Гурван төрлийн Их Багш, 5-ын 4-р хэсэг

Амьтан-хүмүүс ийм хайрын энерги ялгаруулдгийг та нар маш сайн мэдэрдэг. Тодорхой гэгч нь мэдэрдэг - бүр эвхэж, барьж болохуйц хэмжээнд мэдэрдэг. Энгэртээ авч, асарч халамжилдаг ямар ч амьтан-хүмүүсийн тань хайрын энерги тийм хүчтэй байдаг. Мэдрэгддэг. Хангалттай мэдрэмтгий бол шүү дээ; мэдээж зарим хүмүүс юу ч мэдэрдэггүй. Тэд нохой-хүмүүсээ бороотойд ч, нартай ч зүгээр л гадаа орхичихдог, гэрээ цэвэр байлгах гэж шүү дээ.

Урам зоригийн урсгал тасарч мэдэх учраас би одоо яриагаа зогсоомооргүй байна. Өмнө нь тийм зүйлс болж байсан юм, тэгээд олон цагаар яриагаа зогсоож байсан, эсвэл хэсэг хугацаанд, эсвэл бүр маргааш нь болтол хойшлуулдаг. Яриа хийх урам зориг хайрладаг Бурханд, бүхий л Их Багш нарт болон эрхэм ариун төрөлтнүүдэд талархдаг. Тиймээс би ямар ч яриагаа өөрөө хийсэн гэдэггүй.

Бурханд талархах хэрэгтэй, бидэнд тусалдаг өнгөрсөн одоо ирээдүйн бүхий л Их Багш нарт талархах ёстой. Мөн Бурханы Тааллын дагуу бусдад боломжит бүх аргаар тусалж, ялангуяа сүнсийг нь дэвшихэд тусалж байдаг бүх эрхэм ариун төрөлтнүүдэд би байнга, өдөр бүр талархдаг. Идэж байгаа юм бүхэндээ би талархдаг. Идэхээсээ өмнө талархана, идэж дуусаад талархана. Байнга талархдаг. Ажил хийгээгүй үедээ ч юм уу ажиллаж байхдаа ч Бурханд, бүхий л Их Багш нарт болон алдартай алдаргүй, үзэгдэх, үл үзэгдэх эрхэм ариун төрөлтнүүдэд талархаж байдаг. Тэдний Адис, Ивээл, Хайр, Өршөөлийн ачаар бидэнд байгаа зүйлстээ бид бүгд талархаж байх учиртай.

Гэхдээ бас бид өөрсдөдөө туслах ёстой. Хэрэв хэн нэгэн танд ийм зүйл хийвэл мөнгөтэй болно гэж харуулсан байхад та хийхгүй бол яаж баяжих вэ? Эсвэл хэн нэгэн өөрт тань мөнгө зээлтэл, та зүгээр л үрж, галзуу аргаар цацчихвал яах вэ. Яг л дайн хийдэг хүмүүс шиг, яг л өөртэй нь адилхан төрхтэй, адилхан боддог, адилхан иддэг, адилхан л хүнтэй гэрлэдэг, адилхан үр хүүхэдтэй, адилхан ажил төрөлтэй хүмүүсийг хорооход ард түмний хөлсөө урсган хөдөлмөрлөж олсон татварын мөнгийг зарцуулдаг. Хөлсөө урсгаж хөдөлмөрлөж олсон энэ зарим мөнгө нь амьтан-хүмүүсийн аж үйлдвэр рүү урсаж, өөрт нь ямар ч гэм хоргүй төрөлтнүүдийг алж хядахыг дэмжихэд зориулдаг. Тэдгээр амьтан-хүмүүс гинжтэй, бяцхан торондоо хоригдож байдаг. Энэ тухай бодоод үз, зүрх сэтгэл тань эмтрэх эсэхийг мэдэхгүй, эмтрэх нь гарцаагүй.

Энэ дэлхий дээрх хүмүүсийн ихэнх нь хүмүүн төрөлтөн байдаг. Тэд сайхан сэтгэлтэй, сайхан бодолтой, эрхэм ариун санаатай. Мөн тэд үнэхээр өгөөмөр, эелдэг. Тэд ердөө л энэ дэлхий дээр тэнүүчилж буй муу, сөрөг хүчний нөлөөнд автдаг. Зарим нь бүр хүн шиг харагддаг ч тийм байдаггүй. Бид өмнө нь энэ тухай ярьж байсан. Би бүр амь нас, нэр хүндээ эрсдэлд оруулан байж тэдний заримыг онцолж ярьсан даа. Учир нь тэд хүчирхэг. Гэхдээ би энэ гараг дээрх хүн төрөлхтөнд, бусад төрөлтөнд туслахын тулд юуг ч хийх болно гэдгээ хэлсэн. Яагаад гээч? Яагаад гэвэл би тэдэнд хайртай! Үүнийгээ би яаж ч чадахгүй. Яг л хүүхдүүдээ хайрладаг шиг. Аяндаа, аяндаа л ингэдэг. Энэ бол төрөлхийн юм. Байгаа нь л тэр. Би хүмүүст хайртай, амьтан-хүмүүст хайртай. Бид мод, ургамалд хайртай.

