Ихэнх хамгийн алдартай орчин үеийн хөгжим нь хүнд энерги, хэлбэлзэл агуулж, сүнслэг дэвшлийн эсрэг үйлчилдэг хүчтэй мессежийг агуулж, оронд нь хүмүүсийн анхаарлыг биет дэлхий эсвэл сөрөг ертөнц рүү татдаг.

Индонезээс Рахманы индонез хэлээр ирүүлсэн сэтгэлийн үгийг олон хэлний хадмал орчуулгатайгаар одоо хүргэе:

Их Багшдаа болон тууштай, үнэнч Суприм Мастер Телевизийн хамт олонд мэндчилгээ дэвшүүлье. Би нийгмийн мэдээллийн сүлжээ ашиглах талаар туршлагаа хуваалцмаар байна. Сүүлийн хоёр сарын хугацаанд би өдөрт 4-5 цагийг TиkTok дээр дуу сонсоход зарцуулсан. Энэ нөхцөл байдал намайг сүнслэг бясалгалаа үл тоомсорлож, тогтмол бус болгоход хүргэсэн. 2025 оны 10-р сард би дотоод ахуй ойлголт авсан. Шөнө дундын үед, унтсаны дараахан би дотоод ахуй ойлголтдоо өөрийгөө туйлын харанхуй, хязгааргүй ертөнцөд унаж байгаагаа харсан. Айсандаа би гэнэт сэрсэн.

Дараагийн өдөр нь би өдрийн турш айдас, тавгүй мэдрэмжээр хүрээлэгдсэн. Тэр орой би унтахаасаа өмнө, шөнө орой болтол TиkTok дээр дуу сонссоор л байсан. Тэр шөнө би өөр нэг дотоод ахуй ойлголт харсан: Би нэг тосгоны голд зогсож байв. Их Багш гарч ирэн, над руу алхаж байхдаа гараа даллан, бага насны нэрээр минь дуудсан. Их Багш надад Арьяабалын бясалгалдаа хичээнгүй байхыг зөвлөөд, эцэст нь явахаасаа өмнө тайвшруулах үгс хэлсэн.

Энэ дотоод ахуй ойлголт надад болон бусад авшигтанд бясалгалдаа илүү төвлөрч, хичээнгүй байж, мөн нийгмийн мэдээллийн сүлжээг хэт их хэрэглэхээ багасгаж, хязгаарлахыг сануулсан анхааруулга байсан гэж би бодож байна. Их Багш аа, шавь нартаа тусалж, сүнслэг бясалгалын ач холбогдлыг сануулсан Таны гуйвалтгүй Хайрын төлөө баярлалаа. Рахман, Индонези улсаас

Гярхай Рахман, амьдралынхаа бүхий л талбарт хичээнгүй, сахилга баттай байхыг сануулсанд баярлалаа. Ялангуяа зурагт үзэх, олон нийтийн мэдээллийн сүлжээг ашиглах, видео тоглоом тоглох зэрэг үйл ажиллагааны аливаа зүйлд хэт их автах нь – бидний сүнслэг бясалгал, өсөлт хөгжилтөд ямар ч асуудал үүсгэхгүй гэж итгэхэд амархан байдаг. Бид анхаарлаа бүхэлд нь Бурханд болон өдөр тутмын бясалгалдаа төвлөрүүлэх үед дэлхийн хүслийг хөөцөлдөх нь үнэхээр төлөх ёстой үнэтэй байдгийг ойлгож чадна. Та болон нээлттэй, үнэнч Индонези ард түмэн амар амгалан, цэцэглэлтээр үүрд адислагдаж байх болтугай, Суприм Мастер ТВ-ийн хамт олон

Жич: Бидний Хайрт Их Багш танд хайраар хариулж байна: “Үнэнч Рахман, Таны сэтгэлийг өргөж, сүнсийг тань өндөр түвшинд хүргэж, хор хөнөөлтэй ертөнцийн харанхуйгаас холдуулдаг ариун дотоод хөгжим бол танд хэрэгтэй зүйл бөгөөд энэхүү хуурмаг, бодит бус ертөнцөд илүү төгс, амар амгалан амьдралыг мэдрэхийн зэрэгцээ ЖИНХЭНЭ ГЭР рүүгээ буцаж очиход хэрэгтэй бүх зүйл юм. Ихэнх хамгийн алдартай орчин үеийн хөгжим нь хүнд энерги, хэлбэлзэл агуулж, сүнслэг дэвшлийн эсрэг үйлчилдэг хүчтэй мессежийг агуулж, оронд нь хүмүүсийн анхаарлыг биет дэлхий эсвэл сөрөг ертөнц рүү татдаг. Хөгжмийн доод түвшний үгс нь огтхон ч анзаарагдаж, мэдрэгдэлгүйгээр оюун ухаан болон далд ухамсарт гүн нэвтэрдэг. Таны дотоод ахуй ойлголт нь таны хувьд үнэхээр үнэ цэнтэй – чухал зүйл болох таны бясалгал болон сүнсний сайн сайхан байдлыг сануулсан байна. Та болон өнгөлөг Индонезичууд өдөр бүр Диваажингийн зөөлөн адислалыг мэдрэх болтугай. Та чин сэтгэл, хичээл зүтгэл, анхааралтайгаар бясалгалаа хийж байх лугаа хайраа илгээж байна!