“Зөвхөн Бурханыг таньж ухаараг гэж хүн нэг бүрд хүн төрлийг олгосон байдаг. Энэ зорилгоо бид орхивол, энэ төрөлдөө эсвэл ямар ч төрөлдөө хэзээ ч аз жаргалтай болохгүй. Үнэнийг хэлэхэд, хүний зовлонгийн цорын ганц шалтгаан энэ юм, өөр юу ч биш. Эхийнхээ хэвлийд бид хэрхэн тэмцэж байснаа, өнгөрсөн төрлүүдийн алдаанууддаа хэрхэн гэмшсэнээ санаж, мөн төрөхөөсөө өмнө Бурханд, энэ амьдралаа Түүнд үйлчлэн үнэхээр утга учиртай өнгөрүүлнэ гэж хэрхэн амласнаа санавал, ямар нэг өөр зүйл бодож нэг секундыг ч дэмий үрэлгүй, бүхий л сул чөлөөтэй цагаараа Бурханыг таньж мэдэхийн төлөө хамаг чадлаараа хичээх болно.

 

Гэвч энэ дэлхийд төрмөгцөө бид бүхнийг умартдаг. Учир нь материаллаг дэлхийн хууль нь хүмүүсийг мартуулдаг. Тийм учраас Их Багш ирж биднийг эхийнхээ хэвлийд байхдаа Бурханд амласан амлалтаа санах хүртэл ахин дахин, ахин дахин сануулах шаардлагатай байдаг юм. Бид энэ махан тархиараа санахгүй байж болох ч, сүнс маань, билиг ухааны маань чадвар санах болно.”

“Анхаарлаа бүрэн, нэг чигт, чин сэтгэлээр, нэг зүйлд төвлөрүүлэх бүрд бясалгал болдог. Одоо би зөвхөн дотоод ХҮчинд, нигүүлсэлд, хайранд, Бурханы энэрэнгүй чанарт л төвлөрдөг бөгөөд тэр нь бясалгал юм. Албан ёсоор ингэхийн тулд бид чимээгүйхэн буланд сууж, ганцаараа байх учиртай, энэ бол бясалгалын үйл явц юм. Гэвч буланд чимээгүйхэн сууснаараа хүн ямар нэг зүйлд хүрдэггүй. Эхлээд дотоод Хүчтэй холбогдож, тэр дотоод Хүчийг ашиглан бясалгах ёстой. Үүнийг Өөрийгөө сэрээхүй гэдэг. Бид жинхэнэ дотоод “Би”-гээ сэрээж, Түүнийг бясалгуулах ёстой, хүний тархи, эгэл ойлголтоо биш. Тэгэхгүй бол, та нар суугаад түмэн зүйлсийг бодож, хүслээ дарж чадахгүй. Гэвч өөрөө-сэрсэн байгаа үед, жинхэнэ дотоод “Би” тань, дотоодын тань Бурханы хүч бүхнийг удирдана. Зөвхөн жинхэнэ Их Багш уламжилснаар л та нар жинхэнэ бясалгалыг мэддэг. Үгүй бол, бие сэтгэлтэйгээ тэмцэх нь зөвхөн цагийн гарз.”

“Их Багш гэдэг бол та бүхнийг Их Багш болгох түлхүүртэй Нэгнийг хэлдэг... та нар бас Их Багш гэдгийг, Бурхан та хоёр Нэг гэдгийг ухаарахад тань тусалж чадах Нэгнийг хэлдэг. Тийм л юм... Их Багшийн цорын ганц үүрэг энэ.”

 

“Их Багш нар гэж Хаанаас ирснээ мэдэж байдаг Хүмүүс юм. Тэгээд хайраасаа болоод энэхүү мэдлэгээ эрж хайж буй хэнтэй ч бай хуваалцаж, ажлын ямар ч хөлс авдаггүй. Бүхий л цаг хугацаа, санхүү, эрч хүчээ дэлхийд зориулдаг. Их Багш байх энэ түвшинд хүрээд бид хаанаас ирснээ санаад зогсохгүй бусдад жинхэнэ үнэ цэнээ ухаарахад нь туслах боломжтой. Их Багшийн замыг дагадаг хүмүүс нэн даруй өөрсдийгөө жинхэнэ мэдлэг, жинхэнэ гоо үзэсгэлэн, жинхэнэ ариун чанараар дүүрэн шинэ ертөнцөд олж хардаг. ”

“Авшиг гэдэг нь шинэ урсгалд шинэ амьдрал эхлүүлж байна гэсэн үг. Их Багш өөрийг тань Гэгээнтнүүдийн тойргийн нэгэн төрөлтөн болгон хүлээн авсан гэсэн үг. Ингэснээр та энгийн төрөлтөн байхаа больж, дэвшдэг, яг л их сургуульд орохдоо арван жилийн сурагч биш болдог шиг юм. Эрт дээр үед, хүмүүс үүнийг баптизм эсвэл Их Багшид аврал одуулах гэж нэрлэдэг байсан.

