Одоо та нар яагаад чөтгөрийн зам мөрийг дагахад төлөөсгүй биш байдгийг ойлголоо. Ямар нэг зүйл өгөх ёстой ба тэр нь тийм ч ёс зүйтэй зүйл биш, та нарыг маш их айдаст автуулж ч мэднэ. Гэхдээ хэсэг хугацааны дараа үүнд дасаж, та нар өөрсдөө яг л чөтгөрүүд шиг болдог. Тиймээс болгоомжтой байгаарай. Тийм төрлийн зам мөрөөр бүү яв, хэсэг хугацаанд сэтгэл ханамж өгч байвч бүү тэг. Гэхдээ яг л архи, хар тамхи шиг, муу нөлөөтэй, дараа нь муу үр дүн авчирна. Энэ чөтгөрүүд хэзээ ч ямар ч үнэгүй зүйл өгөхгүй. Эрин галавын тэртээгээс Их Багш нарын хүн төрөлхтөнд зориулж буулгаж ирсэн Бурханы зам мөртэй адилгүй.
Мөн та нараас нэлээд олон нь надад захидал бичээгүй байлаа ч, зарим сэтгэгдэл бичсэн нь ч Бурханы Хүчийг ашиглаад энэ дэлхийг хурдхан өөрчлөөч гэж надад бараг тушааж байна. Надад энэ дэлхийг шууд өөрчлөх хүч байхгүй. Ямар ч Их Багш үүнийг хийж чадахгүй. Гэхдээ хүмүүсийн учир зүйг нь сонсож, Бурханыг дагаж, Бурханыг санаж, Бурханыг шүтэж, Бурханд ойртохын тулд бясалгал хийдэг болгон сэрээхийн тулд хүмүүстэй ярилцах хэрэгтэй болдог юм. Арьяабалын Арга бол Бурхан руу шууд очиж, мөн Түүнээс хүссэнээ гуйх нэг арга юм. Мэдээж хэрэг заалгасан бясалгалаа хийгээд сахилуудаа сахиад байх юм бол Диваажинд хүрэх тань баталгаатай.
Би хүмүүст Таван Сахил сахиарай гэж хэлдэг. Үүнд мэдээж веган хоолтон байх орно. Хэдийгээр энэ маш энгийн зүйл ч гэлээ би бүгдийг нь хэлж өгч байна. Гэхдээ миний санахын би бага байхдаа сүүнд үнэхээр дургүй байсан, том болоод бас яагаад гэдгээ мэдэхгүй байв. Яагаад гэвэл би Энэтхэг рүү зарим багшаас суралцахаар очихдоо үхэр-хүмүүс зүгээр л гудамжаар нь эсвэл бэлчээрт явж байгааг харсан. Хэн ч тэднийг яадаг ч үгүй. Мөн энэтхэгчүүд цагаан хоолтон байдаг, үнээ-хүнийхээ сүүг хэрэглэдэг. Тэд үнээг саагаад, үнээ нь ч маш их сүүтэй байдаг юм байх гэж бодсон. Нэг тугал тэр бүх сүүг ууж барахгүй учраас хүмүүс сүүнээс нь хуваалцдаг юм байх гэж боддог байлаа. Тэгээд би ууж болох нь байна гэж бодож байтал... би сүүнд дуртай байгаагүй л дээ, хүүхэд байхдаа ч огт дургүй байсан.
