурхан та нарын дотор оршдог юм чинь яаж хайрлахгүй байх билээ!! Одоо ойлголоо. Үүнийг би аль эртнээс мэддэг байсан ч тэрхүү Хайр бол мохошгүй Хайр, Бурханы Хайр учраас тэр Хайрыг улам бүр ухаарч ойлгосоор байх болно. Бурхан надад тэрхүү Хайрыг өгсөн болохоор би нөхцөл болзолгүй, ажиг сэжиггүй, хариу юу ч хүсэмжлээгүй, бүрэн уучилсан, бүрэн хүлцсэн, бүрэн нигүүлссэн, сэвгүй цэвэр ариун хайраар хайрлах золтой байгаа юм. Ийм Хайрын төлөө Оройн Дээд Бурханд талархъя. Энэ Хайрыг хадгалж ирсэн бүх цагийн, бүх зүгийн бүх Их Багш нарт талархъя.Бурханаас заяасан энэ Хайрыг бүхий л гайхамшигт, ер бусын Ариун Их Багш нар, Будда нар, Бодисадва нар, Имамууд, Мулла нар, Ариун Гэгээнтэн Мэргэд, хэн гэж нэрлэнэ вэ Тэд бүгд хадгалж ирсэн юм. Тэд хадгалж ирсэн. Тэд бол Бурханы Төлөөллүүд. Тэд энэ Хайрыг Тээж тэтгэдэг. Энэ л Хайрыг би хаана ч явсан өөртөө тээж, хаана ч явсан бие махбодынхоо бүх эд эсээр, түүнээс ч чинагш байдлаар мэдэрч байдаг юм. ыИйм Хайрыг тээж яваадаа би маш их талархдаг. Ийм Хайр надад заяасанд би тун онцгой хувьтай, золтой, азтай. Та нарыг би миний Хайрыг мэдэрдэг гэж найддаг. Үгүй байлаа ч Бурхан цаг нь болохоор мэдрүүлнэ. Би Оройн Дээд Бурхан надад энэхүү Хайрыг өгсөнд, мөн зүг бүрийн, бүх цаг үеийн Гэгээнтэн Мэргэд, Будда нар, Мулла нар надад тусалж байгаад асар ихээр талархаж байна. Би тун их... Юу гэж хэлэхээ мэдэхгүй нь. Энэ Хайрыг мэдэрсэн баяр хөөртөө би бүр тун их цочирдоод байна.Та нар бүгд үүнийг мэдэрдэг ч болоосой. Тэгвэл та нар юу ч хүсэхээ болих сон. Та нар юу ч эрж хайхаа болино. Яагаад гэвэл үнэхээр бүрэн дүүрэн, тун их адислагдсан, сэтгэл тун их ханасан, хайраар дүүрэн, баяр хөөр, аз жаргалаар дүүрэн болно. Ай, Бурхан минь, илэрхийлэх үг алга. За яах вэ. Та нар бүгд мэдэрдэг болоосой. Зарим тань хэдийнээ мэдэрсэн байж магадгүй. Зарим тань зах зухаас нь мэдэрсэн байгаа. Нэг л өдөр та нар миний яг одоо, амьдралынхаа ихэнх өдөрт, дэндүү завгүй л биш бол мэдэрдэг шиг бүрэн дүүрнээр энэхүү Хайрыг мэдрэх болно!Та нарт нэмж хэлэх өвдөлт мэдэрдэггүй хэдэн хүнс байна. Би уншъя, харин өвдөлт мэдэрдэггүй хүнс сонгох эсэхээ өөрсдөө мэдээрэй, хараахан бүрэн гүйцэт жагсаалт болоогүй байгаа. Шинэ өвдөлт мэдэрдэггүй жагсаалт, гүйцэт биш – за эхэлье: ягаан лууван, гишүүнэ, боловсорч гүйцсэн хасарваань. Хасарваань боловсорч гүйцэхэд мөчрүүд нь үхдэг учраас ихэвчлэн боловсорсных нь дараа иддэг. Харж болно. Нэг бол гүн шар, үгүй бол бор болсон байдаг. Тиймээс хасарваанийг аваад идэж болно. Мод өвдөлт мэдэрдэггүй. Хасарвааньтай мөчрийг огтолж авч болно, эсвэл заримдаа өөрөө уначихсан байдаг. Бүх төрлийн, бүх өнгийн багваахай цэцэг, мөн үндэс нь, амарант цэцэг, түлдэг халгай, хүрэн манжин, зэрлэг гич. Надад... илүү цаг байсангүй... Цаг гарвал би өвдөлт мэдэрдэггүй ургамлын аймгийн талаар судалгаа хийгээд та нарт хэлнэ ээ. Баярлалаа.