Дэлгэрэнгүй
Татаж авах Docx
Дэлгэрэнгүй уншаарай
Ирээдүйгээ сонгох цаг бидэнд ирлээ; сонголт бидний гарт байна. Хэрэв дэлхийн улс үндэстнүүд та бүхэн дахин нэг их дайн өдөөвөл хүн төрөлхтөн шатаж, үнс нурам болно гэж Хопи хүмүүс үздэг.
Сүүлийн хэдэн арван жилийн турш дэлхийн хүн амын ихээхэн хэсэг нь биет бодит байдлын хуурмаг ертөнцөд улам бүр гүн автан орсоор ирсэн. Эд хөрөнгө, ашгийн төлөөх зорилгын хойноос хэт хөөцөлдөн автсанаар олон хүн дотоод сүнслэг хөгжлөө төлөвшүүлэх, ёс суртахууны зарчим, үнэнч шударга байдлаа хадгалах, дэлхий гарагийг хамгаалахаа мартжээ. Сүнслэг төөрөгдөл, харанхуй дунд уугуул ард түмэн сэрүүн, сэргэг хэвээр байсаар ирсэн. Тэд сул дорой, гэм зэмгүй хүмүүст тулгаж буй шударга бус явдлын эсрэг дуу хоолойгоо хүргэсээр ирсэн. Мөн бидний явж байгаа аюултай чиглэлийн талаар хүмүүст анхааруулж, эртний билиг ухаан болон зөгнөлүүдээ хуваалцсаар ирсэн.Юмс хэрхэн өрнөж байгаа байдал, бидний яг одоо хийж буй зүйлс... энэ бол зөв зам биш. Эх Дэлхий халуурч байна. Хүн төрөлхтөн хэтэрхий даварчээ; бүхнийг үл хүндэлж байна. Ариун дагшин газруудыг сүйтгэжээ; бүргэдүүд хогийн цэг рүү нисэж байна. Би нийгэмлэг, нутгаасаа гарч, дэлхий ертөнцөд хөл тавихдаа энэ бол оршин тогтнох боломжгүй хачин ертөнц гэдгийг ойлгодог. Бид нэн яаралтай арга хэмжээ авах шаардлагатай болсон цаг үед ирээд байна; Бүр эрдэмтэд хүртэл нөхцөл байдал буцааж засах аргагүй хэмжээнд хүрснийг хэлж байна. Хүмүүс сүнслэг холбоо, дотоод мэдрэмжээсээ маш их хөндийрчихсөн байна; Бид Сүнслэг мөн чанартайгаа дахин холбогдох хэрэгтэй. Эх Дэлхий бол амьтай, сүнслэг оршихуй юм. Эх Дэлхий бол ашиглах нөөц баялаг бус, амьдралын эх булаг юм.Та ‘нөөц баялаг’ гэж хэлэхдээ үнэндээ бидний төрөл садан, бидний гэр бүлийн тухай ярьж байгаа гэсэн үг. Загас бол бидний гэр бүл; Тэд бол нөөц баялаг биш, гэр бүлийнхэн маань. Тиймээс тэдэнд бүрэн хүндэтгэлтэй хандах ёстой. Дэлхий бол асар хүчирхэг оршихуй бөгөөд зөвхөн хүн төрөлхтөнд зориулж бүтээгдээгүй. Бид байгаль дэлхийн нэг хэсэг нь, гэхдээ бид энд заавал байх албагүй. Учир нь Дэлхий өөрийн гэсэн үйл явцтай. Хэрэв хүн төрөлхтөн өөрсдийгөө устгаж, амьдралыг сүйтгэсээр эцэст нь энэ Дэлхийгээс арчигдлаа ч, Дэлхий үгүй болохгүй. Дэлхий ертөнц сүйрч дуусахгүй. Энэ бол бидний хувьд үнэхээр их сонирхолтой ойлголт юм. Үгүй ээ, дэлхий сөнөхгүй; Харин дээр нь амьдрах хүмүүсийн амьдрал төгсөнө. Тиймээс та нар дэлхийн төгсгөлийн тухай биш; бидний төгсгөлийн тухай ярьж байна. Мөн Дэлхий дээр та нар ямар их хор хөнөөл учруулсан гэж бодож байгаагаас үл хамааран, Дэлхий өөрөө дахин сэргэж, дахин ногоорч, урьд нь байсан бүхнээ дахин сэргээх болно. Гагцхүү тэнд хүмүүс л байхгүй байх болно.