Үргэлж л “Өө энэ чинь өөр амьтан-хүмүүсийн ходоодных” гэж бодогддог байв. Энэрэл нигүүлсэл гэх мэтийн талаар их зүйл мэддэггүй байсан. Амьтан-хүмүүсийн ходоодноос гарч байгаа л гэж боддог байв. Заваан. Зөгийн бал гэх мэтэд би хэзээ ч дуртай байгаагүй. Бусад хүмүүс хэрэглэж байгааг харж, тэднийг өгөхөөр нь энд тэнд жаахан амсаж, магадгүй тухайн үедээ бол зүгээр байсан байх. Гэвч би хэзээ ч амьтан-хүмүүсийн бүтээгдэхүүнд донтож байгаагүй. Надад үнэхээр таагүй мэдрэмж төрж, энэ тухай бодохын төдийд заримдаа бөөлждөг байлаа. Мэдээж одоо бүр ч дор. Уучлаарай, надад бичсэн зүйл юу ч алга. Би хэлье гэсэн зүйлээ санах хэрэгтэй байна. Миний хүссэн шиг цэгцтэй явсангүй. Гэхдээ хамаагүй ээ. Өөр юу билээ?
Бид Бурханд хүрэх зам болон тамд хүрэх замын тухай ярьсан. Энэ тухай ярьчихсан. Одоо та нар яагаад чөтгөрийн зам мөрийг дагахад төлөөсгүй биш байдгийг ойлголоо. Ямар нэг зүйл өгөх ёстой ба тэр нь тийм ч ёс зүйтэй зүйл биш, та нарыг маш их айдаст автуулж ч мэднэ. Гэхдээ хэсэг хугацааны дараа үүнд дасаж, та нар өөрсдөө яг л чөтгөрүүд шиг болдог. Тиймээс болгоомжтой байгаарай. Тийм төрлийн зам мөрөөр бүү яв, хэсэг хугацаанд сэтгэл ханамж өгч байвч бүү тэг. Гэхдээ яг л архи, хар тамхи шиг, муу нөлөөтэй, дараа нь муу үр дүн авчирна. Энэ чөтгөрүүд хэзээ ч ямар ч үнэгүй зүйл өгөхгүй. Эрин галавын тэртээгээс Их Багш нарын хүн төрөлхтөнд зориулж буулгаж ирсэн Бурханы зам мөртэй адилгүй.
Бурханы зам мөр ямагт та бүхэнд сайн, гэр бүл, хайртай дотнын хүмүүст тань сайн, мөн дэлхийн бусад бүх хүнд сайн байдаг. Харин чөтгөрийн зам мөр болбоос тэд зовоож бахаа хангагч учраас үргэлж бусдыг хохироож, сэтгэлийг нь өвтгөж байдаг. Тэд юу ч мэддэггүй. Энэ бол тэдний мөн чанар, амьдралын хэв маяг. Өгөөмөр нинжин сэтгэл, уучлал гэж юу болохыг тэд мэддэггүй. Тэд зөвхөн хорлохыг л мэднэ. Хэрэв тэднийг дагавал хэн нэгнийг хохироох ёстой болно. Өөрийнхөө дайсан гэж бодсон хэнийг ч бай хохироож гэмтээх хүчийг өгөхдөө хариуд нь өөрийнх нь хүүг, нөхрийг, охиныг ч юм уу тэдний сонгосон хамгийн хайртай дотнын хүнээ хамгийн ихээр хорлож хохироох тангараг өргүүлдэг. Хайртай хүмүүсээ хүртэл хохироох ёстой болдог. Бүтээлийн титэм болсон хүмүүс бид ийм хэв маягаар амьдрахыг хүсэхгүй.