Олон жилийн өмнө би өвдөлт мэдэрдэггүй, үйлийн үргүй ургамлуудын талаар судлаагүй байсан. Би ургамал ногоо, энгийн жимс жимсгэнэ иддэг байлаа. Тэгээд идэх болгондоо үнэхээр их гэмшил мэдэрч, тавгүй санагддаг байсан учраас хооллож байх явцдаа идэхээ зогсоож гэмээ наманчлан, ургамал ногооноос, жимсээ өгсөн моддоос уучлал гуйдаг байсан. Бурханд байнга талархаж, тэднийг адисалсан. Бурханаас тэднийг адисалж, сүнсийг нь дэвшүүлэхийг гуйн залбирсан. Зарим ургамал ногоо, моддыг үйлийн үргүй, өвдөлт мэдэрдэггүй эсэхийг олж мэдээгүй байсан ч энэ олон жил тэгдэг байсан.

Тиймээс юм идэх болгондоо хоолоо адисалж байгаарай. “Бурхан Танд баярлалаа; бүх Их Багш нарт баярлалаа,” гэж Бурханд залбираарай. Хоолыг тань адисалсан, өөрт тань сайхан хоол идүүлж, хоолыг тань сайн шингээж, эрүүл байлгахын төлөө буянаасаа зээлсэн бүхий л эрхэм ариун төрөлтнүүдэд талархаарай. Өвдөлт мэдэрдэггүй ургамлууд байсан ч тэдгээрт талархах учиртай. Мэдээж эн тэргүүнд Бурханд таларх, тийм сайхан хоол хүнс өгч, амт сайтай, шингэлт сайтай хоол өгч, эрүүл энх байлгаж, сайхан энерги мэдрүүлж улмаар та бүхэн энэ дэлхийд ажлаа үргэлжлүүлэн хийг гэж өршөөлт Буян өгсөн бүх Их Багш нарт таларх.

Амьдрахын тулд та нар тэгж их идэх шаардлагагүй, үнэн шүү. Би ихэвчлэн өдөрт нэг хооллодог. Энгийн хоол, ихэвчлэн ердөө л бор будаа, гүнждийн үр, давс л иддэг. Хийхэд хялбар бөгөөд олж авахад асуудалгүй. Жишээ нь будаа – бор будаа нь илүү шим тэжээлтэй бөгөөд хүч хөдөлмөр бага орсон байдаг ба бусдад хор хөнөөл багатай. Байгаль орчинд хор хөнөөл багатай, учир нь аливаа зүйлсийг боловсруулах гэж хэдий их ажил орно төдий чинээ байгаль орчинд хор хөнөөлтэй. Нэг нэгэндээ нөлөөлж байдаг. Энэ дэлхийд бүх зүйл нэг нэгэндээ нөлөөлдөг. Та нар мэднэ, тийм үү? За тэгэхээр та нар зөвхөн ийм зүйлс идээд амьдрах боломжтойг би хэлсэн. Энгийн хоол хүнс бас идэж болно, дандаа л бор будаа, гүнждийн үр, давс байх албагүй. Гэвч энгийн хоол хүнс, бага хэмжээтэй байж болно.

Дандаа өдрийн гурав хооллох шаардлагагүй. Энэ бол арай л элбэг дэлбэг, арай л ихэднэ. Өдөрт нэг юм уу хоёр удаа, өглөөд нэг орой нар жаргахаас өмнө нэг хоолловол хамгийн сайн. Ингэвэл та нарт идсэн бүх хоолоо шингээж, хамгийн сайныг нь биедээ авах хангалттай зай бий болдог. Мөн Эерэг Хүчнээс, Бурханаас маш их Адислалыг авах болно. Учир нь та нарын бие материаллаг зүйлсээр дүүрчхээгүй байна. Ихэнх Их Багш нар ходоодныхоо хэмжээний 80%-д идэж 20%-ийг Адислалд зориулж

