Дэлгэрэнгүй
Татаж авах Docx
Дэлгэрэнгүй уншаарай
Ээ Бурхан минь! Би эргээд ирлээ, гэвч дуу хураагуураа асаахаа мартчихаж. Би нэг зүйлийн талаар ярьсан ч бичиж авч чадсангүй. Үүнийгээ санаад та нарт хэлж чадна гэж найдъя. Бүхэлдээ Као Даи-измийн тухай. Би Као Даи-измийн талаар сайн мэдэхгүй гэдгээ хэлсэн. Надад хэзээ ч энэ талаар суралцах боломж гарч байгаагүй, зааж өгөх багш, ах эгчтэй би учирч байсангүй. Гэвч залуу байхдаа, гэгээрлийг эрж хайн энэ дэлхийг орхиж явахаасаа өмнө уншиж байсан болохоор хүндэлдэг юм. Гэхдээ энэ нь би өөрийгөө аль хэдийн гэгээрчихсэн байснаа мэдээгүй учраас тэр юм.Би бага байхаасаа л үргэлжид, байнгын (дотоод) Диваажингийн Аялгуу сонсдог байснаа та нарт хэлсэн. Үүнийг, “Оддын аялгуу” юм байна гэж боддог байв. Тэнгэр өөд харах болгонд дуу нь чангардаг байсан учраас би үүнийг “оддын аялгуу” гэж нэрлэсэн. Тэгээд мэдээж гэртээ байхдаа би завгүй анзаардаггүй байлаа. Гэвч тэнгэр өөд харахад, учир нь зуны орой гадаа талбайд гараад суугаад дээшээ харах юм уу хэвтээд, дээш харахдаа аялгуу сонсогдож байсныг анзаарсан.Као Даи-измийн сургаал бол сүсэгтэн олонд зориулагдсан. Тэдэнд итгэдэг хэн ч бай ёс суртахууны жишигт нь хүрч, амьдрах ёстой. Мэдээж ёс суртахууны жишиг өндөртэй амьдралын хэв маяг. Као Даин Гэгээнтнүүд үйлийн үрийн ертөнцийн чанадаас ирдэг учраас Тэд ямар ч саадгүй хүний ертөнцтэй холбогдох эрхтэй. Марагийн Хаан дээр очиж, бүр мэнд мэдэн, төвөг удах шаардлагагүй. Тэд энэ ертөнцийн чанадаас, үйлийн үрийн үр дагаврын чанад, үйлийн үрийн холбоос, үйлийн үрээс хэтийдсэн чанадаас ирсэн учраас Марагийн Хаан Тэднийг яаж ч чадахгүй. Тийм учраас Тэд заримдаа ирж, дамжуулагчийн тэрхүү биеийг ашигладаг. Би үүнийг “дамжуулагч” гэдэг.Дамжуулагч нар заримдаа өөр өөр байдаг. Тэд сүнс юм уу өөд болсон хүний амьдралд эргэж ирээд хамаатан садан, гэр бүл, найз нөхөдтэйгөө ярилцах багаж нь болдог. Гэхдээ Као Даи-измд жишээ нь үг бол Као Даин Орны Гэгээнтнүүдээс шууд бууж ирдэг. Тэд зөвхөн дамжуулагчийн биеийг ашигладаг учраас би “дамжуулагч” гэж нэрлэдэг юм. Энэ ертөнцөөс чинагш Гэгээрсэн Ариун Сургаалаар хүний сүнсийг аврахын тулд цаг заваа зарцуулдаг, маш их хайр, халамж дүүрэн Гэгээнтнүүдэд илүү хүндэтгэлтэй хандаж буй хэрэг гэж би бодож байна. Хүмүүс Агуу Энэрэлд Тань гүнээ талархан, хэзээ ч мартаагүй. Хамаг төрөлтөнд Таны Өгөөмөр Тусламж, Гэгээрүүлэгч Сургаал хэрэгтэй билээ.Энэ үгийг би өмнө нь ашиглаж байгаагүй ч “дамжуулагч” гэж хэлмээргүй байна. Олон төрлийн дамжуулагч байдаг санагддаг бөгөөд Као Даи-измын дамжуулагч нар өөр. Тэд Гэгээнтэн Мэргэдээс дээд номлолыг дамжуулдаг. Мөн Гэгээнтэн Мэргэд нар тэрхүү биеийг болон дамжуулагчийн амыг ашиглан дагалдагч нартаа, сүсэгтнүүдээ зааж сургаж, тэднийгээ адисалж, Хүчээрээ хамгаалж, тэдэнд аз жаргал, баяр баясал авчран, энэ аюултай, аймар амьдралд хамгаалдаг. Учир нь энд хаа сайгүй хэт олон чөтгөрүүд бий. Будда мөн энэ дэлхийд чөтгөрүүд хаа сайгүй дүүрэн бий гэж хэлсэн. Тиймээс Као Дай-н Гэгээнтнүүд мөн олон зүйлсийг зөвлөдөг. Шүлгийн мөртөөр Тэд олонтоо ярьцгаадаг. Үнэхээр сайхан. Би харж байсан.