ДЭЛХИЙ ДАХИНЫ ЭНХ ТАЙВНЫ МЭДЭЭ - 22-р хэсэг

2022 оны 1-р сар

Аргентин болон Турк улсууд анхныхаа уулзалтыг хийж хэдэн арван жилийн туршид хямралтай байсан харилцаагаа албан ёсоор хэвийн болгох үйл явцаа эхлүүллээ.

Грек, Турк улсууд 2010 оноос хойш анх удаа Эдийн засгийн комиссуудаараа хоёр улсын хоорондын эдийн засаг, худалдааг хөгжүүлэхээ илэрхийлсэн байна.

Арабын Нэгдсэн Эмират улсад Израил улсын тэргүүн анх удаа албан ёсны айлчлал хийж Израилын ерөнхийлөгчийг Абу Дабигийн угсаа залгамжлагч ханхүү хүлээн авч уулзсан нь 2020 онд АНУ-ын зуучилсан Абрахамын Зөвшилцлийн Энхийн Гэрээний нэг хэсэг байв.

Бараг гучин жилийн дараа Саудын Араб болон Тайланд улсууд дипломат харилцаагаа сэргээж элчин сайд солилцон зарим шийдэгдээгүй асуудлыг шийдэхээр төлөвлөжээ.

2022 оны 2-р сар

Армен, Турк улсууд хоёр жилийн дараа харилцаагаа сэргээх хүчин чармайлт гарган чартер нислэгээ сэргээлээ.

Израилын ерөнхий сайд Бахрайн улсад түүхэн айлчлал хийсэн нь 2020 онд АНУ-ын зуучилсан Абрахамын Зөвшилцлийн Энхийн Гэрээгээр үндэслэсэн дипломат харилцааны улбаа юм.

2022 оны 3-р сар

Чад улсын засгийн газар босогчдын зэвсэгт 44 бүлэгтэй Катарт анхны энхийн хэлэлцээр хийсэн нь олон арван жил үргэлжилсэн зөрчилдөөнийг төгсгөл болгох анхны алхам боллоо.

Египет болон Катар улсуудын гадаад хэргийн сайд нар 2021 онд сэргээсэн харилцаагаа бэхжүүлэн бүх бүс нутгуудад хамтын ажиллагааны хамтарсан хороо байгууллаа.

Тигрэй ардын чөлөөлөх фронт Этиопын засгийн газрын зарласан яаралтай тусламжийг Тигрэй мужид хүргэх хүмүүнлэгийн зурвас байгуулан мэдэгдлийг хүлээн зөвшөөрсөн байна.

Нигерийн засгийн газар зэвсэгт бүлэглэлүүдтэй хэлэлцээр хийх санаачилга гарган элч илгээсэн бөгөөд бүлэглэлийн гишүүд хүлээн авснаар ерөнхийлөгчийн ордонд тус улсад энхтайван тогтоох хүчин чармайлт болж байна.

Энэтхэгийн цэнэггүй пуужин санамсаргүй байдлаар Пакистаны нутаг дэвсгэрт унасан ч Пакистаны тал хариу арга хэмжээ авалгүй тэвчээртэй хандаж байна.

2022 оны 4-р сар

Европын консулын зуучилсан уулзалтаар Армен болон Азербайжан улсуудын удирдагчид энхийн хэлэлцээр эхлүүлэхийг зөвшөөрч олон арван жилийн зөрчлөө шийдвэрлэхээр боллоо.

Есөн сарын турш эзлээд байсан Тигрэйн ард түмний чөлөөлөх фронт Этиопын Афараас цэргээ татсан нь тус улсын засгийн газартай хийсэн эвлэрлийн нэг хэсэг байлаа.

Иран болон Саудын Араб улсууд хоёр талын харилцааг сэргээхээр 2021 оноос хойш үргэлжилж буй тав дахь уулзалтаа хийлээ.

Хоёр Солонгосын удирдагчид ховорхон тохиодог захидал харилцаагаар Солонгосын ирээдүйг өөдрөгөөр харж буйгаа илэрхийлцгээсэн байна.

Испанийн ерөнхий сайд Мароккод айлчлах үедээ Мароккогийн талтай хоёр улсын дипломат харилцааг шинэчлэн боомтуудын далайн тээврийг эргүүлэн нээсэн байна.

Өмнөд Суданы удирдагчид 2018 оны энхийн хэлэлцээрийн чухал заалт болох зэвсэгт хүчний нэгдсэн командлалтай болохыг зөвшөөрчээ.

Туркийн ерөнхийлөгч Саудын Арабын хаан болон угсаа залгамжлагч ханхүү нар харилцаагаа сэргээн уулзлаа.

Йемений сөргөлдөгч талууд хоёр сарын турш НҮБ-ын дэмжлэгтэйгээр эвлэрэл тогтоох болжээ. НҮБ-ын хүчин чармайлтаар Йемений ерөнхийлөгч мөн өөрийн эрх мэдлээ шинээр байгуулагдсан ерөнхийлөгчийн зөвлөлд шилжүүлж, тэргүүн нь энхийн замаар мөргөлдөөнийг зогсооно гэдгээ амлав.

Энхийн үйл явцад оролцсон бүх хүнд баярлалаа. Диваажин та бүхэнд хайр адислалаа хур мэт буулгах болтугай.

Дэлгэрэнгүй мэдээлэл авахыг хүсвэл дараах хаягаар зочилно уу SupremeMasterTV.com‍/scrolls