Тэгэхээр яагаад тэр эмэгтэй намайг өөрт нь ямар ч муу зүйл хийгээгүй байхад атаархлаасаа болж, тэр чөтгөрүүдийг сонсон, намайг гэмтээх гэснийг одоо та нар ойлголоо. Ийм хүчтэй байснаараа тэр өндөр төлөөс төлөх ёстой болсон юм. Жишээ нь эр нөхрөө хороох ч юм уу эсвэл/мөн өөрийнхөө хоёр хүүгийн амьдралыг бусниулсан. Тэд түүнд хэрэгтэй учраас юм уу тэдэнд татагдаж маш их хайрласандаа биш. Энэ нь түүний өргөсөн тангараг, тэр биелүүлэх ёстой учраас, чөтгөрүүдийг үнэхээр дагаж байгаа гэдгээ бататгах гэж тэр юм. Мөн тэр тэдний хүчинд захирагдаж, хүмүүст, бүр нохой-, муур-, үхэр-хүмүүст аймшигтай зүйл хийхийн тулд тэдэнтэй нэгдэж, итгэлийг нь дааж чадахаа харуулах гэж юм. Заримдаа үнэхээр сайн, насаараа тайван дөлгөөн байсан нохой гэнэт ямар ч шалтгаангүй хүний, эсвэл хүүхдийн аминд хүрсэн нь сонсогддог! Өдөж, уурлуулаагүй байхад хүртэл шүү. Гэнэт дээр нь үсэрч гараад тэднийг хаздаг.
Тэр нохойн ард чөтгөрүүд байгаа болохоор тэр юм. Эсвэл хөршүүдийнх нь нэг нь шулам байгаад тэр нохойнд дургүй болохоор тэгдэг. Энэ тохиолдолд тэр шулам зарим нэг илбийн заль мэх ашиглаж, эцэст нь тэр нохой тэсэж чаддаггүй. Тэр бол ердөө л нохой. Зүгээр л нэг нохой. Хүмүүс ч тэсэж чадахгүй. Өрөвдөлтэй жижигхэн амьтдыг ярилтгүй. Тэднийг бүр насан туршид нь амьтан-хүмүүсийн махаар хооллодог. Тэд дуртай гэсэн үг биш.
Бурхан минь, энэ дэлхий... Маш олон зүйл хийгдчихсэн. Гэвч хүмүүс илүү агуу болохын төлөө дэндүү их сорилт, бэрхшээлийг туулдаг. Жишээ нь магадгүй илүү өндөр төвшний дагина ч юм уу бурхан болох гэж, эсвэл Их Багшийн туслах, эсвэл хэдэн их наяд жилийн дараа Их Багш болох гэж. Хэн мэдлээ?
Төсөөл дөө, Буддагийн өнгөрсөн төрлүүдийн талаар миний ярьсан түүхүүдийг санаж байна уу? Дээрээс нь миний та нарт яриагүй олон зүйл бий. Гэхдээ Будда маш олон, олон, олон эрин галавын өмнө Будда болчихсон байсан. Гэхдээ тэр энэ тэр хүмүүст, энэ тэр улс оронд туслах гэж хүний ертөнцөд буун ирж, төрөл бүрийн юмыг тэсэж туулах ёстой болсон. Хүмүүсийн үйлийн үрийг авахын тулд Тэр төрөл бүрийн юм хийх ёстой болсон. Гэхдээ үүнд нэг сайн зүйл бий.
Буддаг Дэлхийг Аврагч хэмээн магтсан. Есүс Христ болон бусад олон агуу Их Багш нарыг Дэлхийг Аврагчид хэмээн магтан дуулсан. Гэвч бид Тэдний юу хийснийг хардаггүй. Тэд Адислал тээн ирээд, дэлхийг тодорхой хэмжээнд дэвшүүлдэг. Тийм учраас манай дэлхий илүү соёл иргэншилтэй, илүү тав тухтай болж, шинэ нээлтүүд бид бүхнийг улам илүү тухтай амьдрах боломжтой болгож байна. Гэвч үүнээс болоод, шуналаас болж, бидний амьдралыг тухтай болгож буй олон зүйлээр илэрч байгаа Гэгээнтнүүдийн адислалыг үл хүндэтгэдгээс болж бид Бурханд болон Их Багш нарт талархахаа мартан, тэдгээрийг ашиглан илүү хор хөнөөл учруулах болсон.