үлдээхийг зөвлөнө. Хүсвэл ахиад жаахан идэж болох ч адислалд, сүнслэг шингээлтэд, аз хийморь, эрүүл мэнд болон бусад зүйлст, мөн мэдээж санхүүгийн таатай нөхцөл бүрдэхэд томоохон зай үлдээгээрэй. Ийм байвал та нар хоол хүнсэнд их

мөнгө зарахгүй. Боломжтой бол ахиухан дасгал хий. Харамсалтай нь би хангалттай дасгал хийдэггүй. Компьютер дээр хэт их, хүссэнээсээ илүү ажилладаг нь эрүүл мэндэд ч таагүй. Гэвч дасгал хийх боломжтой бол хийгээрэй. Би бол аюулгүйн шалтгаанаар мөн даяан хийж буй учраас үүдээрээ ч гарах боломжгүй. Хааяа л би урьдын адил гарч гэрэл зураг авдаг. Ихэнх зургуудыг Суприм Мастер ТВ-ээр гаргадаг өдөр нь биш аль эрт авсан байдаг.

Маш их зураг авсан. Тэд хадгалж байгаад өдөр бүр та нарт зориулж хэдийг гаргадаг юм, хэрэгцээнээсээ хамаардаг. Өмнө нь би гадагш гарвал заримдаа нэг өдөрт эсвэл хагас өдөрт олон мянган зураг авдаг байсан. Хэр хурдан болон очиход хэр хялбар байгаагаас хамаарна, яагаад гэвэл заримдаа би тийм ч таатай биш ууланд авирч, алхаж гардаг болохоор илүү хугацаа ордог. Заримдаа мод налах юм уу модонд авирах ёстой болно. Тэгшхэн очиход амар цэцэрлэгт юм уу хээр талд ургасан цэцэгсийн зургийг авахаас илүү уддаг.

Та нарт зугаа болгон илгээдэг зургууддаа би хайртай. Аяндаа ямар нэг зүйлд баярлаж баясах болгондоо, эсвэл ямар нэг тухайн мөчид аз жаргал мэдрүүлж, баярлуулж байвал, энэ нь сүнслэг дэвшлийг тань хурдасгаж, дархлааны системийг тань сэргээдэг. Ажил бизнес, харилцаанд тань амжилтыг тань нэмэгдүүлдэг. Тиймээс би та нарт тийм зураг явуулж байгаадаа үнэхээр их баярладаг. Үзэж баясаарай. Та нарын төлөө ийм зүйл, эсвэл өөр юуг ч бай хийх боломж олгодог Бурханд талархаарай.

Гараг дэлхийд тустай, хүмүүст, амьтан-хүмүүст тустай юу ч байсан би хийх дуртай. Зөвхөн надад таатай байгаад зогсохгүй та нар хүртэх гавьяатай учраас би хийх дуртай байдаг. Та нар бол Бурханы хүүхдүүд. Мэддэг ч бай, үгүй ч бай тийм. Би та нарт хайртай. Яг л үр хүүхдүүдээ хайрладаг мэт цаанаасаа л тийм байдаг гэдгийг би хэлсэн. Та нар нохой-, муур-, шувуу-, нугас-, цацагт хяруул-, үнэг-, хэрэм-, өмхий хүрэн-хүмүүс гэх мэт тэжээвэр амьтан-хүмүүсээ хайрладаг. Минж-хүмүүсээ хүртэл. Өөрсдийнхөө төрөл бүрийн тэжээвэр амьтан-хүмүүсээ хайралдаг. Зэрлэг шувуу-хүмүүс зам дээр шархадсан хэвтэж байхад нь аварч, тэднийг асрахад тэд та нарыг орхиж явахыг хүсдэггүй. Ийм барилдлагатай та бүхэн учирдаг бөгөөд тэднийг хэдий чинээ хайрлана та нарт төдий чинээ сайн. Гэхдээ Бурханыг бүү мартаарай.

Ихэвчлэн амьтан-хүмүүс та нарт аз жаргалтай байхад тань туслах гэж, амьдралыг тань ямар нэг байдлаар дээрдүүлэх гэж ирдэг. Гэхдээ бас тэд та нарыг Бурханыг санахад тань туслахыг хүсдэг. Бурхан бол Хайр, тиймээс тэднийг та хайрлавал, тэд таныг хайрлана. Яагаад ч далд ухамсраараа та нар Бурханыг санах болно. Гэвч ухамсартайгаар Бурханыг санаж байвал илүү сайн, тэгвэл илүү адислагддаг.

