Хөтлөгч: 2021 оны 12-р сарын 21-ний мягмар гарагт бидний Хамгаас Хайрт Төгс Гэгээрсэн Их Багш Чин Хай Суприм Мастер Телевизийн ажлын багийн зарим гишүүдтэй утсаар холбогдон Хадитаас болон Лу Хуи Нгуен, Дан Ван Лан нарын эмхэтгэсэн “Вьетнамын шидэт үлгэрийн цоморлог (Hợp Tuyển Truyện Cổ Tích Việt Nam)”-оос уншиж өгсөн юм. Конференцын үеэр Их Багш мөн багийнхны олон янзын асуултад цаг гарган хариулт өгсөн юм.
(Багш аа, Пап гэр бүлийн хүчирхийллийг бараг л сатаны үйл гэж одоо хэлж байна. Тэгэхээр энэ нь тэр өөрчлөгдөж байгаагийн сайн шинж үү? Эсвэл яагаад ингэж ярьж байгаа юм бол?)
Энэ бас л нэг дүр эсгэсэн хэрэг. Тэр бөөрөнхийлөөд байдаг. Эхлээд гэлэнмаа нарыг зэмлэсэн, (Тийм.) одоо болохоор гэр бүлийн хүчирхийллийн тухай ярих болж. (Тийм, эмэгтэйчүүдийн эсрэг.) Тэр зүгээр л зайлсхийгээд өнгөцхөн гаднаас нь маажих төдий. Түүнд үнэхээр нууцлах зүйл байна. (Хөөх.) Надад нотлох зүйл байхгүй ч, тэр өөрөө адилхан зүйл хийсэн, эсвэл хийдэг байж таарна. Тиймээс л тэр юу ч хэлж чаддаггүй.
“Sarah Westall-ийн ярилцлага 2019.2.23: Аргентинд байх үеийнх нь түүний хувийн намтарт, тэрээр гуравхан жилийн дотор номлогчоос Аргентины Есүсийн нийгэмлэгийн тэргүүн, цэргийн эргэлт гарахаас нэг жилийн өмнө тэргүүн генерал байсан бөгөөд дараа нь тэрээр цэргийн хунтын зөвлөх болжээ. Тэд Аргентины 30,000 ард иргэдийг хөнөөсөн бөгөөд тэрээр улс төрийн хоригдлуудын хүүхдүүдийг худалдаалахад нь тусалжээ. Хунтад туслахын төлөө тэрээр өмхий бохир зүйлс хийсэн. Тэрээр арын бүхий л бохир цэвэрлэх ажлыг хийсэн. Аргентин дахь санваартнууд нь түүнийг цэргийнхэнтэй сүлбэлдсэн хэмээн шүүхэд зарга мэдүүлж байсан.”
“Fanpage.it-ийн мэдээ 2017.2.27: 2009 онд тусгай хэрэгцээт 67 хүн хэсэг номлогчдын бэлгийн хүчирхийлэлд өртсөн гэж мэдэгдсэн. Тэд бол Веронагийн сонсгол, хэл ярианы тусгай хэрэгцээт хүүхдүүдэд зориулсан, шашны Проволо Институтийн сурагч хүүхдүүд байжээ.
Хүчирхийллийн хохирогч 1 (m): Проволод орохдоо би 3 ой хагастай байсан юм. Би хамаг л аймшигтай тамлалыг үзсэн.
Хүчирхийллийн хохирогч 2 (m): Анх 6-7 настайдаа би бэлгийн хүчирхийлэл гэгчийг амссан юм.
Сурвалжлагч (m): Таныг хүчирхийлсэн номлогчдоос одоо хэр нь амьд сэрүүн хүмүүс бий юү? (Дон Пикколи. Номлогч Дон Пикколи бол аймшигтай.)
VO: Дон Пикколи нь Веронагийн ойролцоо Неграр дахь Ватиканы байранд амьдардаг.
Сурвалжлагч (m): Ямартай ч тэр өрөөнд болсон явдал нүгэлтэй зүйл байсан уу? (Үгүй ээ, байдлаас хамаарна... Учир нь эрэгтэй нь эрэгтэйтэй гэдэг бол хошигнол. Тэдгээр нь хошигнол.)
Тэгэхээр бүх номлогчид тэгсэн гэсэн үг үү? (Бараг бүгд, тийм ээ, тийм.)
Сексийг хүртэл үү? (Тийм, тийм.) Секс үү дээ? (Тийм, тийм.)