Учир нь заримдаа бид Као Даи-измын сургаалиас Суприм Мастер Телевизээр гаргадаг. Тиймээс заримдаа би текстийг нь уншиж ямар нэг зүйл буруу байгаа эсэхийг шалгаж, засварладаг. Хэрэв тэд буруу шивж, буруу ярьсан байвал хянаж засна. Би бол Суприм Мастер Телевизийн хянаж засварлагчдын нэг. Гэхдээ энэ үнэхээр их ажил болдог... маш их ажил. Ихэвчлэн бүхэл өдөржингөө, бас орой нь. Энэ дэлхийн асуудал, чөтгөрийн нүгэл, болон үйлстэй үргэлж завгүй байхын оронд суун бясалгаж, дотоод ертөнц рүүгээ орох цаг гарахад баярладаг.Тэгэхээр Као Даин Гэгээнтэн Мэргэд хангалттай ариун гэж бодсон нэгнээр дамжуулан дагалдагч нар дээрээ шууд ирдэг. Гэвч асуудал нь гэвэл мэдээж өөр өөр төрлийн дамжуулагч, уламжлагч бий. Зарим нь маш сайн, цэвэр ариун агаад Гэгээнтнүүдийн сайн сайхан, цэвэр ариун зүйлсийг хэлж ярьдаг. Энэ нь тэд зөв хүлээн авч, бичиж тэмдэглэдэг гэсэн үг юм. Гэвч Хүээ Бюу шиг зарим нь зөв бичилгүй өөрчилдөг. Гэгээнтнүүдэд энэ нь таалагдаагүй учраас түүний талаар гомдоллосон юм. Тэгээд Тэд Үйлийн Үрийн Эрхэмсэг Дээд Хаан түүнийг 10-р сарын 15-нд хорооно гэж хүртэл надад хэлсэн. Тэгэхэд нь би бүгдээс нь гуйж, “Гуйж байна, түүнд туслаач дээ. Түүнийг гэмээ наманчилж, алдаагаа залруулан, илүүтэй бясалгаж, илүү даруу байж, бүх Гэгээнтнүүдийг болон Бурханыг шүтэн, улмаар өөрийгөө аль болох сайн ариусгах цаг хугацаа, боломж олгон, арай урт наслуулж өгнө үү.” гэсэн. Тэгээд Тэд зөвшөөрсөн. Гэхдээ энэ нь Хүээ Бюу ингэхийг хүсэх эсэхээс хамаарна. Үгүй бол тэгээд... Хэрэв тэр гэмээ наманчлахгүй бол 10-р сарын 15-нд... Өнөөдөр хэдэн билээ? Наймдугаар сарын 26. Тэгэхээр, есөн сар, арван сар... Бурхан минь! Ойролцоогоор зургаан долоо хоног гаруйхан л. Ээ Бурхан минь! Бурхан минь, богино хугацаа.Тэгэхээр Као Даи-измийн Гэгээнтнүүд заримдаа Сүнсээ доош илгээдэг. Тэд яг үзэгдэлд орж ирэх шаардлагагүй. Алсаас тэгж чаддаг юм, яагаад гэвэл Тэдэнд хүмүүсийг адисалж, хамгаалж, төрөл бүрийн ёс суртахууны сахилга бат, энэрэнгүй амьдралын хэв маягийг хаана ч очин заах хангалттай хүч бий. Сүсэгтэн олон нь хангалттай ариун бол шүү дээ. Ихэнх гол шашинтай адил – одоо илүү амьд болсон л доо. Ихэнх гол шашны Үүсгэн байгуулагчид нь одоо байхгүй. Жишээ нь Эзэн Есүс, Будда, Гүрү Нанак, Эзэн Махавира, Баха’и итгэлийг Үүсгэн байгуулагч, Исламыг Үүсгэн байгуулагч, Тэрээр амгалан байг, одоо байхгүй. Бүгд явчихсан. Тиймээс сүсэгтнүүд нь Тэдний энэрэнгүй Энергитэй тийм ч холбоотой мэт мэдрэмж авдаггүй. Тэд чагнадаг ч, сонсдоггүй. Судар уншдаг ч юу ч ойлгодоггүй байх жишээтэй. Тиймээс Үйлийн Үрийн Ертөнцөөс дээших Гэгээнтнүүд - энэ дэлхийгээс дээших Гэгээнтнүүд жинхэнэ Сургаалыг илгээдэг.