Дэлгэрэнгүй
Татаж авах Docx
Дэлгэрэнгүй уншаарай
Би нэгэн зэрэг аав, ээж байх ёстой. Сүм, цагдаа бас юу билээ? Сахиусан тэнгэр... Бас Яама Хаан байх ёстой. Энэ нэрийг мэдэх үү? (Үгүй.) Доод ертөнцийн Хаан нь. Түүнийг мэдэхгүй юу? (Үгүй.) Миний найз. Та нар аятайхан байхгүй бол Түүн рүү илгээчихнэ шүү, тэгээд, “Тэднийг харж хандаарай” гэж хэлнэ. Доод ертөнцийн Хаан, Үйлийн үрийн Эзэн. Биднийг энэ дэлхийг орхихдоо цэвэр байлгах гэж Тэр бидний өгөө авааг зохицуулдаг. Хэрэв бид цэвэрлэгдээгүй бол явах боломжгүй; эргэж ирэх ёстой болно. Тийм учраас заримдаа Их Багш нар Үйлийн Үрийн Эзний дүрийг авдаг, зарим хэсгээс нь. Тэгж байж шавь нарынхаа үйлийн үрийг цэвэрлэдэг юм. Хоёр талдаа хэчнээн хэцүү байх нь хамаагүй. Тэгснээр энэ дэлхийгээс явахдаа тэр цэвэр байх болно. Цэвэрхэн болоод энэ дэлхийгээс явах боломжтой. Тэгэхээр энэ бол үнэхээр хэцүү.Та нар ямагт намайг ойлгож, намайг уучилж байдагт тань би та нарын өмнөөс бас өөрийнхөө төлөө баярладаг. Хэдийгээр заримдаа намайг юу хийж байгааг ойлгодоггүй ч тийм. Би яагаад тэр хүнийг загнасныг, яагаад тэр хүнийг хөөснийг, эсвэл яагаад тэр хүнд илүү онцгойлон ханддагийг та нар ойлгодоггүй. Магадгүй байнга ойлгоод байдаггүй ч та нар үргэлж намайг уучилдагт тань би баярлаж талархдаг. Энэ нь зөв буруу эсэхийг мэдэхгүй ч та нар намайг уучилдаг. Энэ нь надад ч, та нарт ч үргэлж сайн. Учир нь энэ нь та нар маш өгөөмөр, тэвчээртэй, их эелдэг зөөлөн хүн гэсэн үг. Дотооддоо маш ухаантай. Билиг ухаан, сүнслэг дадал бясалгал тань боловсорсон гэсэн үг. Энэ бол та нарт маш, маш сайн.Мөн мэдээж та нар намайг уучлахад би дарамт мэдрэхээ больж, тайвширч, үл ойлголцол үгүй болж, муу энерги байхгүй болдог. Энэ нь мэдээж надад бас сайн. Гэвч хамгийн чухал нь та нар маш сайн. Тийм учраас би баяртай байна. Та бүхэн энэ байдлаараа үргэлжлүүлж, юмсыг илүү ухамсрын гүн түвшинд ойлгохыг хичээж, гадаад төрх байдлаас нь хандахгүй гэж найдъя. Учир нь та нар намайг ойлгохгүй бол, би энэ дэлхийн хамгийн ганцаардмал хүн болно. Та нар ч бас дотроо ийм буруу ойлголттой байж, над руу ийм сөрөг энерги тээснээрээ сэтгэл тань маш ихээр шаналах болно. Энэ нь сүнслэг дадал бясалгалд тань саад болдог. Тиймээс аль аль талдаа муу.