“Бид муудалцаж, тэмцэлдэн, бие биеэ бас Дэлхий Ээжийг гэмтээж байна. ... Одоо бид бүгд үүний үр дагавартай хамт амьдрах ёстой болсон. ... Бидний хүндэтгэлгүй хандлага, үйлдлүүдээс Өөрийгөө цэвэрлэхээс өөр аргагүй болсон Эх дэлхийг зогсоох дэндүү оройтжээ.Ахмад үеийнхэн маань биднийг үүнийг ойлгохгүй байгаад үргэлж санаа нь зовж, тэд ирээдүйд, цаашдаа нэгэн цагт муу ёс буюу бузар муу зүйл маш хүчирхэг болно гэж хэлдэг байсан. Муу ёрын нэгэн олон туслагчтай болж, хүмүүст нөлөөлөх асар их хүчтэй болно. Тэд “Динэ” буюу (ариун хүмүүсийн) эсрэг ажиллаж, сайн сайхан бүхнийг, зөв шударга бүхнийг устгахын тулд хүчин чармайлт [гаргана].Хопи нар хүмүүс маш олон хүчирхэг технологи хөгжүүлж, тэдгээрийг буруу зорилгоор ашиглах болно гэдгийг мэдэж байсан. Энэ 20-р зуунд бид Дэлхийн I, дараа нь Дэлхийн II дайныг мөн бидний зөн, үзэгдэлд гарч байсан үнсэн хулуу буюу та бүхний атомын бөмбөг гэж нэрлэдэг зүйл тэнгэрээс унан, асар их сүйрэл авчирсныг харсан. Хирошима, Нагасакид олон арван мянган хүн амь үрэгдсэн. Үүний дараах жилүүдэд Дэлхийн III дайн гарах айдас, аюул маш их байв.Хопи нарын үзэж байгаагаар Персийн булангийн дайн нь энэ Дэлхийн III дайны эхлэлийг тавьсан боловч дайн зогссон бөгөөд хамгийн аймшигт сүйтгэгч зэвсгүүдийг ашиглаагүй. Ирээдүйгээ сонгох цаг бидэнд ирлээ; сонголт бидний гарт байна. Хэрэв дэлхийн улс үндэстнүүд та бүхэн дахин нэг их дайн өдөөвөл хүн төрөлхтөн шатаж, үнс нурам болно гэж Хопи хүмүүс үздэг.Гэх мэт...Энх тайван, эв нэгдлийн төлөө дуу хоолойгоо хүргэгч Уугуул Үндэстний тэргүүлэх төлөөлөгчдийн нэг бол Ихэнктонван Дакота болон Чикасо Уугуул Үндэстний гишүүн, Эрхэм Хүндэт Ахлагч Фил Лэйн Жуниор (веган) юм.1982 онд Ахлагч Лэйн Уугуул иргэдийн хамтын нийгэмлэгийг цогцоор нь хөгжүүлэх дэлхийн тэргүүлэгч байгууллага болсон Дөрвөн ертөнц олон улсын хүрээлэнг үүсгэн байгуулжээ. Тэрээр хийсэн ажил, үйлсийнхээ төлөө Виндстар Шагнал, Эрх чөлөө ба Хүний эрхийн төлөөх Швейцарын Сангийн Олон улсын Шагнал, мөн 2023 оны Хүн төрөлхтний төлөөх үйлсэд оруулсан хувь нэмрийн төлөөх Стеллар Шагнал зэрэг олон шагнал, өргөмжлөл хүртсэн.Энх тайван, эв нэгдэл, гэгээрлийг дэмжих Уугуул Үндэстний олон чуулга, хэлэлцүүлгийн уулзалтыг идэвхтэй зохион байгуулдаг Ахлагч Лэйн бидний Хамгаас Хайртай Төгс Гэгээрсэн Их Багш Чин Хай (веган)-г уугуул иргэдийн төрөл бүрийн арга хэмжээнд үг хэлэхийг хэд хэдэн удаа чин сэтгэлээсээ урьсан билээ. Их Багш бясалгалын эрчимтэй даяанд байсан тул хүрэлцэн ирж чадаагүй хэдий ч, өмнөх жилүүдэд чин сэтгэлийн үгс, захиасаа эелдгээр бичлэг болгон илгээж байв.Master: Эртний билиг ухаан уугуул ард түмний дунд хэзээ ч алдагдаагүй билээ. Та үүнийг сайн мэднэ дээ. Тэрхүү билиг ухааны дагуу бид бусдад, тэр дундаа бидэнтэй хамт энэ Дэлхий дээр амьдардаг бусад өхөөрдөм амьтан-хүмүүс болон эргэн тойрныхоо бусад төрөлтнүүдэд зовлон учруулбал бид бүрэн дүүрэн аз жаргал, баяр хөөртэй болох боломжгүй. Тэд бол энэ гараг дээрх бидний түр зуурын аялалд туслахын тулд Тэнгэрээс илгээгдсэн адислал юм. Бид тэднийг эрхэмлэн үнэлж, хамгаалж, бидэнтэй хамт байгаад нь талархах учиртай.