Энэ бүхэн сөхөгдөхөд тэдгээр номлогчид яасан бэ? Тэд хөөгдсөн үү? (Тийм ээ, хөөгдсөн.) Хүчирхийллүүд хэзээ илэрсэн бэ? (Жишээлбэл Дон Турати бас эдгээрийг үйлдсэн бөгөөд тэрээр Америк руу явчихсан.)
Тэд хүүхэд хүчирхийлсэн байхад хэрэг нь илрэнгүүт өөр тийш илгээлээ гэж үү? (Тийм, Аргентин руу, Аргентин руу.)
VO: Тухайн үед хохирогчид Буэнос Айресийн хамба асан Жосе Бергоглио (Францис)-той уулзъя гэж гуйсан.
Хүчирхийллийн хохирогч 3 (f): Аргентинд бид Пап Францистай уулзах гэж хичээсэн. Бүх хохирогчид. Харин (тэр) огт хүлээж аваагүй. Тэр кардинал байхдаа ч мөн адил. Тэр мэдэж байсан гэдэгт би итгэлтэй байна.
Сурвалжлагч (m): Эдгээр хүүхэд хүчиндэгч номлогчдын талаар Ватиканд мэдээлсэн болов уу? (Тийм ээ, тэдэнд мэдэгдсэн. Яагаад гэвэл 2013, 2014 онуудад тэдгээр хохирогчид Ватикан руу хэд хэдэн захидал илгээсэн юм. Бид Ромд очиж папт захидлыг биечлэн өгөхөөр шийдсэн. Яагаад гэвэл бид эдгээр жилүүдэд ямар ч хариу хүлээж аваагүй. Тэрээр болсон явдалд түүнийг өршөөхийг биднээс гуйгаад түүний төлөө залбираарай гэсэн... Тэгээд л болоо.)
VO: Жузеппе Консильо бас паптай хийсэн уулзалтад оролцсон.
Хүчирхийллийн хохирогч 4 (m): Тэрээр нүүр нь улайж, “Намайг өршөө” гэж хэлээд залбирал хийсэн. Гэвч надад залбирал хэрэггүй. Учир нь амьдрал минь сүйтгэгдсэн.
VO: 2010 онд Ватиканы комисс энэ хэрэгт оролцсон номлогчдын хэнийг нь ч хөөж явуулаагүй. Бүх нотлох баримтыг Ватикан битүүмжилсэн. Өнөөдөр хохирогчдын хэн нь ч хүчирхийлэлд өртсөн хохирлоо барагдуулаагүй байна.”
Учир нь тэд бие биеэ мэддэг. (Тийм, Багш аа.) Хоёр хулгайч байнга хамтран ажилладаг байлаа гэхэд нэг нь яаж гадуур явж “Өө, чи муу хүн. Чи бол муу хүн” гэж хэлэх вэ дээ. (Тийм ээ, Багш аа.) Яагаад гэхээр тэд бие биеэ дэндүү сайн мэднэ. […]
Диваажин түүний талаар хэлсэн, гэвч би дэлгэмээргүй байна. Та нарт хэлмээргүй байна. Дэндүү муухай, заваан. (За, Багш аа.) (За, ойлгож байна аа.) […]
Тэр хувийн ямар нэг асуудал нууж (Ойлголоо, Багш аа.) байгаа. Иймээс л тэр хүмүүсийн анхаарлыг өөр тийш хандуулах гэж элдвээр хичээдэг. (Аан, тийм байх нь.) Тэгээд тэр хүүхэд хүчиндэж, нялхсыг хорлож байгаа элдвийн хүмүүсийг буруутгаж, шүүх талаар ам нээж чаддаггүй. Бүр гурав, дөрвөн настай хүүхдийг хүртэл. (Тийм, Багш аа.) Ямар ч энгийн хүн үүнийг хамгийн харгис чөтгөрийн үйл гэж мэднэ. (Тийм, Багш аа.) Харин эдгээрээс бусад дээр хэнийг ч болов буруутгадаг. Эднийг л тэр хамгаалаад байдаг. […]
Энэ нөхөр их зүйл нууж байгаа. Тэр харагдаж байгаа шигээ тийм сайхан наалинхай огт биш. Гэхдээ л билгийн мэлмийгүй хүний нүдээр бол түүнийг хүн л гэж харна. Тэр бол хүн биш. Би та нарт хэдийн хэлсэн дээ. (Тийм, Багш аа.) Би түүнийг нэг удаа чөтгөр шиг байхыг харсан. (Хөөх.) Зарим зургаас нь ч харж болно. Гэвч үүнийгээ дэндүү сайн нуудаг. Маш сайн өнгөлөн далдалдаг. Тэд ердийн ороолонгоос илүү том чөтгөрүүд. (Хөөх.) Тэд маш сайн далдалдаг учраас та нар сайн харахгүй. (Хөөх.) […] Хүн бүр илрүүлж чадахгүй. Гэхдээ та нар тэдний хийж байгаа, хэлж байгаа (Тийм.) зүйлсээс нь чөтгөрүүд юм байна гэж олж мэдэж чадна. (Яг тийм, Багш аа.) Тэр хошигносон байдлаар үүнийгээ хэлж, бүр хүлээн зөвшөөрсөн. […] Бурхан минь, хүмүүс үүнийг олж харах хүртэл тэр хэчнээн илүү чөтгөр шиг байх ёстой юм бэ? Түүнийг чөтгөр гэдгийг би батлах хэрэггүй. (Тийм, Багш аа.) Тэр өөрөө баталчихсан.
