“Шударга хичээл зүтгэл, Их Багшийн Ивээл, Бурханы Өршөөлөөр дээд Түвшинд хүрдэг” 19 цуврал лекцийн 6-р хэгсийг

Хэрэв та надтай хамт Арьяабалын бясалгал хийдэг бол зөвхөн веган байж, өдөр бүр аравны нэгд нь бясалгах нь тийм ч өндөр шаардлага биш юм. Энэ бол аравны нэг. Бурханы ярьж буй зүйл мөнгөний тухай биш юм. Аравны нэг гэдэг мөнгөний тухай биш. Энэ бол цаг хугацаа бөгөөд энэ бэрх хорвоод оршин байхдаа уначхалгүйхэн шиг амьдралаа тэнцвэртэй хадгалж, энэ амьдралынхаа үүргийг гүйцэтгэн, зорилгоо биелүүлж дуусаад, эсвэл энэ хорвоог зүгээр л үзэж таашаагаад Диваажин дахь жинхэнэ Гэртээ харихад туслах цаг хугацаа юм.

Та энд сайхан амьдарч, дараа нь Гэртээ харихын тулд дүрэм журам баримтлах ёстой. Жишээ нь: Мөнгөтэй бол мөн амрах чөлөө завтай бол машинаа бариад явах юм уу онгоцоор явж болно. Майханд амьдарч болно, эсвэл зочид буудалд амьдарч болно. Далайн эрэгт очиж ийн жаргах боломжтой. Гэвч зочид буудлын хүмүүсээр та бүхэн яг л хаад хатад мэт үйлчлүүлэх эрхтэй ч тэдний өмч хөрөнгийг устгаж болохгүй. Магадгүй зочид буудалд тоть-хүмүүс байвал тэднийг алж болохгүй. Далайн эргийг нь ч юм уу наргил модыг нь сүйтгэж болохгүй, наран шарлагын газрын налдаг сандал гээд тэдний юуг ч эвдэж болохгүй. Та нарт эдгээрийг бусдын хамт ашиглах эрх бий ч эвдэж сүйтгэх эрх байхгүй. Эвдэж сүйтгэсэн зүйлээ төлөх ёстой болно. Төлөх мөнгөгүй бол шоронд суух ёстой болно.

Үүнтэй адилаар энэ дэлхийд та нар амарч байгаа. Сайн байх ёстой. Зарим хүмүүс том улс орон руу ч юм уу, тансаг далайн эргийн зочид буудал энэ тэрд орохыг хүсдэггүй. Харин завиар аялах юм уу дугуйгаар явах, ууланд авирах, ойн жимээр алхах гэх мэтийг хийн, ганцаараа явах дуртай. Тэдэнд тэгэх эрх нь бий ч, замдаа юу ч сүйтгэж болохгүй. Тэгэхээр үүнтэй адилаар зарим хүмүүс энэ дэлхийд бууж ирээд баян болж, алдартай болдог. Зарим нь бууж ирээд зүгээр л дундаж давхаргын гэр бүл болох юм уу, эсвэл бүр ядуу айлын гишүүн болдог. Энэ нь тэдний сонгосон зүйл учраас тийм байдаг.

Диваажингаас бууж ирсэн хүн болгон баян чинээлэг, нэр алдартай, бусдын хайрыг татсан нэгэн болдоггүй. Эсвэл ерөнхийлөгч болдоггүй. Энэ дэлхийд 200-300 бүс л бий. Гэтэл олон тэрбум хүн амтай учраас бүгд ерөнхийлөгч болох боломжгүй. Хүн бүр баян болж, үйлчлүүлж, усан онгоц, дарвуулт завь энэ тэртэй болох боломжгүй. Тэр бүхнийг хаана зогсоох вэ? Тиймээс доош бууж ирэхээсээ өмнө бид энийг, тэрийг хийе хэмээн тохиролцсон байдаг бөгөөд хэн ч тоодоггүй. Тэд дуртай зүйлээ сонгох боломжтой, бүр хийх ажлаа хүртэл сонгодог. Учир нь хүн бүр ямар нэг юм хийх ёстой. Хэрэв бүгд баян болж, хөлөг онгоцоор өдөржин аялаад байвал хэн саятнууд, тэрбумтнуудад үйлчилж, хөдөлгүүрийг нь харж хандаж, хөлөг онгоцыг цэвэрлэх вэ?