Олон зочдод хуваалцах илүү ухаалаг үгс, нигүүлсэнгүй илгээлт үг байгаа байх гэж би бодож байна. Тэгэхээр миний энгийн захиас бол: “Веган байж, Энх тайвныг цогцлооё.” Бидний дэлхийг аврахын төлөө өөр өөрийн хувь нэмрээ оруулж буйд та бүхэнд баярлалаа. Та бүхэнд бүх хайраа илгээе. БУРХАН та бүхнийг ивээг.Дэлхий даяарх агуу Уугуул үндэстнүүдэд мэнд дэвшүүлье. Бүхий л Уугуул хүмүүс, Бүтээлийн хамгийн хайртай нь юм. Өнөөдөр та нартай уулзсан нь надад нэр төрийн хэрэг билээ. Гэхдээ бид үргэлж хамт байдаг мэт надад санагддаг. Хэдий хэр удаан хугацаа өнгөрсөн, бие биеэсээ хэчнээн хол байсан нь хамаагүй, учир нь тэрхүү зай, хугацаа нь сүнснүүдэд огтхон ч хамааралгүй.Эх Дэлхийгээ дээдлэн хүндэтгэх уламжлал, ур чадвараа хадгалж, амьдралынхаа туршид олон олон тохиолд Түүнд хүндлэл үзүүлэн авран хамгаалж, БУРХАН-ы Ивээлээр Байгалийн бүхий л адислал, зөвлөгөө, ёс журамд бишрэл хүндлэлтэй хандсаар ирсэнд би талархаж байна. Юу хамгийн сайн бэ гэдгийг Анхны Үндэстнүүд мэддэг. Учир нь та бүхэн эргэн тойрныхоо бүх зүйлтэй сүнслэг арга замаар, хамгаас хүндэтгэлтэйгээр, туйлын чин бишрэлтэйеэ чин сэтгэлээсээ холбогдохыг ямагт хичээдэг.Энэ жил буюу 2026 онд Ахлагч Лэйн “Эв нэгдлээр энх тайвныг цогцлоох 99 өдөр: Энх тайвныг сонго. Энх тайвнаар амьдар. Дайныг зогсоо” дэлхий нийтийн арга хэмжээг зохион байгуулсан. Энэ арга хэмжээ 2026 оны 6-р сарын 21-нд эхэлсэн бөгөөд 2026 оны 9-р сарын 27-нд дуусна. Тэрээр Их Багшийг оролцохыг дахин нэг удаа эелдгээр урьж, захидалдаа: “[Энэхүү арга хэмжээ] нь 99 хоногийн турш үргэлжилж, хүмүүс, нийгэмлэгүүд, сүнслэг уламжлалууд, залуучууд, ахмадууд, уран бүтээлчид, эмчлэх, эдгээх үйлстнүүд болон энх тайвны төлөө ажиллагчид хамтдаа нэгдэж, өөрсдийн амьдрал, гэр бүл, хамтын нийгэмлэгүүд болон дэлхий даяар энх тайвныг улам гүнзгийрүүлнэ” гэж дурьджээ. Иймээс Их Багш энэхүү бэлгэ дэмбэрэлтэй арга хэмжээнд зориулан дараах илгээлтийг хүргүүлсэн юм.Master: Ахой, хүндэт, хайрт Ахлагч Фил Лэйн. Энх тайвны төлөө 99 өдөр залбирах цугларалтад намайг урьсанд баярлалаа. Дэлхийн төлөө ийм том арга хэмжээ зохион байгуулж буйд тань сэтгэл минь ихэд хөдөлж байна.Үнэхээр их ажилтай атлаа намайг марталгүй санаж байж шүү дээ. Өөрийн элэг нэгт ард түмэн уугуул иргэд болон дэлхийн бүх уугуул иргэдийг хайрлах сэтгэлийг тань хүндэтгэн би чин сэтгэлийн ерөөл, хайраа илгээж байна. Мөн БУРХАНЫ нэрээр бидний Цорын ганц Эцэг Эх болсон Хамгаас Хайрт Төгс Хүчит БУРХАНЫ ивээл дор та бүхэнд хамгийн сайн сайхныг хүсье.