Үнэндээ надад өвдөлт мэдэрдэггүй веган зүйлсийн талаар судалгаа хийх нэг их цаг байдаггүй ч боломжтой үедээ хийдэг. Тэгээд шинэ зүйл олбол та нарт хэлнэ ээ. Заримдаа би мэддэг ч нэрийг нь мэддэггүй, эсвэл хүний хэлээр юу гэдгийг нь мэддэггүй. Үнэндээ бүгдийг нь мэдэх чухал биш; веган л бол юу ч хамаагүй сонгоорой. Учир нь хурга-, үхэр-, гахай-, ямаа-, тахиа-хүн гэх мэт амьд, амьсгаатай, алхаад явдаг, хайр энэрэлтэй мэдрэхүйтэй төрөлтнийг алж хядах болон ногоо идэх хоёрын өвдөлт өөр. Тэд бүгд илүү ухамсартай өвдөлт мэдэрдэг.Өвдөлт мэдэрдэг веган хүнсийг та нар идэж хэрэглэж болно. Эсвэл магадгүй багасгаж, илүү өвдөлт мэдэрдэггүй хүнсээ нэмэгдүүлээрэй. Та нарын л сонголт. Та нарт хэт их шаардлага тавьж зүрхлэхгүй юм, учир нь та нар веган байх гэж хэдийнээ чадлаараа хичээж буйг би мэднэ. Зүгээр л та нартай хуваалцаж болох ямар л мэдээлэл байна би дуртайяа хуваалцдаг. Яагаад гэвэл би та нарт хайртай. Мөн хамаг төрөлтнүүдэд хайртай болохоор, тэд миний бас дотоодод байдаг учраас юм. Нэг удаа, нэлээд дээр үед би бүх зүйл дотор байдаг гэх ухаарал авснаа та нарт хэлж байсан. Би цэцэгст, шоргоолжинд, бүх төрлийн амьтан-хүмүүс дотор, бүх төрлийн ногоо, бүх төрлийн модод дотор байдгаа мэдэрсэн. Тиймээс аль нэгийг нь өвтгөвөл би өөрийгөө санаатай эсвэл санамсаргүй өвтгөх болно.Тэгэхээр, энэ хэдэн арван жилд миний та нарт хэлсэн бүхэн та нарын л сайн сайхны төлөө юм. Хошигнол, түүх, гүн ухааны сэдэв байсан ч бүгд та нарын сайн сайхны төлөө юм шүү. Мөн заримдаа таагүй байдлаар илэрхийлсэн байлаа ч та нарын сайн сайхны төлөө, та нарыг сэрээх гэснийх, та нарт үнэнийг хэлэх гэснийх юм. Амьдрал энэ бие махбодын хүрээнд хязгаарлагдахгүй, өөр газар буюу дотоодод тань, бас гадна талд тань ч оршин байдаг гэдгийг ойлгуулах гэж тэр. Дотоод ертөнц бол жинхэнэ ертөнц. Үүнийг ойлгоход туршлага шаардагдана. Зарим хүмүүс насан туршдаа биеэ хатамжлан даяанчилж, хичээнгүйлэн бясалгал дадуулдаг хэдий ч бүхий л төрөлтнүүд дотооддоо ч, гаднаа ч нэгэн цогц гэдгийг ойлгодоггүй.Жинхэнэ ертөнц бол та нарын харж байгаа, бие махбодынхоо нүдээр харж, бие махбодынхоо чихээр сонсож, бие махбодынхоо хамраар үнэрлэж байгаа, бие махбодынхоо мэдрэхүйгээр хүртэж байгаа тэр зүйл биш юм. Энэ бол бүх Их Багш нарын сургаалын мөн чанар бөгөөд би өөрийн ойлгож мэдсэнээр, эсвэл Тэдний ном судраас болон Тэдэнтэй биечлэн харилцах замаар суралцаж, энэ сургаалыг дагаж ирсэн. Зөвхөн энэ төрөлд төдийгүй тоолшгүй олон төрөлдөө би үүнийг ойлгож мэдсэн юм. Мэдээж хэрэг цаг нь ирэхэд, хэрэгцээ шаардлага гарахад илүүтэй ойлгоно. Би одоо дэндүү ихээр мэдэрч байна. Би энэ биет түвшинд аль болох ойлгогдохоор ярихыг хичээе. Самадид нэг орчихоор самадигаас гарсан ч гэсэн самади үргэлжилсээр байдаг.