Хэн далайн эргийг харж хандах вэ? Хөлөг онгоцыг хөдөлгөх шатахуун түлшийг хэн шахаж хийх болж байна? Төрөл бүрийн зүйл бий. Тэднийг ирэхэд цэвэр таатай орчныг бүрдүүлэхийн тулд хэн далайн эргийг цэвэрлэх вэ? Тэд завинаасаа газарт бууж явах болоход нь хэн гудамжийг цэвэрлэж, цэмцгэр байлгах вэ? Хэн тэдний худалдан авах жимс ногоог тариалах вэ? Хэн зоогийн газар ажиллуулж, тэднийг хооллох болж байна? Хүн бүр ямар нэг зүйл хийх ёстой. Хэрэв бид бүгд нэгнийхээ төлөө энэ бүхнийг хийвэл энэ дэлхий цэвэр цэмцгэр, насанд хүрэгчид болон хүүхдүүдийн хувьд амьдрах диваажин байх болно, цэвэр орчин, эрүүл агаар, үзэж харах үзэсгэлэнтэй зүйлстэй байх болно.

Баян чинээлэг, нэр алдартай байх нь үргэлж сайн хувь ерөөл байдаггүй. Та нар мэдэхгүй. Хэчнээн ерөнхийлөгч нарын амь насанд халдаж, эсвэл халдахыг оролдов. Нэг юм уу хоёр хүн, эсвэл магадгүй цөөн хэсэг бүлэг хүмүүс ерөнхийлөгчийг, хаан/хатныг унагаж чадна.

Сүүлийн үед байгаа зүйл маань ихдээд бид Бурханыг мартчихаад байна. Асуудал нь энэ юм. Таашааж болох ч бид Бурханыг мартаж болохгүй. Бидэнд энэ бүхнийг хайрлаж, биднийг төрсөн цагаас халамжилсаар буй Бурханыг бүү март. Бид Бурханыг мартчихаад төрөл бүрийн эсрэг зүгт явж, Бурханы эсрэг гэсэн бүхнийг хийдэг. Учир нь харалганаасаа болж, хөгжилтэй, эсвэл өөр юм шигээр санадаг. Гэхдээ гаднах ертөнцийн явдал Бурханыг таньж мэдэх, дотоодын ертөнцийг таньж мэдэх лугаа зугаатай биш.

Та Диваажин ба Дэлхий хэмээх хоёр ертөнцөд амьдарч болно. Яаж гэдгийг нь мэддэг бол аль алиныг таашааж болно. Энэ хэцүү биш. Жишээ нь: Арьяабалын Аргыг уламжилж авбал өдөрт хоёр цаг хагас бясалгана. Нэг дор ч байх албагүй. Өглөө хэсэг бясалгаад, амсхийх зуураа хэсэг, орой хэсэг, шөнө, унтахаас өмнө хэсэг бясалгана. Мөн амьтан-хүний мах, загас-хүний мах зэрэг бүхий л аллагын бүтээгдэхүүн, амьд төрөлтнөөс гаргаж авсан бүх зүйлсээс татгалзахад л болно. Хэдийгээр зарим жимс, хүнсний ногоо өвдөлт мэдэрдэг ч гэсэн Бурхан бидэнд бүх төрлийн ногоо, жимс жимсгэнийг идэхийг зөвшөөрөн хүлцдэг юм. Энэ бол хамгийн бага төлөөстэй, бараг байхгүйтэй адил. Хэрэв бид веган хоолтон байвал аливаа амьд, хөдөлж явдаг төрөлтөнд хөнөөл учруулахгүй тул зүгээр. Энэ насаа элээгээд та Диваажинд очиж жарган, магадгүй энэ дэлхий рүү эргэн ирэхийг хүсэхгүй ч байж магадгүй юм. Энэ дэлхий Диваажингийн Цэцэрлэг боллоо ч дотоодын жинхэнэ Диваажин бол жинхэнэ ертөнц гэдгийг мэдэж байвал та энд хэзээ ч эргэн ирэхийг хүсэхгүй.

Тиймээс л би та нараас бүхий л Их Багш нар буюу Будда, Имам, Гүрү, Мулла нарт талархаарай гэж гуйдаг юм. Улс орон бүр Их Багш нарыг өөр өөрөөр нэрлэж, өөр өөрөөр дууддаг. Жишээ нь: Есүс Эзнийг төрөхөд нь Есүс гэж нэрлэсэн хэдий ч Түүнийг “Христ” гэж өргөмжлөх болсон. Буддаг төрөхөөс өмнө “Будда” цол нь Түүнтэй адил бүрэн гэгээрэлд хүрч, бусдад тусалж чадах хүмүүст зориулагдсан өргөмж байсан юм. Төгс гэгээрсэн болгон бусдад туслах боломжтой болж чаддаггүй. Барилдлагаас болоод тэр. Будда болсон Будда л гэхэд... хамгийн агуу тооцоолон бодох машин ашиглаад ч тоолох арга байхгүй. Тэгсэн ч Тэрээр ахин дахин хүмүүний хорвоод, зарим нэг Диваажингийн ертөнцөд Диваажингийн Номын Хүрд эргүүлэгч Хааны дүрээр, эсвэл зүгээр энгийн хүний дүрээр мунхгийн намагт шигдсэн хэвээр байгаа хүмүүстэй барилдлагатай байх гэж, тэдний сүнстэй холбоотой хэвээр байх гэж бууж ирдэг. Тэгээд цаг нь ирэхэд Тэрээр Будда, Гэгээнтэн, эсвэл Буддагаас доогуур байр суурьтай нэгэн болж, энэ барилдлагаараа тэдэнд

