Sharing How Divine Energy of Supreme Master Television Has Uplifted Whole Family

Өмнөд Солонгосоос Дан-би- гийн солонгос хэлээр ирүүлсэн сэтгэлийн үгийг олон хэлний хадмал орчуулгатайгаар одоо хүргэе:

Намайг 2003 онд авшиг авснаас хойш эцэг эх маань үргэлж миний төлөө санаа тавьж, халамж дүүрэн байж ирсэн. Их Багшийн Хайр, Энэрэл нигүүлслээр миний амьдрал аажмаар билиг ухаан, хайраар дүүрсэн болохыг хараад, тэд намайг аюулгүй, аз жаргалтай байгааг ойлгосон. Их Багшийн агуу Өршөөлөөр, Суприм Мастер Телевизэд би ажиллах боломжтой болж, амьдралдаа үнэхээр утга учиртай өдрүүдийг өнгөрөөж байна.

Энэ завшааныг ашиглан, энэ даруухан шавийг хүлээн авч, энэ сайхан Орчлон, ертөнцийн шилдэг нэвтрүүлэг болох Суприм Мастер ТВ-д үргэлжлүүлэн ажиллах боломж олгож байгаа Их Багшдаа чин сэтгэлээсээ, зүрхний угаас гүн талархлаа илэрхийлье.

Суприм Мастер ТВ амьдралын минь олон талыг гайхалтайгаар өөрчилсөн тул би дахин төрсөн юм шиг санагддаг. Би аав, ээжийнхээ гэрт очих бүрдээ Суприм Мастер ТВ тоглуулахын тулд зөөврийн компьютер, iPad аваачдаг. Энэ зун би урьдын адил Суприм Мастер ТВ-ийг 24 цагаар ажиллуулсан. Хэд хоногийн дараа аав, ээж дээрээ дахин очиход ээж маань “Суприм Мастер ТВ сайн юм шиг байна. Түүнийг би орныхоо хажууд тоглуулж амарч байгаа. Их олон төрлийн хөтөлбөрийг би олж мэдсэн. Англи хэлээр сонсох нь суралцахад минь тусалдаг тул бас сайхан байна.” гэж хэлсэн. Зүрх хүчтэй цохилж, баярласандаа үсэрч байсан болохоор ээждээ, Суприм Мастер ТВ-ийн бусад нэвтрүүлгийг үзүүлсэн. Ээж наснаасаа болоод тэдгээрийг сайн дагуулж харч чадахгүй байсан хэдий ч сайн суваг гэдгийг тодорхой мэдэж байсан. Тэгээд ээж “Аав чинь ихэвчлэн гэрт чимээ шуугиан тарихад гомдоллодог ч энэ удаад дуугарахгүй байгаа.” гэж нэмж хэлэв.

Энэ бүх амар амгалан, гайхамшгууд нь Их Багшаас ирсэн агуу Адислалууд гэдгийг би тэр мөчид ухаарсан. Одоо ч гэсэн, тэр хормыг бодохоор зүрх минь догдолж, сэтгэл хөдлөлөөс болоод хоолой зангирдаг. Орчлон ертөнцийн Бурхан-Их Багш аа, хором бүрт гайхамшгийг үзүүлдэг, өгөөмөр, чин бишрэлт Хайраа дэлхий дахинд соёрхдог Танд би яаж, хэзээ талархаж чадах билээ? Зөвхөн Таны агуу Хайр, хязгааргүй Адислалуудаар л амар амгалан дэлхий тогтнох болно. Би энэ амьдралдаа Их Багштай учирсан минь энгүй их нэр төрийн хэрэг бөгөөд би Арьяабалын бясалгалыг илүү хичээнгүйлэн, үргэлжлүүлэн хийж Суприм Мастер ТВ-ийг улам их дээдэлж, хайрлах болно. Орчлонгийн Цаглашгүй Дээд Бурхан Их Багш аа, Та үргэлж аюулгүй, хамгаалагдан, эрүүл энх байх болтугай. Тандаа би хайртай. Таны шавь, Өмнөд Солонгосоос Дан-би

Сүнслэг Дан-би, Хайртай хүмүүсийнхээ дэмжлэгийг авах нь үнэхээр гайхалтай бөгөөд Суприм Мастер Телевизийн Тэнгэрлэг энерги танай гэр бүлийг хэрхэн өргөсөн талаар хуваалцсанд баярлалаа. Их Багшийнхаа Мөнхийн Нигүүлсэл, Ивээлд бид гүнээ талархаж байна. Та, таны эцэг эх, шинийг санаачлагч Өмнөд Солонгос улс Тэнгэрлэг Гэрэлд, хамгийн дээд зорилгодоо хүрэх болтугай, Суприм Мастер ТВ-ийн хамт олон

Жич. Их Багш таны адислалыг хамт тэмдэглэж байна: “Эрхэм Дан-би, эцэг эхдээ ийм халамжтай хүүхэд байгаад баярлалаа. Тэднийг хайрлах таны хайр илт байна, таны гэгээрсэн зам мөр, үйлсийг тэд хүлээн зөвшөөрч, ойлгож байгаа нь үнэхээр гайхалтай. Таныг болон гэр бүлийг тань сэтгэл зүрх-Хайраараа тэвэрье. Оройн Дээд Бурханы Ивээлээр, Та, таны хайртай бүхэн мөн Өмнөд Солонгосын эрэлхэг ард түмэн таны Дэлхий дээрх ба дараагийн эрхэм ариун амьдралын аз жаргалыг мэдэж, ойлгох болтугай. Танд болон ээж аавд тань үргэлж хайртай.”