Бид “Өө, бид ухаантай. Бид сайн учраас энэ тэр зүйлийг зохион бүтээж чадна.” гэдэг. Тэгээд эцэст нь атомын бөмбөг зохион бүтээж, үй олноор нь хохироосон. Үр нөлөө нь одоо ч олон үе дамжин нөлөөлсөөр байна. Хөөрхий Японы хойч үеийнхэн, бөмбөгдөлтийн дараа ч маш их зовсон хэвээр л байна. Ау Лак (Вьетнам)-т болсон улбар шар хорт бодис мөн адил. Орчин үед төрж буй хүүхдүүд маш их хор хөнөөлт нөлөөнөөс нь болж зовсоор байна шүү дээ. Эрэмдэг зэрэмдэг болж, амьдрал нь там шиг болдог.
Ойлгож байна уу, тэгэхээр “Өө, би Их Багш болмоор байна, Гэгээнтэн болмоор байна. Тийм учраас би бууж ирээд бүхнийг тэсэж гаран, Диваажинд илүү агуу нь болно” гэж хэлэх амархан. Тэгж хэлэх амархан ч маяа тэгүүлэхгүй. Маяа бүр ч аймшигтай урхи занга, аймшигтай уруу таталтуудыг бэлдэж, материаллаг ертөнцөд та нарыг үүрд байлгаж, зовоохын төлөө нүд булаам хоруудыг бэлддэг. Зарим нь хэзээ ч гарч чадахгүй байх. Гэвч сүнс Бурхантай холбоотой учраас эрт орой хэзээ нэгэн цагт тэд сэрнэ. Төрлөөс төрөл дамжин, хэт их зовоод ирэхээрээ тэд сэрнэ. Төрлөөс төрөлдөө тэд янз бүрийн бэрхшээл зовлон, уй гашуу, гутаан доромжлол, урам хугарах, тамыг туулан байж мэдэрнэ. Тэгээд л нэг өдөр тэд залхах болно. Чин сэтгэлээсээ гэтлэгдэхийг хүсэн залбирах болно. Тэд юугаа ч өгөхөд бэлэн болно. Бүхий л дорд хүслээ орхиж, зөвхөн Гэртээ харихыг л хүснэ. Тэр үед нь тэднийг буцаагаад Гэрт нь хүргээд өгөх Их Багштай учрах хувь ерөөл тохионо.
Биднийг Гэрт хүргэх Их Багш яагаад хэрэгтэй байдаг вэ? Яагаад гэвэл тэрхүү зам мөрийг мэддэг нь Их Багш юм. Та нарыг Гэрт тань хүргэж өгөх гээд Тэд энэ замаар бууж ирсэн. Тэд юу хийхээ мэдэж байдаг. Диваажинд хүргэх Хөтөч юм шүү дээ. Яг л энэ дэлхийд заримдаа хүмүүс өмнө нь очиж байгаагүй зарим нэг газруудаар зочлохдоо хөтөч хөлсөлдөгтэй адилхан. Бүлгээрээ явж байв ч хөтөч дагуулан явж, музейг ч юм уу голын эргэн тойрныг, эсвэл хотыг үзүүлдэг. Үүнд хөтөч хэрэгтэй. Ганцаараа явбал дэндүү төвөгтэй. Магадгүй төөрнө. Эсвэл үнэхээр аюултай газруудаар явж, дээрэм тонуул ч юм уу ямар нэг аюулд өртөж мэднэ. Дээрэмчид жуулчид руу дайрч магадгүй юм. Эсвэл та нарын төсөөлөх ч үгүй зарим нэг аюултай бүс байдаг.