Тийм болохоор түүнийг одоо юу ч хэлсэн бүү итгэ. Энэ бол бас л нэг өнгөлөн далдлалт, өөр тийш анхаарал сарниулах зүйл учраас хүмүүс түүний тухай, хүүхэд хорлогч педо-номлогчид бузар үйлээ үргэлжлүүлсээр байгааг мартана. […]
Тэр юу гэлээ? Гэр бүлийн хүчирхийлэл гэв үү...? (Энэ бараг сатаны үйл гэсэн.) Бараг сатаны. (Тийм.) Түүний болон түүний гар хөл бологчдын хийсэн, эсвэл хийдэг зүйлстэй харьцуулахад, (Яг тийм.) бас хэвлий дэх ураг, үрсийг хөнөөгчдийг дэмжихтэй адил сатаны үйл гэж байхгүй. […]
Ариун номлогч нэр зүүгчид гэм зэмгүй нялхас, хүүхдүүдийг бүр насанд хүрсэн хүнийг ч хүртэл тамлаж, хүчиндэж байгаагаас дор сатаны үйл гэж үгүй. Тэд бол педо-номлогчид. Гэр бүлийн хүчирхийллийг тэр бараг сатаны үйл гэж байгаа ч аливаа хүчирхийлэл мэдээж сайн хэрэг биш. Энэ хүмүүс наанадаж хамт амьдардаг болохоороо бие биеийнхээ уур уцаарыг төрүүлдэг, эсвэл өөр хоорондоо муу үйлийн үрийн барилдлагатай байж магадгүй, хоорондоо гэр бүлийн, санхүүгийн ч юм уу асуудлаас болоод бухимдсан байж болно. Ажлаасаа бухимдалтай гэртээ иртэл гэрт нь хүүхэд нь өвдсөн, эхнэр нь чилээрхсэн, мөнгө төгрөг ч хүрэлцээгүй гэх зэрэг бухимдмаар асуудал байснаас огцом уурласан байж болох юм. Бас архидах, мансуурах асуудалтай ч байж мэднэ. Энэ бүхэн дээрээс нь нэмэгдээд. Тэд хамт амьдардаг болохоор бие биеийнхээ уурыг хүргэдэг.
Гэтэл энэ номлогчдын хүчиндэж, тамлан, тэр бүү хэл өрөвдөх сэтгэлгүй алж хөнөөж буй тэдгээр хүүхдүүд өөрсдөд нь ямар ч хамаагүй, тэд бүр хамт амьдардаг ч үгүй, огтхон ч түвэг удаагүй байхад нь илүү хүчтэй учраас тэднийг шууд л хүчиндчихдэг. Хүүхдүүд эмзэг дорой учраас үүнтэй харьцуулах зүйл гэж огт байхгүй. Тэгэхээр пап өөрийгөө болон педо-номлогчдоо зэмлэхийн оронд тойрч булзах гээд хүн бүрийг буруутгаад байж болохгүй. Энэ чөтгөрийн бүлэг там руугаа буцаж, тэндээ үүрд түгжигдэх ёстой. Тэдний байх газар там болохоос энэ гараг биш. […]
Христосын шашныг, сүмийн нэр төрийг хамгаалахын төлөө ийм чөтгөрөөс ангижрах ёстой. (Тийм, Багш аа.) Папаас эхлээд дооших бүхий л педо-номлогчдоос салах ёстой. Хэнийг ч бай олж илрүүлсэн даруйдаа зайлуул. […]
Бурхан минь! Бүх хүүхдүүдийг аюулгүй байгаасай, ядахдаа дээрдээсэй гэж Бурханд залбирч, үүний төлөө Диваажинг ямар нэг юм хийгээч гэж би гуйлаа. Үгүй бол бидний амьдрах нийгэм энэ биш. (Биш, Багш аа.) […] Өөр асуулт байна уу? […]
“Sky News-ийн мэдээ 2021.12.17: Засгийн газрын эрдэмтэд Омикроны халдвар одоо ер бусын хурдтай тархаж байна гэв.