 

Авшиг гэдэг нь үнэндээ сүнсийг нээхийг илтгэсэн үг юм. Бид үзэгдэх болон үл үзэгдэх олон төрлийн саад бэрхшээлтэй байдаг, тиймээс авшиг нь билиг ухааны үүдийг нээж, түүнийгээ энэ дэлхий рүү урсгаж, дэлхийг адисалж, мөн “Би”-гээ адислах үйл явц юм. Гэвч жинхэнэ “Би” үргэлж сүр жавхлантай, билиг ухаантай байдаг учраас түүнийг адислах шаардлага байхгүй.”

Дотоод Гэрэл, Бурханы Гэрэл гэдэг нь “гэгээрэл” гэдэг үгэнд ордог Гэрэл юм. Дотоод Аялгууг Библид ийн дурдсан байдаг: “Эхлээд Үг байсан, Үг Бурхантай хамт байсан.” Дотоод Гэрэл, Аялгуугаар бид Бурханыг таньж мэддэг.

 

“Тиймээс бид энэ Үгтэй эсвэл Аялгууны урсгалтай ямар нэг байдлаар холбоо тогтоож чадвал Бурханы хаана байгааг мэдэх юм уу, Бурхантай холбоотой байх боломжтой. Гэвч энэ Үгтэй холбоотой байхын баталгаа нь юу вэ? Энэхүү дотоод хэлбэлзэлтэй холбоо тогтоосны дараа бидний амьдрал илүү сайнаар өөрчлөгддөг. Өмнө нь огт мэддэггүй байсан зүйлсээ мэдэж, урьд нь хэзээ ч бодож байгаагүй зүйлсээ ойлгодог. Бид хийж чадна, урьд нь хэзээ ч зүүдэлж байгаагүй олон зүйлстээ хүрч чаддаг. Оройн дээд болох хүртлээ улам л агуу болсоор байдаг. Бид хаа сайгүй болох хүртэл, хаа сайгүй нэгэн зэрэг оршдог болох хүртлээ оршихуй маань илүү чадварлаг, илүү том болсоор байдаг ба дараа нь бид Бурхантай нэг болсноо мэддэг.”

Төгс Гэгээрсэн Их Багш Чин Хай амьдралын бүхий л талбарын, бүхий л шашны харьяалалтай хүмүүсийг хүлээн авдаг. Одоогийн шашнаа эсвэл итгэл үнэмшлийн системээ өөрчлөх шаардлагагүй. Ямар нэг байгууллагад нэгдэхийг юм уу, одоогийн тань амьдралын хэв маягт зохицохгүй ямар нэг байдлаар оролцохыг танаас хэзээ ч шаардахгүй. Гэвч танаас веган байхыг шаардана. Авшиг хүртэхэд тавигдах шаардах зүйл бол насан туршдаа веган байх юм.

 

Авшгийг үнэ төлбөргүй хүртээдэг. Арьяабалын Аргаар өдөр бүр бясалгаж, Таван Сахил сахих нь авшиг хүртсэний дараа тавигдах цорын ганц шаардлага юм. Сахилууд нь та өөртөө болон өөр амьд төрөлтөнд гэм хор учруулахгүй байхад тань туслах зааварчилгаа юм.

 

 

* Үүнд мөн дотоодын Гэрэл, Аялгуун дээр өдөр бүр 2 цаг 30 минут бясалгах багтана.

 

Эдгээрийг дадуулах нь анхны гэгээрлийн ахуй ойлголтыг тань гүнзгийрүүлж, хүчирхэгжүүлж, улмаар хамгийн өндөр түвшний Сэхээрэлд хүргэнэ, өөрийгөө Буддын хутагт хүргэх болно. Өдөр бүр бясалгахгүйгээр, гэгээрлээ мартах нь бараг гарцаагүй бөгөөд ухамсрын доогуур түвшинд унах болно.