Саяхан хүртэл орос цэргүүд Чернобыльд байх аа урьд өмнө нь цөмийн бүс байсан маш аюултай газар гэдгийг мэдээгүй байсан. Тэгээд тэд тэнд аюулгүй байх гэж нуувч ухаад бүгд маш хүнд өвдсөн дөө. Яагаад гэвэл тэр газарт цөмийн цацраг асар их байсан. Өнөө хэр нь байгаа. Энэ маш хүчтэй учраас бүгд өвдөж, гарах ёстой болсон. Өмнө нь, мөн одоо ч тэр газарт, тэр үйлдвэрт ажиллаж байгаа ажилтан тэр газрыг сайнгүй гэдгийг мэдэж байсан. Гэтэл орос цэргүүд түүнийг сонсолгүй өвдөцгөөсөн. Тэд одоо амьд болов уу, үгүй болов уу. Эсвэл тэд гадна дотногүй маш хүнд шархалж, ургамал шиг болон, ажиллах чадваргүй больсон байх.
Иймд энэ дэлхий аюулаар дүүрэн. Мөн Диваажинд хүрэх замд зарим чөтгөрийн бүсээр дайран гарах ёстой болдог. Хэрэв замаа мэдэхгүй бол тэдэнд баригдаж, тэдэнд урхидуулах юм уу гарах аргагүй боолчлогдох болно. Тийм болохоор л өөрийгөө хэрхэн хамгаалахыг зааж өгөх Их Багш хэрэгтэй байдаг юм. Гол нь тэр. Манай авшигтнууд ч мөн өөрийгөө хэрхэн хамгаалахыг заалгасан. Өдөр бүр хамгаалаач гээд Багшийгаа цаг үргэлж дуудаад байх шаардлагагүй. Их Багш зөвхөн өөрийгөө үнэхээр хамгаалж чадахааргүй зарим нөхцөлд л ирдэг. Их Багшийн тоолшгүй олон хувилгаан бие өдөр шөнөгүй хамт байдаг учраас дуудаа ч үгүй байхад нь Их Багш хүрч очих болно. Мөн шавийнхаа
хувиар та нар бас ажлаа, өөрсдийн гэрийн даалгаврыг хийсээр байх ёстой. Жишээ нь өдөрт хэдий урт бясалгах ёстой билээ, өөрийн сүнсээ, бодол санаагаа, бие махбодоо цэвэр байлгаж, веган хооллолтыг сахин аливаа төрөлтөнд хор хүргэхгүй байх ёстой. Зөвхөн хооллолт төдийгүй хэрэв амьтан-хүмүүс орон гэрт тань ирвэл тэднийг зодож нүдэлгүй туслах хэрэгтэй. Хорхой шавж байсан ч гэрээсээ эелдгээр гаргах хэрэгтэй. Хайрцагт ч юм уу ямар нэг зүйлд хийгээд гадаа гаргаж тавих нь веган амьдралын хэв маяг юм.
Мөн хүмүүстэй эелдгээр ярилцаж, хүмүүсийг адисалж, чадахаар бол хэрхэхийг мэдэх аваас тусламж хэрэгтэй хэнд ч бай тусал. Энэ бол зөвхөн ногоо идэх тухай биш юм. Өнөө цагт бид маш олон бүтээгдэхүүн хийж байна. Тэдгээр нь та бүхний дуртай байсан амьтан-хүмүүсийн болон загас-хүмүүсийн махныхтай бүр адилхан харагддаг, амт нь та нарт маш тааламжтай. Өөр хэрэгтэй зүйл та нарт байхгүй дээ. Та нар амьтан-хүний мах идэхийг огт хүсдэггүй, архи, дарс гэх мэт зүйлсийг огт хэрэглэдэггүй. Энэ бүхэн сүнслэг бясалгагчдын веган хооллолт юм. Мөн та нар жишээ нь бусдын эд юмсыг хулгайлдаггүй. Бид энэ талаар урьд өмнө хэдийн ярьчихсан болохоор дахин хэлэхийг хүсэхгүй байна.
Харин одоо авшигтан гэгдэх та бүхэн, миний Хүчинд итгэдэг хүмүүс одоо ойлгож авлаа. Хүмүүсийн дотоодод Бурхан оршдог бөгөөд тэдэнд чөлөөт хүсэл заяагдсан. Тэд сонгох ёстой.