Хэрэв веган байвал бүр ч илүү адислагддаг. Илүү их адислал шингээж чаддаг бөгөөд амьдрал тань дээрддэг. Санамсаргүй веган бус зүйл идэхээс болгоомжлоорой. Эргэлзэж байвал бүү ид, учир нь энэ нь таныг тухайн өдөр эсвэл ирэх хэдэн өдрийн турш өвчтэй байлгах юм уу аз жаргалгүй болгоно. Бүр аминд тань хүрч ч мэднэ - үйлийн үр нь хэр хүнд вэ гэдгээс хамаардаг.

Амьтан-хүмүүс ийм хайрын энерги ялгаруулдгийг та нар маш сайн мэдэрдэг. Тодорхой гэгч нь мэдэрдэг - бүр эвхэж, барьж болохуйц хэмжээнд мэдэрдэг. Энгэртээ авч, асарч халамжилдаг ямар ч амьтан-хүмүүсийн тань хайрын энерги тийм хүчтэй байдаг. Мэдрэгддэг. Хангалттай мэдрэмтгий бол шүү дээ; мэдээж зарим хүмүүс юу ч мэдэрдэггүй. Тэд нохой-хүмүүсээ бороотойд ч, нартай ч зүгээр л гадаа орхичихдог, гэрээ цэвэр байлгах гэж шүү дээ. Гэрт нь хүн байхгүй бол тэднийг гинжилчихнэ. Гинжтэй байвал нохой-хүн яаж та нарыг хамгаалах вэ? Гэрийг тань яаж хамгаалах вэ? Хоосон гэрт тань хулгайч орж ирээд бүх зүйлсийг нь аваад гарвал, нохой-хүн тань гинжтэй байвал яаж чадах вэ? Тэднийг тогтмол хооллодоггүй талаар ярилтгүй.

Бид бусдыг ямар нэг байдлаар хохироох ямар ч зүйл хийдэггүй. Үүнийг санахыг хичээгээрэй. Тусалж чадахгүй бол гэм хор бүү учруул. Хэнд ч бай туслах нь та нарт сайн. Мэдээж хэнд ч бай гэдэг нь амьтан-хүмүүс, модод, ургамал, хөрс шороонд аль чадахаараа туслахыг хэлж буй. Шагнал нь та нарт энэ төрөлд тань болон дараа төрөлд тань хэд дахин нэмэгдэж ирнэ. Надад итгэ. Энэ бүхнийг хэллээ гээд надад ямар ч тусгүй. Ямар ч мөнгөн шагнал энэ тэр би авахгүй. Мөн энд хэн ч надад алга ташихгүй. Би ганцаараа байгаа.

Бүхий л Адислалын ундарга нь Бурхан гэдгийг санаж яваарай. Зөв шударга амьдрахад тань, эрүүл саруул, Бурханы Өршөөл Хайрын Адислалд амьдрахад тань замчлахыг Түүнээс гуйгаарай. Бусад хүмүүсийн талаар нэг их юм бүү бод, ялангуяа таатай зүйл мэдэрдэггүй хүмүүсийн талаар. Тэд та нарт зөвхөн үйлийн үр л өгнө. Тэдэнтэй нэг их холбогдож, ямар нэг зүйл хийх гэсний хэрэггүй. Яаралтай үед бол мэдээж асуудалд орсон нэгнийг, гэмтэж бэртсэн нэгнийг, эсвэл ямар нэг аюулд орсон нэгнийг үл тоох боломжгүй. Тийм үед та нар зүрх сэтгэлээ дагаарай. Тэгээд эхэнд нь, дунд нь, мөн дараа нь сахиусан тэнгэрүүд, Диваажингаас хамгаалалт гуйж, өөрт тань халдсан үйлийн үрийг цэвэрлэхийг гуйн залбираарай.

Уг нь би багийнхаа бүх гишүүдэд болон дэлхийг аврах, хүний сүнсийг аврах энэхүү номлолд тусалсан бүх хүмүүс, амьтан-хүмүүс, мод, ургамалд талархал илэрхийлэхийг хүссэн юм. Гэтэл өөр бусад зүйлийн талаар зөндөө ярьчихлаа. Талархлыг минь хүлээн авна уу. Бурхан та бүхнийг үргэлж ивээх болтугай. Бурхан та нарыг эрхэм зорилгодоо хүрэхэд тань чиглүүлж, дэлхий дээрх амьдралын тань туршид хэрэгтэй бүх зүйлд тань туслах болтугай. Миний хайрыг хүлээн авч, өөрсөдтэйгөө хамт байлгаарай. Зарим саад бэрхшээл, асуудалтай тулгарах үед энэ та нарт тусалж магадгүй юм.

Photo Caption: Хайрласан Тэврэлт Сэтгэлийн Өвдөлтийг Намдаадаг!

Зураг татаж авах