Лиса Кинг (f): Та амьсгалдаг. Бүгд л амьсгалдаг. Энэ бол ердийн зүйл. Төрсөн цагаасаа л та амьсгалсан шүү дээ. Тэгээд гэнэт амьсгалж чадахгүй болохоороо хүн цочирддог. Тэгээд “Хөөх, одоо яах вэ?” гэж бодно. Миний амьдралд хэзээ ч ийм зүйл тохиолдож байгаагүй бөгөөд өөр хэнд ч тохиолдоосой гэж хүсэхгүй...”
“NBC 7-ийн мэдээ 2021.12.23: Энэ ёстой аймаар. Амьсгалж чадахгүй байна гэдэг аймшигтай. (Шэннон вакцины бүрэн тунгаа хийлгэсэн бөгөөд саяхан нэмэлт тун хийлгэсэн байжээ.) Би амьсгал авч чадахгүй байсан. Одоо хэр нь ярихад жаахан төвөгтэй, гүйцэд амьсгалж чадахгүй байна. Цээж тэр аяараа өвдөж байсан. Цээжинд маань дүүрэн тоосго байгаа юм шиг л байсан.”
“Sky News-ийн мэдээ 2021.12.17: Одоо би долоо хоногт гурваас дөрвөн удаа дасгалд явж байгаа. Ууланд дугуй унана. Огт өвддөггүй. Үүндээ тун их баяртай байлаа. Ийм зүйл надад тохиолдохгүй л гэж хэлнэ. Өдөрт таван удаа намайг боомилж байгаа юм шиг байсан. Ёстой аймаар. Амьдралдаа үзсэн хамгийн аймар сар байлаа. Хоёр тун хийлгэсэн байсан. Тав ба долдугаар сард тариулсан.”
(Омикроныг одоо Дельта хувилбартай адил хүнд гэж мэдээлж байна.) Багаар бодоход. (Хамгийн багадаа. Энэ маш их санаа зовниож байна, Багш аа. Шийдэл бий болов уу? Үүнд вакцин гэж гарах болов уу? Учир нь Омикрон Дельтагаас 70 дахин хурдан тархдаг гэсэн.)
Бас вакцин бүр нөлөөлөхгүй байгаа гэж байна. (Тийм, Багш аа.) Бүр Дельтагийн дахин халдварлах эрсдэл нь бага гэж уншсан. (Тийм.) Омикроны дахин халдварлахаас дөрвөөс тав дахин бага. (Тийм, Багш аа.) Үүнээс гадна КОВИД-ын хувилбаруудаар, жишээ нь Дельтагаар халдварлалаа гэхэд нэгэнт туссан л бол ядаж зургаан сарын туршид дархлаатай. Гэтэл Омикроны хувьд энэ хугацаа хавьгүй бага. (Хөөх.) Дархлааны хугацаа бага, 19% ч юм уу хамгаалагдана. (Тийм ээ, Багш аа.)
Тэгэхээр Омикрон бол маш аймаар. (Тийм, Багш аа.) Надад арга шийдэл байхгүй. Хүн бүрийг веган бол гэж би хэлсэн. (Тийм ээ, Багш аа.) Энэ бол шилдэг сонголт, гэхдээ одоо хэт оройтсон байх гэж санаа зовж байна. (Ээ, Бурхан минь.) Одоо хэтэрхий оройтсон байх гэж санаа зовж байна. (Өө. Хөөх.) Хэрэв та нар веган бол, залбирдаг, чин сэтгэлтэй бол, энэ бүхнээс өмнө нүгэл бага үйлдсэн байвал аврагдаж магадгүй л юм. (За.) Үгүй бол одоо хэтэрхий оройтсон л болов уу. КОВИД-ын тэргүүн, армийн тэргүүн надад тэгж хэлсэн. (Өө яана аа.) Үүгээр ч зогсохгүй. Диваажин хүн төрөлхтнийг одоо зөвхөн устгах биш ирээдүйг ч устахыг хүсэж байх шиг байна. (Хөөх.)