Танай төслийн бүх оролцогч, үзэгч, сонсогчдод ч мөн чин сэтгэлийн ерөөл, бүх хайраа илгээж байна. Эрхэм Омгийн Ахлагч Лэйн танд үнэт цаг зав, хөрөнгө хүчээ зориулан ийм сайхан арга хэмжээ зохион байгуулж буйд тань чин сэтгэлээсээ талархъя. БУРХАН таныг болон танай ард түмнийг, ТҮҮНИЙ бүтээсэн энэ гайхамшигт гараг дэлхий, дээр нь буй ТҮҮНИЙ хамаг үр хүүхэд, амьд төрөлтний сайн сайхны төлөө санаа тавьж буйд үнэхээр их баярлан, таалж байгаа даа.Би маш завгүй ч таны урилгаас татгалзаж чадсангүй. Учир нь би та бүхнийг, уугуул ард түмнийг, Америк, Канадын уугуул иргэдийг болон дэлхийн бүх улс орны уугуул иргэдийг маш их хайрладаг. Би тэднийг маш их хайрладаг. Тэдний эгэл жирийн амьдрал, тунгалаг ариун итгэл бишрэл, Хамгаас Дээд Бүтээгчдээ туйлаас итгэх сүсгийг, мөн БУРХАН тэднийг маш их хайрладаг тул хэрэгцээт бүхнээр нь хангаж ирсэндөдөр бүр даруухнаар талархах сэтгэлийг нь хайрладаг. Би тэднийг олон улс оронд цөөнх болж, дарлал мөлжлөг, ялгаварлан гадуурхалт, гачигдал дутагдал, мөн үр хүүхэд гэхчлэн дотнын хайрт хүмүүсээсээ хагацах зовлон гунигийг ихээр туулсан учраас бас хайрладаг.Би тэдний төлөө залбирдаг. Одоо тэдний амьдрал илүү хамгаалагдаж, хүндлэгдэх болсонд баяртай байна. Гэвч тэдэнд дахин тийм эмгэнэлт явдал хэзээ ч бүү тохиолдоосой, амьдрал нь БУРХАНЫ үрсийн нэр төртэй бэлгэдэл байж, БУРХАН Тэнгэрт сүжиглэх чин сэтгэл, өв уламжлал, хүндлэл дүүрэн амьдралын хэв маягтаа үнэнч үлдэж, эргэн тойрныхоо бүхнийг хүндэтгэхийн зэрэгцээ байгаль орчин, хүчин мөхөс амьтан-хүмүүсээ хамгаалж, БУРХАН-ы хайрлаж хамгаалдаг бүхнийг тэд ч мөн хайрлаж хамгаалсаар байгаасай хэмээн би залбирдаг. Тэд сая сая жилийн турш Эх Дэлхийгээ хүндэтгэж, дээдлэн, хайрлаж ирсэн бөгөөд тэдний энэ ээл зохицолтой амьдралын хэв маяг дэлхий дээрх бусад олон соёлд үлгэр жишээ болох учиртай.Та бүхэн хамт цуглаж энх тайвны төлөө залбирч байгаад би баяртай байна. БУРХАН та бүхний залбирлыг сонсож, хүссэн бүхнийг тань хайрлан, та бүхнийг, хайртай хүмүүсийг тань, хүрээлэн буй орчныг тань хамгаалж, та бүхэн амар тайван, эгэл боловч нэр төртэй амьдран, бие сэтгэлийг тань тэтгэх бүхнээр элбэг хангалуун байгаасай хэмээн би мөн залбирч байна.Урилга илгээсэнд дахин баярлалаа. Та бүхэнд дахин хамгийн сайн сайхныг хүсье. Сайн үйлсийн төлөө хамт байх цаг мөчөө бүгдээрээ сайхан өнгөрүүлж буй танай цугларалтад өндөр амжилт хүсье. ЭЗЭН бид бүгдэд амар амгалан, энэ гарагийн бүх оршихуйд буянтай амьдралыг хайрлах болтугай. ЭЗНИЙ Нэрээр, БУРХАНЫ Ивээл дор та бүхэнд хайртай, бүгдэд тань хайртай. Амен.Дараагийн дугааруудаар бид Уугуул Үндэстний уламжлал, хүндэт ахмадууд, зөнчид, болон мэргэдээс уламжлагдан ирсэн сэрэмжлүүлэг, зөгнөлүүдийг илүү дэлгэрэнгүй судлах болно.
