Дэлгэрэнгүй
Татаж авах Docx
Дэлгэрэнгүй уншаарай
Анхилуун цэцэгсийг зээлж аваад Гялалзсан үсээ гоёё Мөнхийн хайрын бүүвэйн дууг мөрөөдлийн ертөнцдөө аяархан аялъя. Зөөлөн энхрий үнсэлтээр хоёр биеийнхээ нүүрийг чимье
Хайр, салалт, хүлээлт бол дурлалт хосын мөнхийн давталт юм. Зовлон шаналал, цөхрөл гунигийн гүнд унах үед өнгөрснөө дурсах сэтгэл хайрлаж дурласан нэгний найдвар тасарсан, хүлээж бэтгэрсэн өдрүүдийг давахад тусалдаг сэтгэл засах эм болдог.Эргэж надад ирээгүй чамайг Эгээрэн, горьдон хүлээж сууна. Хорвоо дэлхий уй гашууд автаж Гунигийн нулимс далай болжээ! Хүний нутаг, алсыг зорин одсон Хайртыгаа би бэтгэртлээ үгүйлнэ. Гуниг харуусал тороо нэхнэ, Гэгээн хайр өвсний үзүүр лугаа. Аатай урсгалтай мөрөн лугаа Амьдралын их далайд эрчлэн урсана, чи Амтат шимийг өөртөө хураавч Ахиу шаналлыг тэтгэн ундаална! Гунигт өдрүүдийг би тоолж Манант шөнүүдийг би бүртгэнэ. Толгой бөхийлгөн дурсамжаа би үнсэнэ, Таныг хүсэх тэврэлт минь дүүрэн атлаа хоосон!Эрт үеэс Сар хүмүүний зүрх сэтгэлд гэрэлтсээр ирсэн билээ. Эхлээд хавирган сар болж, дараа нь тэргэл сар, тэгээд бүдгэрч, дараа нь нэмэгдсээр дүүрдэг. Тэр үед ч, одоо ч Сар үргэлж үнэнч амлалт, тайтгаруулах нөмөр байсаар ирсэн билээ. Ээдрээт ертөнцөд баяр хөөр авчирч, эх толгойгүй ертөнцтэй хамт инээмсэглэнэ.Хаврын улирал айлчлан ирэхэд Хуучирсан сарыг би мөрөөднө Амраг түүнийхээ нандин төрхийг Ахиад ганц ч болов харах гэж л тэр Эрт, эдүгээ хоёр эргэн уулзахад Эгэл бус сарны гэрэл гайхамшиг болон цацарна. Урд минь мухардал, цөхрөл отож, Ард минь харанхуй мунхаглал хаана. Эрэмгий зоригтойгоор би алхсаар Нүдэнд минь итгэл найдвар гэрэлтсээр Шөнө ч гэсэн зүрх минь Сүнслэг замаа харсаар тууштай алхсаар байх болно, би Маргаашийн уудам тэнгэрт дүүлэн нисэхийн тулд Магад луу бүхэн тэмцдэг. Олон хавар улиран өнгөрсөн ч Сүмийн буланд сарны туяа тодхон тусна. Сэргэг Зэн багш бясалган суухад Саран гэрэл өрөөг дүүргэжээ.Хүмүүний сүнс орчлон ертөнцийн Хамгаас Хайрт БУРХАНТАЙ эргэн нэгдэх тэрхүү агшин бол хамгийн сайхан үлгэр биелж, зүрх сэтгэлийн Ханхүүтэйгээ учрахтай адил юм. Тэр мөчөөс эхлэн биднийг хүрээлэх ертөнц тэнгэрлэг аялгуу, баяр хөөртэй дуу, сайхан үгсээр дүүрэн Энхжиний орон болж хувирна.Хуйлран эргэлдэх шөнө. Халуухан догдлолын хөөрөл. Уянгат хэмнэл, алтан аялгуу, Чичирхийлэх мэдрэмжүүд, анхилуун амьсгал! Цэцэрлэгийн буланд ургасан хулс тансаг сайхан хайрын дуу аялахад Лянхуа цэцэгт цөөрмийн эргэн тойронд мэлхийнүүд хамтдаа найрлаар дуулна. Норж унжсан уд мод нандин үнсэлт илгээнэ. Алсран зогсох ихэмсэг нарс мод, Амгалан тунгалаг усны мандал аниргүйд чичирхийлнэ. Нүүр буруулсан тэнгэр Сүүмэлзэх лааны дөл, Халуун хайрын агуу хүчээр одоо л нэг амь орон гэрэлтлээ. Цаг хугацаа түр саатна. Хуучны жим харгуй алдаж гишгэсэн бүхнийг уучилна Аяа, тавтай морил! Энэрэл нигүүлслийн Ханхүүг угтан авъя! Түүний уянгат хоолой Уулын горхины урсгал шиг тунгалаг Түүний дулаан харц Амгалан номин эргийн ус шиг хөх. Цэцэг ийн шивнэнэ: “Өөр ямар ч эр хүнийг харахыг хүсэхгүй.”Гэр орон, Хайрт Нэгнээсээ хол сүнсний эргэн очих хүсэл дийлдэшгүй хүчтэй болдог. Бүх зүйл дурлагчдад өөр өөр байдал, мэдрэмж төрүүлнэ. Харамсал, хүсэн тэмүүлэх сэтгэл бол дурлагсдыг зовоодог мөнхийн хар дарсан зүүд юм.Ай, шөнө минь, би яагаад одоо хүртэл сэрүүн байна вэ? Шөнийн дэнлүү юуг үгүйлэн ингэж гэрэлтэнэ вэ? Хөшиг, бүтээлэг нь хэдийн хөндийрч холдсон бидний хайр шиг баяр хөөргүй мэт санагдана! Гэв гэнэт өдөр хэзээ ч дуусахгүй мэт удааширна. Зуны шөнө салхи нь үнэхээр хүйтэн санагдана! Даарч, ганцаардсан нэгэн боржин чулуун хөшөө мэт, Бороотой бүрэнхийн далайн эргийн гэрэлт цамхаг шиг гансран сууна. Хэрэв амьдралд минь чи үгүй бол Цэцэг инээмсэглэхээ мартана Нар мандахаас дургүйцэж, Сар, одод хүртэл үүлний цаагуур нуугдана! Ойлгохгүй байна гэж үү? Хоёр биеэсээ хол байх нь амьдралыг гунигтай болгож байгаа биз дээ? Хоёр биеийнхээ дэргэд эргэн очъё Тэгвэл бидний зүрх сэтгэл амьдралын анхилуун үнэрийг түгээнэ Анхилуун цэцэгсийг зээлж аваад Гялалзсан үсээ гоёё Мөнхийн хайрын бүүвэйн дууг мөрөөдлийн ертөнцдөө аяархан аялъя. Зөөлөн энхрий үнсэлтээр хоёр биеийнхээ нүүрийг чимье Тэгвэл шөнө сэрвэлзэхээ больж Өдөр сунжрахгүй Амьдрал баяр хөөр дүүрэн, гэрэлтэй болно Бидний хайр хэзээ ч гандахгүй