Нарийвчилж хэлж болохгүй байна. (За, Багш аа.) Надад зөвшөөрөөгүй. Маш аймшигтай. (Яана аа, Багш аа.) Урт хугацааны нөлөө, далд нөлөө зэргийг хэн ч олж мэдэж чадахгүй. (Хөөх!) Асуудал нь энэ. (За, Багш аа.) Тэд дөнгөж өнгөцхөн зүйлсийг л олж тогтоосон. Тэгсэн хэдий ч маш олон зүйл хэлж байна, жишээ нь спермийн тоо цөөрсөн гэх мэт зүйл ярьж байна. (Тийм, Багш аа.) Өөр олон зүйл байгаа ч надад хэлэхийг зөвшөөрөөгүй. Харин хүмүүсийг өршөөхгүй л юм шиг харагдаж байна даа. Заримыг нь би нарийвчлан өдрийн тэмдэглэл дээрээ бичсэн байгаа ч хэлж чадахгүй нь. (За, Багш аа.)
Хүн төрөлхтөн мөхөх гээд байх шиг байна гэж хэлэхэд л хангалттай. (Өө, Бурхан минь.) […] Маш аймшигтай. Эхэн үед тэд “Өө, сандрах юмгүй. Энэ бол багахан халдвар” гэсэн. Тийм биш, энэ зөвхөн өнгөн тал. (За, Багш аа.) Би та нарт ил, далд алинаар нь ч болов энэ харагдаж байгаа шигээ биш гэж хэлээд л байсан. (Тийм, Багш аа.)
Энэ вирус зүгээр мутацид орж тоглоогүй. […] (За, Багш аа.) Хүмүүст аль болох хамгийн их хохирол учруулах зорилгоор тэд ингэж (Өө, хөөх!) хувирсан. (Хөөх!) Зөвхөн одоо биш, ирээдүйд ч хөнөөлтэй. Хүмүүс огт гэмшихгүй юм. Бурхан минь. Тэд жаахан ч гэсэн наманчилж, өөрсдийгөө, хүн төрөлхтний удмын хэлхээ, гений санг хамгаална (Тийм, Багш аа.) гэж найдаж байна. Яагаад гэвэл ген эвдэгдэж дуусах юм бол, тэгээд хүн төрөлхтөн сүйрнэ. (Тэгнэ, Багш аа.) Хүмүүс огт сонсохгүй юм. Яалтай билээ? Өдөр бүр би аль чадахаараа л хичээж байгаа ч Диваажин өршөөнө гэж би бодохгүй л байна. Би чадлаараа хичээж байгаа. (Тусалж байгаад Тань баярлалаа, Багш аа.) [...]
Үүнд аажмаар, удаан үзүүлэх нөлөөллүүд бий. Эрдэмтэд хараахан мэдээгүй байгаа. Олж мэдэх ч үгүй байх. [...]
Омикроны удаан хугацааны нуугдмал нөлөө эрдэмтдэд олж мэдэхэд маш хэцүү. Оллоо гэхэд эмчилж чадна гэж хэлж чадахгүй нь. [...] Тэд бүхэлд нь олж нээж огт чадахгүй. (Хөөх.) Тэд зөвхөн үр дагаврыг нь харах ч үүнийг Омикроноос үүдэлтэйг мэдэж чадахгүй байх. Тэд магадгүй хүмүүсийг л улам доройтоод байна гэх зэрэг зүйл хэлэх байх. Би цааш нь яримааргүй байна. […]
Энэ бүхнээс болж унтаж ч чадахгүй боллоо. Тэгээд ч яалтай билээ? Хүмүүс өөрчлөгдөхгүй байсаар, юмс улам дордоод байх шиг байна. Хэрэв тэд шинжлэх ухаанд найдаад, удаа дараагийн вакцины араас хөөцөлдсөөр л байвал ямар ч нэмэр болохгүй. Энэ бол жинхэнэ шийдэл биш. Жинхэнэ шийдэл бол хүмүүний ёс суртахууны хэм хэмжээ, хайрлан энэрэх сэтгэл л юм. Асурийн сэтгэл хөдлөл төдий биш, жинхэнэ нигүүлсэл. […] Энэ бүх гамшиг, цар тахлын тасрахгүй цувах хувилбаруудаас зайлсхийхийн тулд бидэнд жинхэнэ нигүүлсэл, жинхэнэ сэхээрэл хэрэгтэй байна. (Тийм.) […]
Хэрэв хүмүүс өөрсдийн дотоодод байдаг тэрхүү хайрыг алдах л юм бол бүх зүйлийг алдсан гэсэн үг. Тэдэнд хүний гэх шинж чанар үлдэхгүй. Намайг ойлгов уу? (Тийм, Багш аа.) Хүн байх эрх гавьяагүй. Тэд хүн байх наад захын хэм хэмжээндээ ч хүрэхгүй байгаа учраас л Диваажин устгахыг хүсээд байгаа хэрэг. Хэрэв та бүхэн хүн хэвээрээ байж там руу явахгүй байх, эсвэл амьтан-хүн зэрэг өөр төрөл зүйл, бүр дорд төрөл зүйлийн амьтан-хүн, хортой муу амьтан-хүний зүйл болон унахыг хүсээгүй л бол Таван Сахил, Арван Хууль зэрэг зарчмуудыг дагаж мөрдөж байх хэрэгтэй. (За, Багш аа.) […]
За, өөр асуулт байна уу? (Сүүлд Таны өмнөх конференц дээр хэлсэн нууцтай холбоотой нэг асуулт байна. Хэрэв веган бөгөөд буянтай бол тэр хүн халдвар авахгүй гэсэн дээ. Энэ нь тухайн хүн хэр их буянтайгаас хамаарч бага зэрэг өвчилж ч магадгүй, эсвэл огт тусахгүй гэсэн үг үү?)