Таны амьдралын мөн чанар болох сүнс тань сүр жавхлантай, агуу чанартай, цэвэр ариун, төгөлдөр, гэгээн байдаг учраас та нартай энэ тухай ярьж буйдаа би баяртай байна. Сүнс бол энэ ертөнц болоод үл үзэгдэх ертөнцийн юунд ч бохирдоогүй. Гэхдээ гол нь доод түвшний оршихуйн бие махбодод хүлээтэй, бодол ухааны хяналтад байдаг юм. Иймд та нарт өөрийн агуу гайхам мөн чанараа санах маш хэцүү байдаг. Тэгээд л би та нарт дахин дахин үүнийг хэлээд байгаа юм. Тэгсэн ч та нарт ойлгохоор хэлж чадахгүй байгаа бол өөрт тань тусалж чадахуйц, аль нэг шашны хэн нэгэн Их Багшийг эрж олоорой.Та нарт миний одоо хэлэх зүйл бол Као Даи-измд очлоо гэхэд тэрхүү сүмээс, тэрхүү хийдээс өөрт тань туслах Сайн Нэгнийг, Цэвэр Ариун Уламжлагчийг олох юм сан гэсэн зөн совингоо, залбирлаа, чин сэтгэлийн хүслээ дагах учиртай. Христийн шашинд ч мөн адил та нар тэрхүү хоосон зүрх сэтгэл, хоосон хайр бүхий өмсгөлтнүүдийн дундаас Гэгээнтнийг олох хэрэгтэй болно. Эмх замбараагүй, сүйтгэгч ертөнцийн дунд өөрийн сүнсийг даатгах Бурханыг эрэн хайж, шороон дундаас ховор эрдэнэ, алмаас чулууг хайж олох хэрэгтэй болно. Яагаад гэвэл Диваажингийн Ажилтнууд болон надад ч үүний эсрэг хангалттай Хүч, Чадал байхгүй бол, энд тийм ч их удахгүй. Нэг их удахгүй. Хэдхэн жилээр л тоологдоно. Би та нарт тийм олон зүйл хэлж болохгүй. Үүнийг хэлж буй минь надад хэдийнээ эрсдэлтэй.Жинхэнэ амьдралыг олоход тань хэрэгтэй амьдралын нууцыг та нарт уламжилж өгөх Их Багш, Сүнсний амьд сэрүүн Их Багшийг эрж олоорой. Жинхэнэ Амьдралыг олохын тулд амьдралын нууцад та нар заавал суралцах ёстой. Эс бөгөөс биет амьдрал та нарыг, ялангуяа манай энэ цаг үед тийм ч удаан тэтгэхгүй. Бүх Гэгээнтэн надад энэ бүхнийг айлдсан. Гэвч та нарт нарийвчлан хэлэх зөвшөөрөл надад байхгүй. Та нарт хэдийнээ хэтэрхий ихийг хэлээд, өөрийгөө хэт их эрсдэлд оруулчхаагүй гэж найдъя. Үхлээс, аюулаас, бэрхшээлээс, эсвэл өөрийгөө хамгаалах гэж зугтсаар байхаас айж байгаа юм биш. Гэхдээ... Гэхдээ би Үнэнийг түгээж, та нарыг чадах чинээгээрээ сэрээн, Бурханы зөвшөөрсөн хэн бүхний сүнсийг аврах ажлаа үргэлжлүүлэхийн тулд аюулгүй байдал, амар тайвныг хүсэж байгаа юм. Тиймээс л би биет оршихуйгаа хамгаалсаар байгаа хэрэг. Үгүй бол Гэртээ үнэхээр баяртайяа харих байсныг минь Бурхан гэрчилнэ.Дэлхийн төлөө уйгагүй зүтгэж байгааг минь та нар магтсаар байдаг. Энэ ч үнэн. Гэхдээ би зарим талаар эрсдэлтэй, аюултай нөхцөл байдлаас, мунхаг хүмүүсээс, маяагийн нөлөөнд автсан муйхар хүмүүсээс зугтсаар бас ядарч байна. Гэхдээ л энэ амьдралаа – биет амьдралаа үргэлжлүүлж байж, Бурханы та нарын төлөө надаар хийлгэхийг хүссэнийг хийж чадна. Учир нь Бурхан та нарт хайртай. Бурханы өгсөн Хайраар би Бурханы Хайр шиг тийм агуу биш байлаа ч, Бурханы Хайрын нэг хэсэг төдий Хайр байсан ч асар ихээр догдлон, маш их талархан, машид жаргалтайяа үйлчилдэг. Мөн мэдэж чадах л юм бол ийм Хайрыг хүртэх нь хэний ч амьдралд заяасан ер бусын зол заяа гэдийг ойлгоно. Энэ Хайраас болж, энэ Хайрын төлөө гал дундуур гарахаас ч буцахгүй.Photo Caption: Ганцаараа Байхад Дотооддоо Төвлөрөх Илүү Хялбар.
