Дэлгэрэнгүй
Татаж авах Docx
Дэлгэрэнгүй уншаарай
Сүүлийн жилүүдэд дэлхий даяар өвлийн улиралд цаг агаарын бусад олон онцгой үзэгдэл бүртгэгдээд байна. Нэвтрүүлгийнхээ хоёрдугаар хэсгээр өвлийн улиралд цахилгаан тасарсан үед өөрийгөө хэрхэн дулаацуулах, гэр ахуйн хэрэгцээт зүйлсийг цахилгаангүйгээр эрчим хүчээр хангах янз бүрийн аргууд болон онцгой байдлын үед ашиглах бусад хэрэгтэй зөвлөгөөг толилуулах болно. Өвлийн улиралд цахилгаан тасрах үед өөрийгөө болон хайртай хүмүүсээ биеийн дулаан алдалтаас хамгаалах нь маш чухал. Хүйтэн хэмээс өөрийгөө хамгаалж, дотоод дулаанаа хамгийн сайн барихын тулд хувцсаа давхарлан өмсөөрэй. Хэрэв халууцвал давхарласан хувцаснаасаа тайлах нь даарсныхаа дараа нэмж өмсөхөөс илүү хялбар гэдгийг санаарай. Өрөөний дулааныг хадгалахын тулд алчуур хуйлж ороон, хаалганы доор байрлуулж, боломжтой бол цонхыг битүүмжилнэ. Та бүхэн өрөөний голд майхан барьж, хүн бүр нэг дор цугларах тухтай орон зайг бий болгож болно шүү. Өвлийн улиралд цахилгаан тасрах үед дулаан, гэрэлтэй байх хэмнэлттэй олон арга байдаг. Нэг шийдэл нь ургамлын тосонд нэг буюу хэд хэдэн лаа байрлуулах явдал юм. Энэ арга нь өрөөг гэрэлтүүлж, олон өдрийн турш дулааны эх үүсвэрийг бий болгож чадна. Бидний Хамгаас Энэрэнгүй Төгс Гэгээрсэн Их Багш Чин Хай (веган) саяхан Суприм Мастер ТВ-ийн багийн гишүүдтэй хийсэн бага хурлынхаа нэгэнд энэхүү зөвлөгөөг хэлж өгсөн юм. Бид одоо цахилгаан тасарсан үед хоол хийх зарим аргыг толилуулъя. Түр хугацааны шийдэл бол кемпийн зуух юм. Өөр нэг боломж бол гар хийцийн пуужин зуух хийх явдал юм. Энэ төрлийн гар хийцийн зуух хийх онлайн хичээл олон бий. Нарны эрчим хүчээр ажилладаг үүсгүүр нь цахилгаан зуух, чийдэн, халаагуур гэх мэт жижиг цахилгаан хэрэгслийг цахилгаан тасалдсан үед тэжээх боломж олгодог нөөц юм. Нарны эрчим хүчээр ажилладаг үүсгүүрүүд нь бензиний оронд нарны зайн хавтанг ашигладаг ба батарей цэнэглэхэд хэрэглэгдэж, цахилгаан тасарсан үед эрчим хүчний үнэгүй эх үүсвэр болдог. Зайлшгүй шаардлагатай зүйлсийг холбох цахилгааны зэрэгцээ залгуур бүхий олон сонголт бий. Цаг агаарын нөхцөл байдлаас үүдэн цэнэглэхэд хүндрэлтэй тохиолдолд зарим нь машины батарейд залгах боломжтой байдаг. Эдгээр төхөөрөмжийг авахад илүү их зардал гаргах болдог ч урт хугацаагаар цахилгаан тасалдсан тохиолдолд амь насыг аврах боломжтой. Бид одоо яаралтай тусламжийн цүнхэндээ хадгалах зарим чухал зүйлийг хэлж өгье. Та бүхэн өөрийнхөө гар утсан дээрх газрын зураг, хаяг, очих ёстой газрын тань замыг заагч гээд энгийн зүйлдээ технологи ашиглах боломжгүй болно гээд төсөөлөөд үз дээ. Хэрэв утас тань гэмтэх юм уу интернэт холболт байхгүй бол эдгээр мэдээллийн алийг нь ч хэрэглэх боломжгүй болно. Тиймээс гэрийнхнийхээ болон яаралтай тусламж үйлчилгээний нэн хэрэгцээтэй утасны дугаар, хаягийг бичиж авах нь маш чухал. Яаралтай тусламжийн цүнхэндээ энэ бүх чухал мэдээллийг бичсэн дэвтэр, интернэт сүлжээнд холбогдоогүй үед явах чиглэлийг тань зааж өгөх газрын зурагтай байх хэрэгтэй. Шарх цэвэрлэж, арчлах шаардлага гарах үед хэрэглэх янз бүрийн хэмжээтэй бинт, боолт, самбай, ариутгах бодис болон бусад зайлшгүй хэрэгтэй анхны тусламжийн хэрэгсэлтэй байгаарай. Хэрэв өдөр бүр эм ууж байгаа бол долоо хоногийн эм бэлдэх хэрэгтэй. Гал, гэрэл гаргах нэмэлт эх үүсвэр болгон чүдэнз, асаагуур, лаа, ижил төрлийн батарейгаар ажилладаг олон гар чийдэн, мөн нэмэлт батарейг хангалттай нөөцлөөрэй. Толгойн чийдэн алхаж явахад гар шаардахгүй гэрэл гаргагч болдог гайхалтай нэмэлт хэрэгсэл билээ. Гадаад ертөнцтэй холбоотой байхын тулд гартаа батарей болон гараар ажилладаг яаралтай тусламжийн радиотой байх нь дээр. Нойтон салфеткыг шүршүүрт орох боломжгүй үед гараа цэвэрлэхээр, мөн эрүүл ахуйн зорилгоор ашиглах боломжтой. Гэртээ үргэлж бага хэмжээний бэлэн мөнгө байлгаарай. Хэрэв цахилгаан тасарвал дебит, кредит картуудыг ашиглах боломжгүй болж, зөвхөн бэлэн мөнгөөр худалдаа хийх болно. Бусад хэрэгцээт зүйлд гар утасны цэнэглэгч, олон төрлийн хэрэгсэл, энгийн лааз онгойлгогч орно. Эдгээр бүх зүйлийг нэг хайрцагт хийж, яаралтай үед хялбархан хүрч очих газар хадгалаарай. Хэрэв үерт автдаг газар амьдардаг бол энэ хайрцгаа шүүгээний дээд талд юм уу хоёрдугаар давхарт байрлуулах нь дээр. Гэрээсээ дүрвэх шаардлагатай бол яаралтай тусламжийн хэрэгсэлтэй хайрцаг тань ойрхон байх хэрэгтэй. Бид бүгд эдгээр зүйлс хэзээ ч бүү хэрэг болоосой гэж найдаж байгаа ч яаралтай үед бэлэн байх нь амь насыг аврах болно.