Тийм, яг үнэн. Энэ нь хэдэн зүйлээс хамаарна. Юуны өмнө их бага ямар нэг хэмжээнд буянаас хамаарна. Буян дотроо хоёр янз. Гадна үйлдэлийн буян ба жинхэнэ дотоодын буян, эсвэл хоёул. (За.) Зарим хүн буянтай юм шиг санагдавч үнэндээ тийм биш байдаг. Тэд чаддаг учраас л хийсэн зүйл байдаг. Тэд мөнгөтэй учраас, эсвэл тэд зүгээр л буянтай хүн шиг харагдахыг хүсдэг боловч зүрх сэтгэлд нь жинхэнэ өрөвч чанар байдаггүй. (За, Багш аа.) Жинхэнэ буянтай хүн гэдэг бол бусдыг гэсэн жинхэнэ хайр, нигүүлсэх сэтгэлтэй байдаг. Зүрх сэтгэл нь үнэхээр тийм байдаг. Тэд бусдын төлөө зовж шаналдаг. Мэдээж бие махбодын шаналал биш ч, үнэхээр тэр нөхцөл байдалд өөрөө орсон мэт мэдэрдэг. (Тийм.)
Олон хүнд жинхэнэ сайхан сэтгэл байдаг ч гэсэн тэд үүнийгээ огт хөгжүүлдэггүй. (Тийм, Багш аа.) Бид Бурханы үр сад л юм бол бидэнд энэ бүгд байх л учиртай. Харин бид ертөнцийн аливаа үйлийг хийж аж төрсөөр байвал бидний дотоодод жинхэнэ хайр нойрсож байгааг ч мартана. Яг л бид өвлөж авсан Гэрлээ, үүний нэг хэсэг гэдгээ, Бурханы Гэрлийн нэг хэсэг гэдгээ мартдагтай нэгэн адил. (Тийм, Багш аа.)
Тэгэхээр мэдээж буян нь хэр хэмжээтэй болон үнэн эсэхээс хамаарна. Энэ нь гадна талын буяны үйл биш. Энэ нь гадна хариу үйлдэл биш, эсвэл бусдын хандив өгч буй үйлийг, буян үйлдэж байгааг урамшуулан магтах төдий зүйл ч биш юм. Үгүй дээ, ийм зүйлээр зогсохгүй. Чин зүрхнээс чинь гарсан байх ёстой. (За, Багш аа.) […]
Тэдний зүрх сэтгэлд хайр байгаа эсэхийг Бурхан мэдэж байдаг. (За, Багш аа.) КОВИД-ын вирус ч гэсэн нүдэнд үл үзэгдэвч тэд бүгдийг мэдэж байгаа шүү! (Хөөх.) […] Тэд зүрх сэтгэлийг чинь, сүнсийг чинь, ухаан бодлыг чинь харж байгаа бөгөөд гадна үйлдлийг чинь харахгүй байгаа. Мэдээж та нар хандив тусламж, сайн үйлсийг гаднаа хийлээ гэхэд жинхэнэ хайраар ХИЙЖ, жинхэнэ хайраас ҮЙЛДВЭЛ тэд мэдээж бас мэднэ. (За, Багш аа.) Сайхан сэтгэлтэй байх гэж хичээсэн байлаа ч, тухайлбал чин сэтгэлтэй эсэхээ мэдэхгүй байсан ч аль чадахаараа хичээ, хамгийн сайнаараа хичээвэл тэд бас мэднэ.Энэ тохиолдолд туслаа ч гэсэн хөнгөн тусаж, (За.) эдгэрэх болно.