Хэрэв тэмдэглэн авагч, бие махбод нь зөв яривал, амаа ашиглуулан тэрхүү Гэгээнтэнд бүрэн биеэ даатгавал Тэд биеийг нь ашиглан, амаар нь ярьдаг. Хэн ч бай үүнийг зөв бичиж буулгаж чадвал амьд болно, үнэхээр Өндөр Дээд Ертөнцийн Гэгээнтний амьд сургаал номлол. Тиймээс хүмүүс Као Даи-измийн тухай мэдэж, Гэгээнтнүүдээс нь суралцвал бас том зол завшаан юм. Миний шавь нарын нэг анх Као Даи-н сүсэгтэн байсан. Дараа нь надаас суралцсан ч Као Даи-н үйл ажиллагаанд оролцдог хэвээрээ. Учир нь авшигтнууддаа би бүгдэд нь авшгийн үеэр өөрийнхөө шашнаа үргэлжлүүл гэж хэлсэн. Хийддээ оч, сүмдээ оч, Төвдөө оч - хаа ч юу ч хийдэг байсан тэр зүйлээ дага, лам нарт өргөл барь, эсвэл номлогч нарт ч юм уу итгэдэг хүндээ өргөл өг. Хүмүүст би хэзээ ч намайг дага гэж хэлж байгаагүй. Үгүй!Би бас Гэгээнтнүүдтэй адилхан зүйлийг зааж сургадаг. Тиймээс хэрэв тэд сайн шашин дагаж, Гэгээлэг сургаал номлол дагадаг бол тэд тэндээ байж, сүмтэйгээ, хийдтэйгээ, Као Даи-н хийдтэйгээ, Хоа Хао Буддын хийдтэйгээ нөхөрлөдөг хэвээр байвал би зүгээр л баяртай байдаг, гэх мэт. Жишээ нь Зөнч Хүйн Пү Со, Түүнд болон Дагалдагч нарт нь амар амгалан, адис ерөөлийг хүсье. Хөөрхий Их Багш Хиүн Пү Со, хөөрхий дөө. Тэд зөвхөн Сайнуудыг нь л хөнөөдөг. Эрх мэдэлд байгаа хэн ч бай зөвхөн Сайнуудыг нь л хөнөөж, мууг нь энд тэрүүгээр чөлөөтэй явуулдаг. Муу нь хүмүүсийн нүдийг сохолж, хууран мэхэлж, муу юм хийхэд уруу татаж, буруу ном айлдаж, судар библийг мунхгаар тайлбарладаг, өөрсдөө юу ч ойлгодоггүй болохоор тэр шүү дээ. Тийм байхад тэд яаж сайн юм заах билээ? Тун харамсалтай.Та нарт хэлж болох өөр зүйл нэг их байхгүй. Одоо ингээд зогсооцгооё. Богино мэдэгдэл байх зорилготой байсан ч би олон зүйлийн талаар их ярилаа. За ийм байна. Бурхан бид бүхнийг адислах болтугай. Бүхий л Ариун Гэгээнтэн Мэргэд хүн төрөлхтөнд болон энэ гарагийн, эсвэл Тэдний барилдлагатай, хамгаалахыг хүссэн бусад ямар ч гарагийн бүх төрөлтөнд тусалсаар байх болтугай. Оройн Дээд Бурхан болон хаа сайгүй орших бүхий л Гэгээнтэн Мэргэд, Их Багш нар, Будда нар, Бодисадва нар, Мулла нар бидэнд туслах болтугай. Туслах боломжтой хэнд маань ч хамаагүй туслаарай. Хүмүүс зүрх сэтгэлээ өөрчилж, Таны Ариун сургаалд, ямар ч Ариун шашны сургаалд үнэнч байхад Та бүхэн баярлах болтугай. Бид бүхэнд энэрэнгүйгээр, тэвчээртэй зааж сурган, сэрж сэхээрч, гэгээрэхийг тэвчээртэйгээр хүлээдэг Оройн Дээд Эзэн Бурхан Танд, бүхий л Их Багш нар, Гэгээнтэн Мэргэдэд талархъя. Бүгдэд нь маш их баярлалаа. Амен. Амен. Амен.Photo Caption: Амьдралыг Зөвхөн Амьдрал л Төлөөлнө