тусалдаг. Иймд та нар өөрийгөө Будда гэхээр л Будда болчихдог, өөрийгөө Будда гээд бодчихоор л Будда болчихдог юм биш. Ээ Бурхан минь! Үүнээс илүү байж болшгүй зүйл, үүнээс илүү мунхаг, үүнээс илүү тэнэг зүйл гэж огт байхгүй. Иймд хэн ч байлаа үүнийгээ боль. Авшгийг надаас ч хүртсэн бай, өөр Их Багшаас ч хүртсэн бай, энэ утгагүй зүйлээ зогсоо.

Хэн Их Багш болох нь Бурханы Зохицуулалтаар, Бурханы Тааллаар болдог бөгөөд үүнийг Бурхан болон бүхий л Диваажин тунхагладаг. Бүхий л Орчлон ертөнц мэдэх болно. Мөн та өөрөө ч мэднэ! Жишээ нь: Будда мэдэж байсан, Есүс Христ мэдэж байсан, бусад олон Их Багш нар мэдэж байсан - Бахай’н шашны Их Багш байна, Зороастер Их Багш байна, Жэйний Их Багш нар мэдэж байсан. Тэгээд ч тэд эхлээд маш шаргуу бясалгаж дадуулах ёстой болсон. Эрин галавын тэртээгээс л Тэд Будда, Их Багш, Гүрү нар байсан. Нэг төрөлдөө Тэд Бодисадва болбол, энэ нь Өөрсдийнх нь сонголт юм. Яг л Будда Гэгээнтэн буга болсонтой адил юм. Гэвч тэр буга байгаагүй, гэгээнтэн буга ч биш. Тэр Будда байсан, аль эртнээсээ, олон эрин галавын тэртээ - Ертөнц оршин буй болсон цагаас эхлэн Будда байсан.

Тийм учраас би та нарыг бүхий л Их Багш нарт талархаж, магтаарай гэж хэлсэн юм. Учир нь Тэд Ариун Байр сууриа, жаргалтай Ариун амьдралаа золиослон энэ дэлхийн зовсон хүмүүс дунд хутгалдан тэдэнд туслахаар доош бууж ирсэн. Бид хэзээ ч Тэдэнд талархаад баршгүй. Тэд бол ямар ч Ертөнцийг нийлүүлснээс ч том. Тэдэнд хэзээ ч талархаад баршгүй. Гэхдээ илүүтэй бясалгах тусмаа та нар үүнийг илүү ойлгоно. Хэрэв та нар үүнийг хараахан ойлгохгүй бол, Их Багш байх, Будда байхын жинхэнэ утга учир юу болохыг ойлгоогүй бол би зэмлэхгүй ээ. Энэ бол диплом биш шүү дээ, Бүгд нэг их сургуульд явж, хамт авдаг зүйл биш. Диплом авлаа ч бас А, B, С, D, эсвэл F буюу унасан гэсэн үнэлгээ тавина.

Энэ дэлхийд бууж ирсэн ихэнх хүн, сайн санаа зорилготой бууж ирсэн байлаа ч бүтэлгүйтдэг. Учир нь та нар Диваажинд байгаа юм биш. Харин хүний биед байгаа учраас та нар Шагжамуни Будда шиг, Есүс Христ, Зөнч Мухаммед /Тэрээр амгалан байг/, Сик Гүрү Нанак шиг, Жэйн Их Багш Эзэн Махавира шиг төрлөөс төрөлдөө бэлтгэгдээгүй байдаг. Тэр тохиолдолд маш хурдан, аймшигтайгаар унах болно. Тийм учраас улам олон хүн бүгд хамтдаа унасаар байдаг юм.

Энд ирсэн ямар ч Их Багш, сайн зүйл хийсэн хэн ч бай доромжлуулах болно. Энэ олон жил би ил тодоор болон далдуур ямар их доромжлуулсныг та нар мэдэхгүй. Гэвч Их Багш нар мэдэж байсан, үүнийг тэсэх ёстой. Их Багш байх тухай ч яриагүй байна шүү дээ.

Photo Caption: Ялгаатай байдал тустай байх нь бий

Зураг татаж авах