Бас веган бол, мэдээж веган байх нь хэрэв нигүүлсэх сэтгэлээр (Тийм, Багш аа.) сонгосон бол хэдийн буянтай үйл. Эрүүл мэндийнхээ төлөө сонгосон байлаа ч гэсэн веган хоолны сайн энергийн нөлөөгөөр аажмаар хайр ба энэрэл нигүүлсэл (За, Багш аа.) сайхан сэтгэлээ улам хөгжүүлж чадна. Хам нөлөө маягаар. […]
Сайн үйлс хийж, үнэхээр чин сэтгэлээсээ хичээхэд сайн хам нөлөө үзүүлэх болно. Харин нигүүлсэх сэтгэл, гаргаа хамгаалах зорилгоор веган болсон бол үр нөлөөг нь илүү их хүртэх болно. Иймээс КОВИД зэргээр өвдлөө ч гэсэн шүргээд өнгөрнө гэсэн үг. (За, ойлголоо, Багш аа.)
Мөн өөр нэг хүчин зүйл бол үүнд хүрэлцэхүйц хангалттай буянтай эсэхээс (За.) хамаарч хурдан эдгэрэх болно.
Бас нэг хүчин зүйл нь хувь тавилан чинь бөгөөд ингэж үхэх хувьтай үгүйгээс болно. (Хөөх.) Энэ ердөө л үхэх шалтаг болж, үхэх цаг нь ирсэн л бол үхэх ёстой. (За, Багш аа.) КОВИД-оор далимдуулж нас барах нь. Тиймээс олон хүчин зүйл байна, энэ олон зүйлээс шалтгаална. […]
Мах иддэг олон хүн хараахан КОВИД тусаагүй, огт тусахгүй байгаа нь тэдний урьд насных нь асар их буянаас болж байгаа юм. Нэгдүгээрт. Хоёрдугаарт эсвэл тэд чөтгөрийн хүчнээс төрөл авсан байгаа. (Өө, хөөх.) Тэд өөрсдөө хүмүүсийг яг л КОВИД шиг хорлох зорилготой. Иймд тэд хамсаатнууд шиг, (За.) тиймээс бие биеэ хорлохгүй. (Хөөх.) КОВИД ийм хүмүүсийг, ийм төрөлтнүүдийг хорлохгүй. Тэгэхээр ийм хүмүүс ямар ч их муу зүйлс хийлээ гэсэн яагаад юу ч тусахгүй байна вэ гэмээр байгаа биз? Тэд нэг тал. (Тийм байх нь.) (Өө, хөөх.) […]
Би тэгээд КОВИД-19-ын тэргүүнээс бас асуусан. “Жишээ нь, яагаад педо-номлогч, пап мэтийн муу үйл хийж, мууг өгүүлэгчид, бүр Есүсийн эсрэг зүйлийг хүртэл өгүүлэгчид яагаад КОВИД тусахгүй, үхэхгүй байна вэ?” гэж асуулаа. Тэд надад “Яагаад гэвэл цэргүүд тэднийг сөрөг түвшнийх гэж мэдэрдэг” гэж хэлсэн. Тэд надад “Тэд сөрөг талтай ‘адилтгасан’ байдаг” гэсэн. “Адилтгасан”. Тэд тэднийг ангилсан юм уу зүйлчилсэн байдаг гэж хэлээгүй. Магадгүй ямар үг сонгохоо мэдэхгүй байсан байх. Тэд сөрөг талынх гэж “адилтгасан” байгаа гэнэ. Иймд тэднийг оролдохгүй. (Хөөх.) Энэ муу зүйл, гэхдээ би та нарт үнэнийг л хэлнэ. (Тийм ээ, Багш аа.) Би та нарт ийм хүмүүсийг хурдан үхнэ, эсвэл КОВИД тусаад хурдан үхнэ гэж хэлмээр байвч тийм зүйл болохгүй нь. Тэд цугтаа. Хүмүүсийг хөнөөхөөр зүтгэж байна. Ойлгож байна уу? (За, Багш аа.) Хүнийг бүр төрөхөөс нь ч өмнө хэдийн алж хөнөөгөөд сүнсээр нь хооллохыг хүсэж байдаг. Тэд зөвхөн дэгдээхэй-хүмүүс, тахиа-хүмүүс, үхэр-хүмүүсийг идээд зогсохгүй үр хөндөлтөөс бол зовж үхсэн нялхсын сүнсээр ч гэсэн хооллодог. (Тийм, Багш аа.) Тэд бүгд цус урсгахыг л хүсдэг. Тэд нэг талд зүтгэдэг. Тэд бол найзууд. Сөрөг хүмүүсийг тэд оролддоггүй.
Тэд тамаас ирсэн. Хүмүүсийг хорлохоор тэндээс гарч ирсэн. […] Иймээс хүмүүсийг хорлогч өөр хэн бүхэн тэдний холбоотнууд. […]
КОВИД-оор үхэхгүй байгаа хүн бүр сөрөг гэсэн үг биш. Зарим хүн ердөө урьд насандаа маш их буян хураасан байдаг. (Тийм ээ, Багш аа.) Иймээс энэ амьдралд нь хувь заяа нь тэднийг тийм ангилалд оруулахгүй. Гэхдээ үүгээр зогсохгүй өөр олон зүйл бий. Би өмнө нь “КОВИД-оор хүмүүсийг хэр удаан шийтгэсээр байх вэ” гэж асуусныг санаж байна уу? Тэд надад олон хүн нэмж үхнэ гэсэн. […]
Яг л хэд хоногийн өмнө энэ мэдээ ил болохоос ч өмнө Омикроны талаар КОВИД-ын тэргүүн надад хэлсэн шиг, судлаачдын хэлж байгаагаар энэ нь тийм ч хөнгөн биш, тодруулбал, Дельта шиг хүнд юм. (Тийм.) Спермийн тоо цөөрч байгаа (Тийм.) гэх мэтчилэн хэлсэн.
Би энэ талаар аль эрт мэдсэн байсан. Би олон зүйлийг мэдээнд гарахаас аль эрт мэдэж байдаг. […] Гэвч мэдлээ гээд би энэ талаар хэлж болно гэсэн үг биш. Тэр (КОВИД-ын тэргүүн) хийх ёстойгоо л хийх ёстой. (За, Багш аа.) […]
Хөтлөгч: Ачлалт Их Багшийнхаа хүн төрөлхтнийг авралын замд хөтлөгч эрдэнэт Билиг Ухаанд Тань бид гүнээ талархаж байна. Бид бүхэн бүрэн веган амьдралын хэв маягийг сонгож, хамгаас цэвэр ариун төрөлтнүүдийг хөнөөлөөс хамгаалан, заяагдмал хайр ба гэрлээ эргэн санаж, гарагийнхаа ирээдүйг авран хамгаалж чадах болтугай. Хайрт Их Багш минь лагшин тунгалаг, сэтгэл амгалан байж бүхий л Диваажингийн хамгаалалд орших болтугай.
Зөнчийн (Тэрээр Амгалан Байг) айлдсанчлан, Эцсийн Шүүлт ирэх цагт Аллахын хамгаалалд багтах долоон төрлийн хүмүүсийн талаар, мөн КОВИД-ын тэргүүн хаанаас гаралтай болох, гэр бүлийн хүчирхийллийн үндэс суурь нь юу болохыг мэдэхийг хүсвэл Багш шавийн шүтэлцээгээр 2022 оны 2-р сарын 1-ний мягмар гарагт конференцыг бүрэн эхээр нь үзээрэй.
Мөн танд лавлах шаардлага гарвал Шуурхай Мэдээ/ Багш шавийн шүтэлцээ зэрэг өмнөх конференц нэвтрүүлгүүдийг үзнэ үү:
Шуурхай мэдээ: Хүн бүр өөрсдийн хийсэн зүйлийн хариуг хүртэнэ Цацагдсан огноо: 2021 оны 12-р сарын 18
Бүх КОВИД-ын тэргүүний хэлсэн нууц Цацагдсан огноо: 2021 оны 12-р сарын 24
Төгс Гэгээрсэн Их Багш Чин Хайн Зул сарын мэндчилгээ Цацагдсан огноо: 2021 оны 12-р сарын 30
Багш шавийн шүтэлцээ: Диваажин хэвлий дэх нялхсыг алахыг зөвшөөрөхгүй Цацагдсан огноо: 2021 оны 11-р сарын 9
Чөлөөт сонголт гэдэг бол зөв арга замыг сонгох явдал Цацагдсан огноо: 2021 оны 11-р сарын 17
Үнэнч чанар үгүй болоход: Хадитад өгүүлсэн Эцсийн Мөчийг илтгэх шинжүүд Цацагдсан огноо: 2021 оны 12-р сарын 4
Католик номлогчид Эзэн Есүсийн Жинхэнэ Сайн Мэдээг номлох ёстой Цацагдсан огноо: 2021 оны 12-р сарын 20
Жинхэнэ Гэгээнтэн хэргэм Цацагдсан огноо: 2021 оны 12-р сарын 28
